YAHUDA 1:1 - BALA LUK DO'

¹ Rat ni Yahuda, demulun Yésus Keristus, idi kinanak Yakub — Kuan lemulun luk tinawar Allah luk mulun bang awa Allah Taman idi luk inita Yésus Keristus:

YAHUDA 1:1 Iomraidhean Croise

MATIUS 10:3

Pilipus, Bartolomius, Tomas, Matius luk ngamung rigit pupuk, Yakub Alpius, Tadius;

MATIUS 13:55

Bakenké Ieh ini anak lun ngakem kayuh? Bakenké tinanNeh luk ngadanneh Mariam, idi kinanak-kinanakNeh Yakub, Yusup, Simun, idi Yudas?

MARKUS 3:18

Andrias, Pilipus, Bartolomius, Matius, Tomas, Yakub Alpius, Tadius, Simun lun Selot

MARKUS 6:3

Bakenké Ieh ini lun ngakem kayuh, anak Mariam, idi kinanak Yakub, usup, Yudas idi Simun? Idi bakenké kinanak-kinanakNeh luk decur pana' idi dengan tau tungé'?” Idi ideh nesabeng ku Ieh.

LUKAS 6:16

Yudas Yakub, idi Yudas Iskariot luk mangun ku lemulun luk masui Neneh.

YAHYA 12:26

Idé-idé luk pian ngakem kuanKu, do' ieh maya' Negku, pad demulunKu idi dengaKu iapeh-iapeh pana' Ui idi. Idi TamanKu miak ngedita' lemulun luk ngakem kuanKu.

YAHYA 14:22

Idi Yudas (baken Yudas Iskariot ineh) nepebala Neneh, “O Tuhan, kudeng apehké dalanneh Iko sikal ngegala' bururMu kuan kai idi baken kuan uang tana' ini?”

YAHYA 15:16

Baken muyuh luk nemili' Negku, iamo' Ui ini luk nemili' nemuyuh idi nengeletep nemuyuh, pad muyuh amé' ngeruat mula' bua', idi pad bua' muyuh ineh meruked peh. Idi anun-anun luk pituen muyuh ratnan Taman bag ngadanKu, Ieh miak maré kuan muyuh.

YAHYA 17:15

Na Ui mutuh Namu ngalap nedeh rat bang tana' ini, iamo' pad Iko ngimet nedeh ratnan luk Dat ineh.

YAHYA 17:17

Ngeligan nedeh bang luk matu; balaMu, ineh luk matu.

YAHYA 17:19

Ui ngeligan bururKu ngaceku ideh, pad ideh pana' uen ngeligan bang luk matu.

YAHYA 6:39

Iamo' ini pian Taman luk nengecuk Negku, pad Ui na ngetutu' idé-idé ratnan amung amungdeh luk biréNeh Negku, iamo' luk pianNeh, do' Ui nui nedeh kareb aco luk kekiped.

KEKAMEN RASUL-RASUL 1:13

Ideh nesemuet bang bawang Yerusalim idi numak semuet bang takep luk pa luun, ieh ineh su luk inan Pétrus, Yahya, Yakub idi Andrias, Pilipus idi Tomas, Bartolomius idi Matius, Yakub Alpius, Simun lun Selot, idi Yudas Yakub.

KEKAMEN RASUL-RASUL 20:32

“Idi nekini ui maré nemuyuh kuan Allah idi kuan bala katuNeh ineh. Ieh luk melalud ngeraben nemuyuh idi maré kuan muyuh peruan luk tinina' kuan amung pupuNeh.

KEKAMEN RASUL-RASUL 27:23

Ngaceku malem ina aceh melaikat Allah luk inanku sembayang iné' negku,

SURAT LUK BIRE PAULUS KUAN LUN RUM 1:1

Rat negku Paulus, demulun Yésus Keristus, seburur rasul luk pinili' idi tinawar Allah pad mada' BalaNeh luk Do'.

SURAT LUK BIRE PAULUS KUAN LUN RUM 1:6

Idi rat arangdeh ineh muyuh rat Rum pana' luk tinawar Allah mangun ku pupu Yésus Keristus.

SURAT LUK BIRE PAULUS KUAN LUN RUM 16:18

Ngaceku lemulun luk nganau' kudeng ini baken mangun ku demulun Keristus Tuhan tau, iamo' mangun ku demulun pinian bururdeh sebuleng, idi dengan bala luk mepaci' idi luk do', ideh naluk lun luk mesiri niat.

SURAT LUK BIRE PAULUS KUAN LUN RUM 6:22

Iamo' nekini, ngaceku muyuh pangeh nepuit ratnan sala', idi mangun ku demulun kuan Allah, idi muyuh miak ngalap bua'-bua' luk macing inan luk meligan, idi kekipedneh ulun luk meruked.

