SURAT LUK BIRE PAULUS KUAN LUN RUM 8:2 - BALA LUK DO'

² Ngaceku ukum Roh luk maré ulun bang Keristus Yésus pangeh nemuit negku ratnan ukum sala' idi até ineh teh.

SURAT LUK BIRE PAULUS KUAN LUN RUM 8:2 Iomraidhean Croise

NANI UBUR 51:12

Maré negku sekua' teh awang luk macing ratnan ulunMu, idi ngetueh negku dengan terawé luk lutep maya' Namu.

YEHISKIEL 1:21

Anid kua' pung ineh nalan, ucu' idi kemikit, roda pana' nganau' luk kudeng ineh teh, ngaceku pung luk nguyut nedeh.

YAHYA 4:10

Idi kebala Yésus, ‘Kudeng iko kali' katu Allah idi idé Lemulun luk mutuh namu maré luk rupen, na miak na iko mutuh rat Neneh, pad Ieh maré abpa' luk mulun kuanmu.”

YAHYA 4:14

iamo' idé-idé luk ngirup abpa' luk barénKu neneh, na ieh miak meparing ruked-ruked, ngaceku abpa' luk barénKu ineh, miak mangun bang bururneh ku aceh bued abpa' luk manud macing inan ulun luk meruked.”

YAHYA 6:63

Roh, Ieh ineh luk ngulun, idi burur, sebuleng pana' na ulekneh. Idi bala luk Ui mala kuan muyuh ngacing Roh Allah luk maré ulun.

YAHYA 8:32

idi muyuh miak kali' luk matu, idi luk matu ineh miak muit nemuyuh.”

YAHYA 8:36

Kudeng Anak ineh muit nemuyuh, idi muyuh pangeh mepuit dengan matu.

SURAT LUK BIRE PAULUS KUAN LUN RUM 16:3

Do' maré tabi' kuan Priskila idi Akila, lun denganku bang kekamen Keristus Yésus.

SURAT LUK BIRE PAULUS KUAN LUN RUM 3:27

Ngaceku ineh, anunké ulekneh ngedita' burur tau? Na ulekneh! Mekudeh na miak? Ngaceku tau maya' Ukum Musaké? Baken, iamo' ngaceku tau manu.

SURAT LUK BIRE PAULUS KUAN LUN RUM 5:21

Mepad kudeng sala' mangun ku raca' bang até, kudeng ineh teh katu Allah miak mangun ku raca' ratnan luk matu macing inan ulun luk meruked, ngaceku Yésus Keristus Tuhan tau.

SURAT LUK BIRE PAULUS KUAN LUN RUM 6:14

Aleg nima' sala' mangun ku raca' bang ulun muyuh, ngaceku muyuh baken pa liang Ukum iamo' pa liang katu Allah.

SURAT LUK BIRE PAULUS KUAN LUN RUM 6:18

Muyuh pangeh pinuit ratnan sala', idi muyuh mangun ku demulun kuan luk matu.

SURAT LUK BIRE PAULUS KUAN LUN RUM 6:22

Iamo' nekini, ngaceku muyuh pangeh nepuit ratnan sala', idi mangun ku demulun kuan Allah, idi muyuh miak ngalap bua'-bua' luk macing inan luk meligan, idi kekipedneh ulun luk meruked.

SURAT LUK BIRE PAULUS KUAN LUN RUM 7:21

Ngaceku ineh ui nier ukum ini: kareb ui sikal nganau' luk do', idi luk dat ineh muneng peh.

SURAT LUK BIRE PAULUS KUAN LUN RUM 7:23

iamo' ui nier inan ukum luk baken bang bururku, luk sikal metueh ratnan ukum luk imo terawéku, idi luk naban negku pa liang ukum sala' luk ngakem bang bururku ini.

SURAT LUK BIRE PAULUS KUAN LUN RUM 7:4

Kudeng ineh teh, O kinanak-kinanakku, muyuh ini pana' pinaté mepuit ratnan Ukum ineh ngaceku muyuh mangun ku sebabpat burur Keristus. Nekini muyuh mangun ku pupuNeh luk pangeh tinui rat arang lun naté, pad tau ngeruit bua'-bua' kuan Allah.

SURAT LUK BIRE PAULUS KUAN LUN RUM 8:1

Nekini na luk idi ukum kuan lemulun luk bang Keristus Yésus.

1 KORINTUS 15:45

Ngaceku pangeh inayud, “Idi lemulun luk pun-pun, ieh ineh Adam, mangun ku seburur luk mulun.” Idi Adam luk kekiped ineh mangun ku Roh luk ngulun.

2 KORINTUS 3:17

Idi Tuhan ineh Roh, idi su apeh inan Roh Tuhan, su ineh teh inan puit.

2 KORINTUS 3:6

Ieh luk pangeh nenganau' nekai mileh mangun ku lun luk mada' pejani' luk mebaruh, baken maya' urup mo', iamo' maya' Roh. Ngaceku urup ineh ngaté, iamo' Roh ineh ngulun.

GALATIA 2:19

Ngaceku ratnan Ukum ui ini naté nepuit ratnan Ukum, pad ui miak mulun kuan Allah.

GALATIA 5:1

Nekini tau mepuit, ngaceku Keristus pangeh nemuit netau. Ngaceku ineh do' tau tuped meraben, idi aleg muyuh mangun ku demulun sekua' teh.

GALATIA 6:2

Do' muyuh mabeh babeh muyuh seburur dengan seburur, idi kudeng ineh teh muyuh ngeriput ukum Keristus.

YAKUB 1:25

Iamo' lemulun luk ngerawé ukum luk meriput luk muit lemulun, idi luk lutep ngerawé ineh, baken ninger mo' idi mekelupan, iamo' maya' ineh, lemulun ineh uen Allah ngeperuan bang amung-amung kekamenneh.

BALA LUK LINIO 11:11

Pangeh teluh aco setangal ineh idi niat ulun ratnan Allah nesemuet bang nedidueh, idi didueh netumui idi netuped; idi tot luk rayeh nacing kuan amung-amung lemulun luk nenier nedidueh ineh.

BALA LUK LINIO 22:1

Melaikat ineh nemada' sirenku aceh bued abpa' luk panu' ku abpa' luk mulun, mesor mepad kudeng gelas luk pelaba' do', luk manud remuat ratnan kerusi Allah idi Anak Dumba ineh.