YAHUDA 1:13 - BALA LUK DO'

¹³ mepad kudeng ribut, luk bang abpa' rayeh, idi kekamendeh luk inan migu' mepad kudeng lapa'. Ideh mepad kudeng gituen luk nalan, idi kuan lemulun ineh dacem luk pingot-pingot pangeh tinina' macing ruked-ruked.

YAHUDA 1:13 Iomraidhean Croise

NANI UBUR 65:7

Iko ngagka' beri abpa' rayeh, idi uni ribut, idi ria' lemulun pana'.

YESAYA 57:20

Iamo' lemulun luk dat mepad kudeng abpa' rayeh luk melipak, luk na ucu' nguit arap luk melutak.”

PILIPI 3:19

Idi kekipeddeh bang apui, idi batekdeh mangun ku akang kuandeh, idi anun-anun luk inan migu' mangun ku rayeh kuandeh, idi ideh luk ngerawé ratnan kekamen tana' ini.

2 TIMOTIUS 3:13

Lemulun luk dat idi siayu, luk amé' rayeh datdeh. Ideh naluk nelun baken, idi ideh pana' sinaluk teh.

2 PETRUS 2:17

Lemulun ineh mepad kudeng bued abpa' luk nekeket idi laput luk pinalid ku bui. Idi dacem luk pingot-pingot pangeh tinina' Allah kuandeh.

YAHUDA 1:6

Ngerawé amung-amung melaikat luk nelemaba lakan lalud luk litep kuandeh, idi luk nenecan su luk inandeh tudo. Melaikat-melaikat ineh pange kiling ku kaling luk meruked pa liang tana' bang su luk medacem, pad macing Aco Ngukum luk rayeh ineh.

BALA LUK LINIO 20:10

Idi Iblis luk nengeraruh nedeh pana' tila' bang takung apui idi batu apui ineh, su luk inan pung idi nabi luk mebalih ineh pangeh tila', idi ideh uen ngedereh tebaco kedangan macing ruked-ruked.

BALA LUK LINIO 21:8

Iamo' kuan lun luk matot, idi lun luk na manu, lun luk melutak, lun luk ngaté, lun luk pasét, lun luk mangun idi sembayang inan akang, idi lun luk mebalih, babpatdeh ineh inan déi' bang takung luk mebudung ku apui idi batu apui, ieh ineh até luk kedueh.”