YAHUDA 1:21 - BALA LUK DO'

²¹ Do' matar burur muyuh bang awa Allah, idi nganét éi' Tuhan tau Yésus Keristus luk maré ulun luk meruked nemuyuh.

YAHUDA 1:21 Iomraidhean Croise

AYUB 14:14

Kudeng aceh lemulun maté, miakké ieh tumui? Iamo' ui nginulat kareb luk meluun do', kareb susa' ini pangeh pelaba.

YAHYA 1:17

Allah nemaré Ukum dengan tang Musa, iamo' katu idi luk matu pangeh nacing ratnan Yésus Keristus.

YAHYA 14:21

“Kudeng idé-idé luk gimet idi maya' amung ukumKu, ieh ineh luk mawa Negku. Idi lemulun luk mawa Negku, idi Taman pana' mawa neneh, idi Ui teh mawa neneh idi ngegala' bururKu kuanneh.”

KEKAMEN RASUL-RASUL 11:23

Kareb ieh nacing idi nenier katu Allah, idi ieh mawang niat peh, idi ieh nemada' amung-amungdeh pad niatdeh lutep maya' Tuhan.

SURAT LUK BIRE PAULUS KUAN LUN RUM 5:21

Mepad kudeng sala' mangun ku raca' bang até, kudeng ineh teh katu Allah miak mangun ku raca' ratnan luk matu macing inan ulun luk meruked, ngaceku Yésus Keristus Tuhan tau.

SURAT LUK BIRE PAULUS KUAN LUN RUM 5:5

idi rapet ineh na miak maré migu', ngaceku awa Allah pangeh inutang bang niat tau ratnan Roh Meligan luk biré kuan tau.

SURAT LUK BIRE PAULUS KUAN LUN RUM 6:23

Ngaceku tabpar sala' ineh maté, iamo' katu Allah ineh ulun luk meruked dengan Keristus Yésus Tuhan tau.

SURAT LUK BIRE PAULUS KUAN LUN RUM 8:39

lalud luk pa luun, idi lalud luk pa liang, idi anun-anun luk pinudut pana', na miak matad netau ratnan awa Allah luk bang Keristus Yésus Tuhan tau.

2 TESALONIKA 3:5

Idi do' Tuhan ngeruid niat muyuh pad muyuh ngalap awa Allah idi ulai niat Keristus ineh.

1 TIMOTIUS 1:2

Kuan Timotius, luk mangun ku anakku matu-matu bang anu: Do' katu idi éi' idi awang ratnan Allah Taman, temurun kuanmu, idi ratnan Keristus Yésus, Tuhan tau.

2 TIMOTIUS 1:16

Idi do' Tuhan maré éi' kuan amung uang tetek ruma' Onesiporus, ngaceku tuda'-tuda' kua' ieh nengetueh niatku, idi na ieh migu' ku kalingku,

2 TIMOTIUS 1:18

Do' Tuhan ngedengan neneh, pad ieh ngalap éi' ratnan Tuhan kareb Aco ineh. Iko kali' do'-do' ratnan kudeng apeh ieh nengasa' negku déi' Epesus.

2 TIMOTIUS 1:2

Kuan Timotius, anakku luk inanku mawa: Do' katu, éi', idi awang ratnan Allah Taman temurun kuanmu idi ratnan Tuhan tau Yésus Keristus.

2 TIMOTIUS 4:8

Idi nekini pata ratnan luk matu pangeh tinina' kuanku idi Tuhan, ieh ineh Lun luk Mutut Besara' luk matu ineh miak maré pata ineh kuanku kareb Aco ineh; idi baken kuanku mo', iamo' kuan amung-amung lemulun luk pangeh geregan ku acingNeh.

IBERANI 9:28

Kudeng ineh teh Keristus pana' pangeh biré sekua' mo' pad mabeh sala' lun mula'. Idi Ieh miak macing sekedueh kua', baken pad mabeh sala' lemulun teh, iamo' pad ngulun lemulun luk nginulat Neneh.

2 PETRUS 3:12

laba' muyuh nganét Aco Allah ineh, idi do' muyuh mekél ngacing Aco ineh kareb langit miak meseb idi ubpa', idi amung-amung pudut miak meseb idi remuno.

1 YAHYA 4:16

Tau ini pangeh nekali' idi manu ratnan awa Allah bang netau. Allah ineh awa, idi lemulun luk mulun bang awa mulun bang Allah, idi Allah mulun bang neneh.

1 YAHYA 5:18

Tau kali' idi idé lemulun luk tinganak ratnan Allah na megéi' nganau' sala'; iamo' lemulun luk tinganak ratnan Allah ineh nginita bururneh, idi Luk Dat ineh na miak ngakem neneh.

1 YAHYA 5:21

O anak-anakku, nginita burur muyuh ratnan akang-akang luk mebalih.

YAHUDA 1:1

Rat ni Yahuda, demulun Yésus Keristus, idi kinanak Yakub — Kuan lemulun luk tinawar Allah luk mulun bang awa Allah Taman idi luk inita Yésus Keristus:

YAHUDA 1:22

Idi do' méi' kuan lemulun luk merapang;

YAHUDA 1:24

Idi kuan Allah luk melalud matar nemuyuh pad muyuh na metebaceng, idi luk naped nemuyuh dengan na sala' pa atun rayehNeh, dengan awang niat,

BALA LUK LINIO 12:11

Kinanak-kinanak tau nengelaya' neneh ku dara' Anak Dumba ineh, idi ku bala luk nekali'deh ineh, idi ideh na méi' inan ulun didueh sagan pana' maté.