SURAT LUK BIRE PAULUS KUAN LUN RUM 8:1 - BALA LUK DO'

¹ Nekini na luk idi ukum kuan lemulun luk bang Keristus Yésus.

SURAT LUK BIRE PAULUS KUAN LUN RUM 8:1 Iomraidhean Croise

YESAYA 54:17

Iamo' na repapeh luk ku ngurat namu; iko ngelaya' bala lemulun luk ngadu' namu. Ui ngedengan demulun-demulunKu pad ideh metueh.” Tuhan pangeh nepebala.

YEHISKIEL 18:9

Ieh maya' amung ukumKu idi ngimet amung bada'Ku. Kali' rungen ieh miak mulun ngaceku ieh matu.” Kudeng ini bala Tuhan Allah.

YAHYA 14:20

Kareb aco ineh teh muyuh miak kali' idi Ui ini bang TamanKu, idi muyuh pana' bang Negku, idi Ui pana' bang nemuyuh.

YAHYA 15:4

Do' muyuh lutep bang Negku, idi Ui pana' bang nemuyuh. Mepad kudeng angat na miak kebua' dengan lalud bururneh sebuleng, kudeng na lutep bang lawa anggur, kudeng ineh teh muyuh pana' na miak kebua' kudeng muyuh na lutep bang Negku.

YAHYA 5:24

“Matu, Ui pebala nemuyuh, lemulun luk ninger balaKu idi manu inan Luk nengecuk Negku, ieh ineh ngalap ulun luk meruked, idi na semuet bang ukum, iamo' ieh pangeh pinuit ratnan até amé' inan ulun.

SURAT LUK BIRE PAULUS KUAN LUN RUM 16:3

Do' maré tabi' kuan Priskila idi Akila, lun denganku bang kekamen Keristus Yésus.

SURAT LUK BIRE PAULUS KUAN LUN RUM 16:7

Tabi' kuan Andronikus idi Yunias, pupuku lun Yahudi idi lun denganku bang tutup, luk buren rat arang rasul-rasul, idi luk atun rat negku manu inan Keristus.

SURAT LUK BIRE PAULUS KUAN LUN RUM 5:1

Ngaceku tau inau' matu ratnan anu, idi tau ngalap pedo' dengan Allah ngaceku Tuhan tau Yésus Keristus.

SURAT LUK BIRE PAULUS KUAN LUN RUM 5:16

Mado arang baré Allah dengan sala' lemulun. Aceh sala' nengacing ukum “Mesala'”; iamo' pangeh sala' luk mula' ineh, kebala Allah luk mekatu ineh, “Lemulun ineh ruen matu peh.”

SURAT LUK BIRE PAULUS KUAN LUN RUM 7:17

Ngaceku ineh, baken ui ineh luk nganau' ineh, iamo' sala' luk bang bururku.

SURAT LUK BIRE PAULUS KUAN LUN RUM 7:20

Kudeng ui nganau' luk na pianku, ilungneh baken ui luk nganau' ineh, iamo' sala' luk tudo bang bururku.

SURAT LUK BIRE PAULUS KUAN LUN RUM 8:11

Iamo' kudeng RohNeh luk nenui Yésus rat arang lun naté ineh tudo bang burur muyuh, idi Ieh ineh luk nenui Keristus Yésus rat arang lun naté ineh miak ngulun burur muyuh luk maté ineh pana', dengan RohNeh luk tudo bang burur muyuh.

SURAT LUK BIRE PAULUS KUAN LUN RUM 8:14

Lemulun luk kiuten Roh Allah, ieh ineh anak-anak Allah.

SURAT LUK BIRE PAULUS KUAN LUN RUM 8:2

Ngaceku ukum Roh luk maré ulun bang Keristus Yésus pangeh nemuit negku ratnan ukum sala' idi até ineh teh.

SURAT LUK BIRE PAULUS KUAN LUN RUM 8:34

Miakké idé-idé ngesala' nedeh? Keristus Yésus ineh pangeh naté idi muli' mulun teh, idi Ieh pa tinueh Allah. Ieh mutuh ratnan Allah kuan tau.

SURAT LUK BIRE PAULUS KUAN LUN RUM 8:39

lalud luk pa luun, idi lalud luk pa liang, idi anun-anun luk pinudut pana', na miak matad netau ratnan awa Allah luk bang Keristus Yésus Tuhan tau.

SURAT LUK BIRE PAULUS KUAN LUN RUM 8:4

Allah nenganau' ineh, pad anun-anun luk icuk bang Ukum ineh miak uen ngeriput bang burur tau, luk na mulun maya' pinian burur, iamo' maya' pian Roh.

SURAT LUK BIRE PAULUS KUAN LUN RUM 8:9

Iamo' muyuh ini na maya' pinian burur, iamo' maya' pian Roh, ieh ineh kudeng Roh Allah tudo bang burur muyuh. Kudeng idé-idé luk na inan Roh Keristus bang niatneh, baken ieh pupu Keristus.

1 KORINTUS 1:30

Iamo' dengan peruan ratnan Allah, muyuh ini perurum dengan Keristus Yésus, luk pangeh mangun ku ileh kuan tau ratnan Allah. Ieh nganau' netau matu, idi ngeligan idi nguli' netau.

1 KORINTUS 15:22

Ngaceku mepad kudeng bang Adam amung-amung lemulun maté, kudeng ineh teh bang Keristus amung-amungdeh miak mulun.

2 KORINTUS 12:2

Idi ui ngiti selemulun luk bang Keristus, idi pangeh pulu' apat lak atun, lemulun ineh pangeh kinikit macing déi' langit luk meluun dita' (kian dengan burur lek, ui na kali' kian bang aceh luk sinier mo' lek, ui na kali', Allah luk kali').

2 KORINTUS 5:17

Kareb selemulun mulun bang Keristus, idi ieh ineh aceh pudut luk mebaruh, idi amung-amung luk mon ineh pangeh tila', idi amung-amung luk mebaruh pangeh nacing.

GALATIA 3:13

Imao' Keristus pangeh nenguli' netau ratnan kediman Ukum ineh dengan mangun ku aceh kediman kuan tau, ngaceku pangeh inayud, “Kediman kuan anid-anid lemulun luk tekito luun kayuh.”

GALATIA 3:26

Amung-amung muyuh anak-anak Allah ngaceku ratnan anu Keristus Yésus.

GALATIA 3:28

Na luk idi lun Yahudi idi lun pupu baken, na luk idi demulun idi lun luk mepuit, na luk idi deléi idi decur; ngaceku amung-amung muyuh ini mangun ku sebuleng bang Keristus Yésus.

GALATIA 5:16

Ini ilung balaku: nima' Roh Meligan ngimet ulun muyuh, pad muyuh na maya' pinian burur.

GALATIA 5:25

Roh Meligan pangeh nemaré ulun kuan tau. Ngaceku ineh do' tau nima' Neneh ngimet ulun tau.

EPESUS 1:1

Rat ni Paulus, rasul Keristus Yésus maya' pian Allah— Kuan amung lun manu luk déi' Epesus luk lutep bang Keristus Yésus:

PILIPI 3:9

pelé ui mangun ku sebuleng denganNeh, baken dengan luk matu ratnan bururku sebuleng idi ratnan Ukum teh, iamo' dengan luk matu ineh luk nacing ngaceku anu inan Keristus, ieh ineh luk matu ratnan Allah ngaceku manu.