SEKARIA 1:2 - BALA LUK DO'

² Tuhan luk Melalud nengecuk ni Sekaria pebala kuan pupuneh, “Ui ini Tuhan pelaba useh inan tepun muyuh.

SEKARIA 1:2 Iomraidhean Croise

RACA'-RACA' LUK KEDUEH 22:19

Idi iko nuren idi nengebeneh bururmu pa kiungKu dengan nangi' idi nenarak ayungmu, kareb iko neninger amung bala ratnan kudeng apeh Ui ngukum Yerusalim idi amung lun bang bawang ini. Idi Yerusalim miak mangun ku aceh luk inan lun matot idi luk ku kediman. Iamo' Ui pangeh neninger sembayangmu,

RACA'-RACA' LUK KEDUEH 23:26

Iamo' na Tuhan lumi ratnan usehNeh luk mebura'. Ieh megateh nelun Yahuda ngaceku amung dat luk inau' Manasé.

ESRA 9:13

Idi ngaceku ratnan amung-amung luk pangeh nangun nekai ngaceku amung sala' idi kekamen kai luk dat, idi kai kali' O Allah, ukum luk biréMu nekai na petap nan kekamen kai luk dat, idi Iko pangeh nenima' nekai mulun teh.

NANI UBUR 60:1

O Allah, Iko pangeh nenala' idi nengelaya' nekai; Iko inuseh nekai — iamo' nekini do' mei' kuan kai.

YEREMIA 32:23

Iamo' kareb ideh nesemuet bang bawang ini idi nengalap neneh ku babpatdeh, idi na ideh nemaya' amung ukumMu idi bada'Mu. Na ideh nenganau' anun-anun luk icukMu nedeh. Ngaceku ineh Iko nengacing amung dereh ini kuandeh.

YEREMIA 44:6

Ngaceku ineh Ui nengutang useh idi gatehKu luun amung bawang Yahudi idi luun dalan Yerusalim pad Ui nengeseb nedeh. Bawang ineh inusag pad ideh mangun ku aceh luk inan megagap macing aco sini.

TIDO YEREMIA 5:7

Tepun kai nenganau' sala' idi naté, iamo' kai medereh ngaceku sala'deh.

YEHISKIEL 22:31

Ngaceku ineh Ui ngukum nedeh ku usehKu, idi ngeseb nedeh mepad kudeng apui ngaceku amung kekamendeh.” Tuhan Allah pangeh nepebala.

YEHISKIEL 8:18

Ideh miak kali' usehKu luk mebura'. Ui na miak méi' nedeh. Ideh sembayang dengan abud rayeh arod, iamo' Ui na miak ninger sembayangdeh ineh.”

SEKARIA 1:15

Kareb Ui nengimet usehKu inan pupuKu, pupu baken ineh luk nengacing susa' luk meluun rayeh kuan pupuKu.

SEKARIA 7:12

Idi niatdeh metueh mepad kudeng batu, idi na ideh pian ninger bada' luk biréKu nelun nabi, luk mulun bang kareb luk mon, pad Ui pelaba useh.

SEKARIA 8:14

Kebala Tuhan luk Melalud, “Kareb tepun muyuh nenganau' Negku museh, Ui pian ngacing luk dat kuandeh, idi na terawéKu nisu'.

KEKAMEN RASUL-RASUL 7:52

Idéké nabi luk na pidereh tepun muyuh ineh? Ideh nengaté amung-amung lemulun luk nemada' atun ratnan acing Lun luk Matu ineh, ieh ineh luk pangeh biré muyuh nekini idi luk pinaté muyuh teh.