SURAT LUK BIRE PAULUS KUAN LUN RUM 8:30

Idi Allah nenawar lemulun luk litepNeh, idi lemulun luk tinawarNeh ineh, ideh inau'Neh matu peh, idi lemulun luk inau'Neh matu ineh, ideh rinayehNeh peh.

SURAT LUK BIRE PAULUS KUAN LUN RUM 9:24

Ngaceku tau pangeh tinawarNeh, baken ratnan pupu lun Yahudi mo', iamo' ratnan lun pupu baken teh.

1 KORINTUS 1:2

Kuan sidang Allah luk bang bawang Korintus, ieh ineh kuan amung-amung luk linigan bang Keristus Yésus, idi luk tinawar mangun ku lun luk meligan, dengan amung-amung lemulun luk nawar ngadan Tuhan tau Yésus Keristus bang amung-amung su luk inan, ieh ineh Tuhandeh idi Tuhan tau pana':

1 KORINTUS 6:11

Kudeng ineh teh ulun sebuang muyuh atun, iamo' muyuh pangeh biru' ratnan sala', muyuh pangeh linigan kuan Allah, muyuh pangeh inau' matu pa kiung Allah bang ngadan Tuhan Yésus Keristus idi bang Roh Allah tau.

EPESUS 5:26

Ieh nenganau' ineh pelé Ieh miak ngeligan sidang ineh, kareb Ieh pangeh nemaru' neneh ku baru' abpa' ratnan bala Allah,

1 TESALONIKA 2:12

Kai nengetueh anu muyuh, kai nengubuk nemuyuh, idi kai nengecuk nemuyuh mulun maya' pian Allah luk nawar nemuyuh semuet bang ImetNeh idi rayehNeh teh.

1 TESALONIKA 5:23

Idi do' Allah, luk lawa awang ineh, ngeligan nemuyuh dengan petap; idi do' roh idi ulun idi burur muyuh uen ngasa' dengan petap idi na mesala', kareb acing Tuhan tau Yésus Keristus.

2 TIMOTIUS 1:9

Allah nengulun netau idi nenawar netau mangun ku pupuNeh, baken maya' kekamen tau, iamo' maya' pianNeh sebuleng idi katu luk biréNeh kuan tau atun bang Keristus Yésus rat kareb luk pun-pun.

2 TIMOTIUS 4:18

Tuhan miak muit negku ratnan anid-anid luk dat idi miak ngulun negku pad semuet bang IemtNeh luk bang surga, idi rayeh kuanNeh ruked-ruked. Amin.

IBERANI 3:1

O kinanak-kinanakku luk meligan, luk pad-pad ngalap babpat bang tawar luk rat surga, do' muyuh ngerawé Rasul idi Imam Rayeh luk pangeh imo tau, ieh ineh Yésus.

YAKUB 1:1

Rat ni Yakub, demulun Allah idi demulun Tuhan Yésus Keristus: Tabi' kuan pulu' dueh pupu luk nepatad.

1 PETRUS 1:2

Muyuh pangeh pinili' maya' pian Allah Taman, idi muyuh pangeh linigan RohNeh mangun ku pupuNeh luk meligan, pad muyuh maya' bala Yésus Keristus idi baruin ku dara'Neh. Idi do' katu idi awang amé'-amé' mula' kuan muyuh.

1 PETRUS 1:5

Peruan ineh isa' dengan lalud Allah ngaceku anu, pad muyuh miak ngalap ulun luk inau' temina' idi luk miak uen ngegala' bang aco kekiped.

1 PETRUS 2:9

Iamo' muyuh ini aceh pupu luk pinili', idi imam-imam Raca', aceh inul luk meligan, luk pupu Allah sebuleng, pad muyuh miak mada' amung-amung do' Tuhan luk pangeh nenawar nemuyuh remuat ratnan dacem semuet bang acangNeh luk inan mawa.

1 PETRUS 5:10

Idi Allah, lawa amung-amung katu, luk pangeh nenawar nemuyuh semuet bang rayehNeh luk meruked bang Keristus, kareb muyuh pangeh nengalap dereh bang segageh mo', idi Ieh luk miak ngeligan nemuyuh idi ngeraben nemuyuh idi ngetueh nemuyuh pana'.

2 PETRUS 1:1

Rat ni Simun Pétrus, demulun idi rasul Yésus Keristus— Kuan lemulun luk pangeh nengalap anu, luk mepad letep dengan anu kai, ngaceku siri Allah, Tuhan tau, idi Yésus Keristus Lun Nengulun:

YAHUDA 1:21

Do' matar burur muyuh bang awa Allah, idi nganét éi' Tuhan tau Yésus Keristus luk maré ulun luk meruked nemuyuh.

YAHUDA 1:3

O amung-amung luk inanku mawa, ui pelaba pian ngayud surat kuan muyuh ratnan ulun tau luk pad-pad ineh, iamo' niatku nesigio pad ui ngayud pad ngecuk nemuyuh pesingaro bang anu luk pangeh biré Allah sekua' mo' kuan amung-amung pupuNeh.