SEKARIA 3:2 - BALA LUK DO'

² Idi kebala melaikat Tuhan kuan Sétan ineh, “Do' Tuhan ngukum namu O Sétan. Do' Tuhan luk mawa inan Yerusalim ngukum namu. Lemulun ini mepad kudeng aceh kayuh luk ilap rat bang apui.”

SEKARIA 3:2 Iomraidhean Croise

AMOS 4:11

“Ui nengukum sebuang muyuh mepad kudeng Ui nengukum Sodom idi Gemora. Muyuh mepad kudeng luten luk ilap ratnan apui. Iamo' na muyuh lumi Negku,” kebala Tuhan.

YAHUDA 1:23

ngeruid nedeh ineh rat bang apui, idi ngulun nedeh. Idi kuan lun baken do' muyuh mé' idi matot, dengan megateh ku ayungdeh luk melutak ratnan lili tana' ini.

YAHUDA 1:9

Iamo' Mikail, lun rayeh melaikat ineh pana' na nenganau' kudeng ineh. Kareb ieh nepekedaluh dengan Iblis, idi didueh nepesaad ratnan idé luk miak ngalap butung Musa, idi na Mikail mekuu' ngukum Iblis dengan nguyo neneh, iamo' keburi'neh, “Aganeh Tuhan mebpeng namu!”

SURAT LUK BIRE PAULUS KUAN LUN RUM 8:33

Idéké miak ngadu' lemulun luk pinili' Allah? Allah sebuleng ngamo nedeh na mesala'.

SEKARIA 1:17

Idi melaikat ineh nengecuk negku mada', kebalaneh, “Tuhan luk Melalud nepejani' idi bawang-bawangNeh ini miak uen ngeperuan, idi Ieh miak ngubuk Yerusalim sekua' teh, pad ieh mangun ku bawangNeh luk pinili'.”

SEKARIA 2:12

Sekua' teh Yahuda miak mangun ku babpat Tuhan luk inanNeh mawa bang bawang luk meligan, idi Yerusalim miak mangun ku bawang luk inanNeh meluun awa.

1 YAHYA 3:8

Lemulun luk megéi' nganau' sala', ieh nacing ratnan Iblis, ngaceku Iblis ineh nganau' sala' rat pun-pun. Ini punneh Anak Allah pangeh ginala', pad Ieh miak ngusag amung-amung kekamen Iblis ineh.

SURAT LUK BIRE PAULUS KUAN LUN RUM 16:20

Idi Allah, luk lawa awang ineh, sikal ngeradu' Sétan ineh dengan mesaget pa liang lengayan kukud muyuh. Idi do' katu Tuhan tau Yésus Keristus ngedengan nemuyuh.

YAHYA 13:18

“Ui pebala baken ratnan amung-amung muyuh; ngaceku Ui kali' idé lemulun luk pinili'Ku; iamo' bala bang Surat Allah ineh na miak na uen ngacing, ieh ineh, ‘Lemulun luk kuman pad-pad denganKu ineh sikal metueh rat Negku.’

LUKAS 22:32

Iamo' Ui pangeh nesembayang kuanmu, pad anumu na metutu'; idi kareb iko pangeh nuren, do' iko ngepicet kinanak-kinanakmu.”

LUKAS 4:35

Idi Yésus nemebpeng neneh, kebalaNeh, “Pirud! Remuat iko ratnan lemulun ini!” Idi ada' ineh pana' nengeluka' neneh arang lemulun luk mula' ineh, idi ada' ineh neremuat rat bang bururneh dengan na nenganau' luk métneh.

DANIEL 12:1

“Kareb ineh, Mikail, melaikat luk rayeh ineh luk matar pupumu miak silagan. Idi kareb ineh inan mula' susa', luk meluun dat ratnan luk nekali' pupu ineh rat pun-pun. Kareb ineh amung pupumu, luk kuan ngadan inayud bang Surat Allah miak uen ngulun.

NANI UBUR 109:31

ngaceku Ieh matar lemulun luk masi', idi muit neneh ratnan lemulun luk maré ukum maté kuanneh.

BALA LUK LINIO 17:14

Ideh miak pebunu' inan Anak Dumba ineh, iamo' Anak Dumba ineh miak ngelaya' nedeh, ngaceku Ieh Tuhan pa luun amung-amung tuan, idi Raca' pa luun amung-amung raca'; idi amung-amung lemulun luk idi pad-pad denganNeh ineh metueh, ieh ineh amung-amung lemulun luk pangeh tinawar idi luk pinili' idi luk lutep.”

MARKUS 1:25

Idi Yésus nemebpeng neneh, keburi'Neh, “Pirud! Remuat iko ratnan lemulun ini!”

INUL LUK KEDUEH 6:6

Iamo' pangeh Ui nemili' Yerusalim pelé lemulun sembayang Negku déi'. Idi Ui nemili' ni Daud mangun ku lun nguyut amung pupuKu Israil.’ ”

LUKAS 9:42

Laba' anak adi' ineh nalan-nalan, idi ada' ineh nengeluka' neneh luun tana' idi nengurat neneh. Iamo' Yésus nemebpeng ada' ineh, idi nengedo' anak ineh, idi nemaré neneh lemubed kuan tamanneh.

MARKUS 9:25

Idi Yésus nenier lun mula' luk nupun pamung déi', idi Ieh nemebpeng ada' ineh idi nepebala, “O ada' luk mebegkeh idi mebengel, Ui ngecuk namu remuat rat neneh, idi aleg iko semuet baruh teh.”

YESAYA 7:4

Ngecuk neneh matar do'-do', ungeng, idi na megagau, idi na matot. Useh Raca' Resin idi lun Siria, idi useh Raca' Peka na meluun susa' ratnan rabpun ratnan dueh apak kayuh.

INUL LUK KEDUEH 6:5

“Idi rat aco Ui nenguit pupuKu Israil remuat rat bawang Masir, na Ui nemili' bawang sapeh arang amung pupu Israil inanKu mudut aceh ruma' su luk inan lemulun sembayang Negku. Idi na Ui nemili' seburur idé pana' luk mangun ku nguyut amung pupuKu Israil.