SEKARIA 3:1 - BALA LUK DO'

¹ Bang aceh luk sinier teh Tuhan nemada' Yosua, Imam Rayeh, sirenku Ieh netuped pa kiung melaikat Tuhan. Idi Sétan netuped iring Yosua pian ngadu' neneh.

SEKARIA 3:1 Iomraidhean Croise

PUDUT 3:15

Idi Ui nganau' aceh bunu' arangmu dengan decur ineh, idi arang inulmu dengan inulneh. Idi Ieh miak ngeradu' uluhmu, idi iko miak nicuk tumidNeh.”

PUDUT 48:16

Do' Melaikat luk nemuit negku ratnan amung-amung luk dat, ngeperuan nedidueh, Idi do' ngadanku, idi ngadan tepunku Ibrahim idi tamanku Isak pana' mebala ngaceku didueh. Idi do' didueh mula' inul.”

INUL LUK PUN-PUN 21:1

Sétan pian ngesusa' nelun Israil, idi ieh nengubuk ni Daud pelé ieh ngiap kinula' lun Israil.

INUL LUK KEDUEH 29:11

Idi nekini O anak-anakku, do' muyuh megéi', ngaceku muyuh pangeh pinili' Tuhan pad ngeseb umau luk do' buen kuanNeh, idi nguyut nelun mula' sembayang Neneh.”

ESRA 10:18

Ini ngadan lun luk inan awan pupu baken: Imam, maya' inuldeh: Inul Yesua idi kinanak-kinanakneh, ieh ineh anak Yosadak: Masia, Elieser, Yarib, idi Gedalia. Ideh nepejani' ngelegkan awandeh, idi ideh nemaré sebuleng dumba deléi ku baré ngaceku sala'. Inul Imer: Hanani idi Sebadia Inul Harim: Masia, Elia, Semaya, Yehil, idi Usia Inul Pasur: Elionai, Masia, Ismail, Netanel, Yosabad, idi Elasa Lun Liwi Yosabad, Simi, Kelaya (luk titen Kelita), Pelaya, Yahuda, idi Elieser Lun luk menani: Eliasib Lun luk nginita Ruma' Allah: Salum, Telem, idi Uri Lun Israil luk baken: Inul Paros: Ramia, Isia, Malkia, Miamin, Eliasar, Malkia, idi Benaya Inul Elam: Matania, Sekaria, Yehil, Abdi, Yeremot, idi Elia Inul Satu: Eliunai, Eliasib, Matania, Yeremot, Sabad, idi Asisa Inul Babai: Yohanan, Hanania, Sabai, idi Atlai Inul Bani: Mesulam, Maluk, Adaya, Yasub, Sial, idi Yeremot Inul Pahat Moab: Adna, Kelal, Benaya, Masia, Matania, Besalel, Binui, idi Manasé Inul Harim: Elieser, Isia, Malkia, Semaya, Simion, Beniamin, Maluk, idi Samaria Inul Hasum: Matenai, Matata, Sabad, Elipelet, Yeremai, Manasé, idi Simi Inul Bani: Madai, Amram, Uel, Benaya, Bedaya, Keluhi, Benia, Meremot, Eliasib, Matania, Matenai, idi Yasu Inul Binui: Simi, Selemia, Natan, Adaya, Maknadebai, Sasai, Sarai, Asarel, Selemia, Semaria, Salum, Amaria, idi Yusup Inul Nebo: Yiel Matitia, Sabad, Sebina, Yadai, Yoel, idi Benaya Amungdeh ini pangeh nengaweh decur pupu baken. Idi ideh nengelegkan nedeh dengan anakdeh.

ESRA 2:2

Lun rayehdeh, ieh ineh Serubabel, Yesua, Nehemia, Seraya, Rilaya, Mordekai, Bilsan, Mispar, Bigbai, Rehum, idi Bana. Idi ini ngadan pupu Israil dengan kinula'deh luk nuli' rat su luk inandeh tiban:

ESRA 5:2

Kareb Serubabel Saltiel idi Yesua Yosadak neninger bala didueh idi ideh nengimun mudut Ruma' Allah luk déi' Yerusalim baruh. Idi dueh nabi ineh nengedengan nedeh.

NANI UBUR 106:23

Idi kebala Allah, Ieh sikal ngaté pupuNeh; iamo' Musa, demulun luk pinili'Neh, netuped pa kiung Allah, idi nengagka' usehNeh, pad Ieh na nengaté nedeh.

NANI UBUR 109:6

Mili' selemulun luk dat ngukum bunu'ku, idi nima' seburur rat arang bunu'neh sebuleng ngadu' neneh.

YEREMIA 15:19

Idi kebala Tuhan ni Yeremia, “Kudeng iko lumi Negku, Ui miak ngalap namu, iko miak mangun ku demulunKu sekua' teh. Kudeng iko pebala luk petulu, idi baken luk na ulek, iko miak mangun ku nabiKu sekua' teh. Lemulun miak amé' namu, iamo' aleg iko amé' nedeh.

