SEKARIA 1:3 - BALA LUK DO'

³ Iamo' nekini UI pebala nemuyuh, ‘Do' lumi Negku, idi Ui miak lumi nemuyuh.

SEKARIA 1:3 Iomraidhean Croise

INUL LUK KEDUEH 15:2

pad ieh iné' matun Asa, idi nepebala neneh, “Ninger iko O Asa, idi amung lun Yahuda idi Beniamin: Tuhan pangeh nengedengan nemuyuh, ngaceku muyuh lumi inan Tuhan. Idi kudeng muyuh nakap Neneh, kali' rungen Ieh pana' kali' muyuh. Iamo' kudeng muyuh necan Neneh, kali' rungen muyuh pana' tacinNeh.

INUL LUK KEDUEH 15:4

Iamo' kareb ideh mesusa' ideh nuren inan Tuhan Allah lun Israil idi nenakap Neneh. Idi ideh nekali' Neneh.

NEHEMIA 9:28

Kareb na inan susa' ideh nenganau' sala' teh, idi Iko nemaré bunu'deh nengelaya' nedeh. Iamo' kareb ideh nuren idi nemutuh Namu ngulun nedeh, idi Iko neninger rat bang surga; idi ngaceku éi'Mu luk pelaba rayeh, Iko megéi' ngulun nedeh ratnan susa'deh.

AYUB 22:23

Do' iko lumi inan Allah dengan mebeneh niat, idi ugka' nganau' luk dat bang ruma'mu.

YESAYA 31:6

Kebala Allah, “O lun Israil, muyuh nenganau' sala' pa kiungKu idi sikal metueh rat Negku.

YESAYA 44:22

Ui nemalid amung sala' muyuh, mepad kudeng laput. Lumi amé' Negku; Ui ini Lun Nengulun namu.”

YEREMIA 12:15

Iamo' kareb Ui ngalap nedeh idi Ui miak méi' nedeh. Ui miak nguit anid pupu lemubed amé' inan tana' idi bawangdeh sebuleng.

YEREMIA 25:5

Ideh nengecuk nemuyuh lumi ratnan lawé idi kekamen muyuh luk dat, pad muyuh miak tudo bang bawang luk biré Tuhan nemuyuh idi inan tepun muyuh mangun ku babpat muyuh luk meruked.

YEREMIA 3:1

Kebala Tuhan, “Kudeng seburur deléi ngelegkan awanneh, pad decur ineh buro idi lapen deléi baken, idi na ieh miak ngalap neneh baruh peh. Ngaceku kekamen luk kudeng ineh ngelutak bawang. O Israil, iko pangeh nengalap mula' awan, iamo' nekini iko pian lemubed amé' Negku!

YEREMIA 3:22

O amung muyuh luk nenecan Tuhan, do' muyuh lemubed amé' matun Neneh. Ieh miak ngedo' nemuyuh, idi nganau' nemuyuh lutep. Kebala muyuh, “Mo, kai amé' inan Tuhan, ngaceku Ieh ineh Tuhan Allah kai.

YEREMIA 35:15

Idi Ui na ugka' maré demulunKu lun nabi luk ngecuk nemuyuh necan dalan muyuh luk dat pad muyuh nganau' luk do'. Ideh nemebpeng nemuyuh na sembayang inan allah baken, pad muyuh lutep tudo bang bawang luk biréKu kuan muyuh idi tepun muyuh. Iamo' na muyuh ninger idi maya' balaKu.

YEREMIA 4:1

Kebala Tuhan, “O lun Israil, kudeng muyuh lemubed ratnan Baal, do' amé' Negku, idi nala' amung akang luk inanKu megateh, idi lutep maya' Negku,

YEHISKIEL 18:19

“Iamo' kebalamu, ‘Ngudehké anakneh na kumin ngaceku sala' tamanneh?’ Ngaceku anakneh megéi' nganau' luk matu idi luk do'. Ieh nengimet ukumKu idi nemaya' amung-amung bada'Ku. Idi kali' rungen ieh miak mulun.

YEHISKIEL 18:31

Do' muyuh ugka' ratnan kekamen muyuh luk dat, idi do' ngalap terawé idi niat luk mebaruh. Ngudehké muyuh lun Israil pian maté?”

YEHISKIEL 18:32

Kebala Tuhan Allah, “Na Ui mawang niat ku até lemulun. Do' ugka' nganau' sala' idi mulun.”

YEHISKIEL 33:11

Mada' nedeh, Ui ini Tuhan Allah luk mulun na sikal nier lun luk mesala' maté. Ui pian nier neneh uleg ratnan sala' idi mulun. O Israil, ugka' nganau' kekamen luk dat. Ngudehké iko sikal maté?

HOSIA 14:1

O lun Israil, lumi inan Tuhan Allah muyuh! Muyuh metebaceng ngaceku sala' muyuh.

HOSIA 14:4

Kebala Tuhan, Ui miak nguli' pupuKu. Ui miak mawa nedeh dengan amung niatKu, ngaceku na Ui museh nedeh nekini.

HOSIA 6:1

Do' tau lumi inan Tuhan. Ieh nengeramit netau, iamo' kali' rungen Ieh miak ngedo' netau. Ieh pangeh nengurat netau, iamo' naké Ieh ngabet urat tau lek?

YOEL 2:12

Kebala Tuhan, “Do' uren nekini, idi lemubed maya' Negku dengan niat luk matu, idi nangi' dengan mawa'

MALAKI 3:7

Muyuh mepad kudeng tepun muyuh ngaceku muyuh nelemubed rat Negku idi na nengimet ukumKu. Do' muyuh lumi amé' Negku, idi Ui miak lumi nemuyuh. Iamo' kebala muyuh, ‘Anun luk miak ruen kai, pad kai lumi amé' Namu?’