YAHUDA 1:25 - BALA LUK DO'

²⁵ ieh ineh kuan Allah Lun Nengulun netau luk Sebuleng: rayeh, dita', tueh, idi lalud, ratnan Tuhan tau Yésus Keristus luk idi rat pun-pun idi nekini pana', idi macing ruked-ruked peh! Amin.

YAHUDA 1:25 Iomraidhean Croise

INUL LUK PUN-PUN 29:11

KuanMu O Tuhan, amung rayeh, amung lalud, amung ubur, idi amung tueh, idi amung dita'. Idi amung-amung luk déi' langit idi luk luun tana' Iko mo' luk kuan, O Tuhan luk kuan amung imet, ngaceku Iko mo' luk rayeh pa luun amung-amung.

NANI UBUR 104:24

O Tuhan, luk inau'Mu pelaba ula'! Iko pelaba ileh nenganau' nedeh! Tana' ini mepanu' ku pung luk pinudutMu.

NANI UBUR 147:5

Tuhan tau rayeh idi meluun melalud; idi ilehNeh na miak mepad.

NANI UBUR 78:20

Matu Ieh nenecat batu, pad mula' abpa' neremuat, iamo' miakké Ieh maré ruti nekai teh, idi maré uang pung kuan pupuNeh?”

YESAYA 12:2

Allah ineh Lun Nengulun negku, ui merapet Neneh idi na matot. Tuhan maré lalud idi tueh negku; Ieh ineh ulunku.

YESAYA 45:21

Do' ngukab besara' idi mada' terawé muyuh; do' muyuh pegayam arang muyuh sebuleng. Idéké luk nemada' mon ratnan luk mangun muci? Ui ini Tuhan Allah luk ngulun pupuNeh. Na Allah baken rat Negku.

DANIEL 4:37

“Idi nekini, ui ini Nebukadnesar ngubur idi ngerayeh Raca' Surga. Amung-amung luk ruenNeh matu. Ieh megéi' nganau' luk mesiri, idi Ieh ngebeneh lemulun luk medita' niat.”

MATIUS 6:13

Aleg nima' nekai tetunin Iblis, iamo' muit nekai ratnan laludneh.’ [Iko luk kuan Imet, idi lalud idi rayeh, macing ruked-ruked peh, Amin.]

LUKAS 1:47

idi rohku do' ria inan Allah Lun Nengulun negku,

YAHYA 4:22

Muyuh lun Samaria na kali' idé luk inan muyuh sembayang; kai lun Yahudi kali' luk inan kai sembayang, ngaceku ulun macing rat nelun Yahudi.

YAHYA 5:44

Kudeng apehké muyuh miak manu, laba' muyuh nakap rayeh rat arang muyuh sebuleng, iamo' na muyuh nakap rayeh ratnan Allah luk Sebuleng ineh?

SURAT LUK BIRE PAULUS KUAN LUN RUM 11:33

Kudeng apeh kirayehneh, ieh ineh do' idi ileh idi luk kali' Allah! Idéké miak ngelio luk uenNeh mutut. Idéké luk kali' luk ruenNeh?

SURAT LUK BIRE PAULUS KUAN LUN RUM 11:36

Ngaceku luk amung-amung pangeh pinudutNeh. Idi luk amung-amung mangun rat Neneh idi kuanNeh. Ngubur Neneh macing ruked-ruked! Amin.

SURAT LUK BIRE PAULUS KUAN LUN RUM 16:27

Idi kuan Allah luk inan amung-amung ileh, inan rayeh ngaceku ratnan Yésus Keristus, macing ruked-ruked peh! Amin.

EPESUS 1:8

luk biré dengan mela kuan tau. Dengan amung ilehNeh idi do' kali',

EPESUS 3:10

pad bang kareb ini tuda'-tuda' ileh Allah miak badén sidang kuan amung-amung luk ngimet idi lalud luk déi' surga.

EPESUS 3:21

idi rayeh kuan Allah bang sidang idi bang Keristus Yésus, pad macing amung-amung inul, ruked-ruked peh. Amin.

1 TIMOTIUS 1:17

Idi amung-amung dita' idi rayeh kuan Raca' luk meruked, luk na miak maté, idi luk na miak siren, ieh ineh Allaah luk Sebuleng, ruked-ruked peh! Amin.

1 TIMOTIUS 2:3

Idi ineh luk do' idi luk petulu pa kiung Lun Nengulun netau, ieh ineh Allah,

TITUS 2:10

idi dengan na mano. Iamo' do' ideh megéi' lutep idi do' niat bang luk amung-amung pad ideh ngerayeh bada' Allah, Lun Nengulun netau.

TITUS 2:13

kareb tau nganét Aco luk inan tau merapet ineh, ieh ineh kareb ubur Allah luk meluun rayeh idi Lun Nengulun netau Yésus Keristus miak megala' teh.

TITUS 3:4

Iamo' kareb éi' idi awa Allah Lun Nengulun netau pangeh ginala',

IBERANI 13:8

Yésus Keristus ineh na miak misu', do' so nilad, idi aco sini pana', idi ruked-ruked teh.

1 PETRUS 4:11

Kudeng seburur mada', do' ieh mada' bala Allah; kudeng seburur ngasa' nelun baken, do' ieh ngasa' dengan tueh luk biré Allah, pad Allah miak uen ngerayeh bang luk amung-amung ngaceku ratnan Yésus Keristus. Idi rayeh kuanNeh, idi lalud macing ruked-ruked! Amin.

2 PETRUS 1:1

Rat ni Simun Pétrus, demulun idi rasul Yésus Keristus— Kuan lemulun luk pangeh nengalap anu, luk mepad letep dengan anu kai, ngaceku siri Allah, Tuhan tau, idi Yésus Keristus Lun Nengulun:

2 PETRUS 3:18

Iamo' do' muyuh temubu' bang katu idi ileh ratnan Tuhan tau Yésus Keristus, Lun Nengulun. Idi rayeh kuanNeh, do' nekini idi ruked-ruked pana'. Amin.

BALA LUK LINIO 1:6

Ieh nenganau' netau mangun ku aceh imet imam-imam kuan Allah TamanNeh. Rayeh idi tueh kuan Yésus Keristus ruked-ruked peh! Amin.