YEHISKIEL 44:11

Ideh miak ngakem bang Ruma'Ku idi matar tanga' idi nganau' kekamen luk baken-baken teh. Ideh ngeret pung luk barén lun mula' ku baré luk sabpen idi ku baré luk kereten, idi ideh megéi' temina' ngakem kuan lun mula'.

YEHISKIEL 44:15

Kebala Tuhan Allah, “Iamo' imam-imam lun Liwi luk inul Saduk, lutep ngakem bang Ruma'Ku kareb lun Israil luk baken neteketed rat Negku. Ngaceku ineh ideh luk miak ngakem pa kiungKu idi nguit lemak idi dara' ratnan amung baré.

HAGAI 1:1

Aceh aco bulan anem, bang lak luk kedueh kareb Raca' Darius ngimet Parsi, idi Tuhan nepebala dengan tang Nabi Hagai. Idi bala ini kuan Serubabel Saltiel, lun rayeh Yahuda, idi kuan Yosua Yosadak luk Imam Rayeh.

HAGAI 1:12

Idi Serubabel idi Yosua dengan amung lemulun luk nuli' ratnan bawang su luk inandeh tiban nemaya' luk bila Tuhan Allahdeh. Ideh matot, pad ideh nemaya' bala Nabi Hagai, lun duken Tuhan.

HAGAI 2:4

Do' iko lutep nekini, O Serubabel, ngaceku Tuhan luk pebala. Idi do' iko mekuu', O Yosua Yosadak, luk Imam Rayeh. O lun muyuh luk bang bawang ini, do' muyuh mekuu'! Ngaceku Tuhan luk pebala. Do' muyuh ngakem! Ui idi dengan muyuh,

SEKARIA 1:13

Idi Tuhan nengor bala melaikat ineh dengan bala luk do',

SEKARIA 1:19

Idi ui nemutuh melaikat ineh mada' ilungneh. Idi kebalaneh, “Ieh ineh apat imet bang tana' ini luk pangeh nematad nelun Yahuda, lun Israil, idi lun Yerusalim.”

SEKARIA 1:9

Idi ui nengitun neneh, kebalaku, “Anunké ilung kuda ini?” Idi kebalaneh, “Ui miak mada' ilungneh namu.

SEKARIA 2:3

Idi ui nenier melaikat ineh nukang, idi seburur melaikat luk baken iné' papu' neneh.

SEKARIA 3:8

O Yosua, Imam Rayeh, do' iko ninger idi lun rurum luk tudo pa atunmu pana'. Muyuh ineh aceh tanu' ratnan luk do' luk miak mangun muci. Ui miak maré demulunKu, luk titen Angat!

SEKARIA 4:14

Idi kebala melaikat ineh, “Ieh ineh dueh burur lemulun luk pinili' idi inumau Allah luk tuped pa kiung Tuhan luk ngimet aput tana'.”

SEKARIA 6:11

Do' ngalap pirak idi amas luk pangeh birédeh, idi nganau' aceh pata, idi nganau' neneh luun uluh Yosua Yosadak, Imam Rayeh ineh.

MALAKI 3:1

Idi Tuhan luk Melalud ngor bala muyuh, “Ui miak ngecuk nelun dukenKu nganau' temina' dalan kuanKu. Idi denak-denak Tuhan luk tekapen muyuh miak macing bang Ruma'Neh. Idi lun duken luk inan muyuh mawang niat miak macing idi mada' jani'Ku.”

LUKAS 21:36

Do' muyuh megéi matar idi sembayang, pad muyuh metueh muit burur muyuh ratnan amung-amung luk sikal mangun ineh, idi tuman matun Anak-Lemulun.”

LUKAS 22:31

“O Simun, Simun! Siruh! Sétan pangeh nemutuh nutun nemuyuh, pad ieh tunap nemuyuh mepad kudeng padé.

BADA' RATNAN UKUM 10:8

Idi kareb ineh Tuhan nengatad inul Liwi, pad ideh mirir Pati' Pejani' Tuhan, pelé ideh tuped pa kiung Tuhan idi sembayang Neneh, idi maré peruan idi neten ngadanNeh macing aco sini.

BADA' RATNAN UKUM 18:15

Ngaceku ineh Ieh maré kuan muyuh aceh Nabi rat arang uned kinanak-kinanak muyuh luk mepad kudeng ui ini, idi do' muyuh ninger Neneh.

1 PETRUS 5:8

DO' muyuh ngerawé, idi matar do'-do'! Iblis luk bunu' muyuh ineh, mepad kudeng balang luk ngeku luk nalan-nalan nakap idé luk miak kenenneh.

SEMUIL LUK PUN-PUN 6:20

Idi kebala lun Bait Semes, “Idé miak tuped pa kiung Tuhan Allah luk Meligan ini? Idi idéké miak inan tau maré Pati' Pejani' ini, pad tau mepuit rat Neneh?”