SURAT LUK BIRE PAULUS KUAN LUN RUM 3:4 - BALA LUK DO'

⁴ Na tu-tu! Ngaceku Allah ineh matu, sagan pana' amung-amung lemulun mebalih, maya' kudeng luk inayud ini: “Nima' balaMu uen ngegala' matu, kareb Iko pebala, idi Iko miak metueh, kareb Iko uen lemulun ngesala'.”

SURAT LUK BIRE PAULUS KUAN LUN RUM 3:4 Iomraidhean Croise

AYUB 36:3

Ui nakap ileh rat mado, pad ui ngegala' siri Allah luk nemudut negku.

AYUB 40:8

Pianké iko mala Ui na mesiri, pad ngesala' negku idi ngamo bururmu matu?

NANI UBUR 100:5

Tuhan ineh do'; awaNeh meruked, idi Ieh lutep maya' jani'Neh macing ruked-ruked.

NANI UBUR 116:11

idi bang susa'ku ui nepebala, “Seburur pana' nateh luk ku rapet.”

NANI UBUR 119:160

Amung bada' bang SuratMu ineh matu, idi amung ukumMu luk mesiri ineh meruked.

NANI UBUR 138:2

Ui tekeradung sium pa ruma'Mu luk meligan, idi ngubur ngadanMu, ngaceku Iko mawa, idi lutep maya' jani', ngaceku Iko pangeh nengegala' ratnan ngadanMu idi ukumMu meluun rayeh.

NANI UBUR 51:4

Ui nenganau' sala' pa kiungMu sebuleng mo'; idi nenganau' luk dat kali'Mu. Iko petulu miak ngesala' negku, idi ngukum negku.

NANI UBUR 62:9

Lemulun mepad kudeng bui, idi lun rayeh pana' na ulekneh. Kudeng nimang nedeh, na ideh meberat, ideh meluun meran ratnan bui.

MIKA 7:20

Iko miak ngegala' idi Iko lutep maya' jani'Mu idi lutep bang awaMu kuan pupuMu Israil luk inul Ibrahim, maya' kudeng luk pijani'Mu kuan tepun kai bang kareb luk mon.

MATIUS 11:19

Anak-Lemulun nacing dengan kuman idi ngirup, idi kebaladeh, ‘Siruh, selemulun luk manga, idi luk ngirup anggur, Ieh perurum dengan lemulun luk ngamung usin pupuk idi lun mesala' teh.’ Iamo' bua'-bua'neh ngegala' ratnan ileh Allah ineh matu.”

LUKAS 20:16

Kali' rungen ieh macing sikal ngaté amung-amung lun matar kabun ineh idi maré kabun anggur ineh kuan lun baken teh.” Kareb ideh neninger bala luk kudeng ineh, idi ideh nepebala, “Na tu kudeng ineh!”

YAHYA 3:33

Lemulun luk ngalap balaNeh ngegala' ratnan Allah ineh matu.

SURAT LUK BIRE PAULUS KUAN LUN RUM 11:1

Idi ui ngitun, “Pangehké Allah nenala' pupuNeh ineh?” Na tu-tu! Ngaceku ui ini lun Israil teh, luk inul Ibrahim, ratnan inul Beniamin.

SURAT LUK BIRE PAULUS KUAN LUN RUM 11:11

Ui ngitun teh: Inanké lun Yahudi netebaceng pad ideh mebpehké? Na tu-tu! Iamo' ebpehdeh ineh ngacing ulun kuan lun pupu baken, pad nganau' pupu Israil mét niat.

SURAT LUK BIRE PAULUS KUAN LUN RUM 3:31

Ngaceku ineh, ratnan anu ineh tau nala' Ukum Musaké? Na tu-tu, iamo' tau ngepicet Ukum ineh.

SURAT LUK BIRE PAULUS KUAN LUN RUM 6:15

Kudeng apehké? Miak tau nganau' sala' ngaceku tau baken pa liang ukum iamo' pa liang katu Allahké? Na tu-tu!

SURAT LUK BIRE PAULUS KUAN LUN RUM 6:2

Na tu-tu! Idi tau ini pangeh naté nepuit ratnan sala', kudeng apehké tau miak mulun bang neneh?

SURAT LUK BIRE PAULUS KUAN LUN RUM 7:13

Matuké ukum luk do' ineh ngacing até kuanku? Na tu-tu! Sala' ineh luk ngacing atéku. Dengan makai luk do' ineh, sala' ngacing até kuanku, pad ngegala' ilung sala' ineh. Ukum ineh ngegala' ratnan sala' ineh pelaba dat.

SURAT LUK BIRE PAULUS KUAN LUN RUM 7:7

Ngaceku ineh anunké luk miak belén tau? Ukum ineh sala'ké? Na tu-tu! Iamo' ui na kali' sala', kudeng baken ratnan Ukum ineh, ngaceku na ui kali' ratnan melili, kudeng na Ukum ineh mala, “Aleg iko melili!”

SURAT LUK BIRE PAULUS KUAN LUN RUM 9:14

Anunké luk miak belén tau? Allah nganau' luk na matuké? Na tu-tu!

1 KORINTUS 6:15

Muyuh kali' idi burur muyuh ini babpat Keristus. Miakké ui ngalap aceh babpat Keristus ineh idi nganau' neneh ku babpat decur luk mesawa'? Na tu-tu!

2 KORINTUS 1:18

Dengan ngadan Allah luk lutep maya' jani', idi balaku nemuyuh ineh baken “Mo'” idi “Na”.

GALATIA 2:17

Kudeng kai metueh nakap dalan sikal ruen matu bang Keristus, idi kai ini pana' siren kudeng lun mesala' mepad kudeng lun pupu baken, inanké Keristus lawa sala'? Na tu-tu!

GALATIA 2:21

Na ui ngarung katu Allah. Kudeng luk matu ineh nacing dengan dalan Ukum Musa, idi Keristus pangeh naté mo'-mo'.

GALATIA 6:14

Iamo' na ui pian medita' niat ku luk baken ratnan salib Tuhan tau Yésus Keristus. Ngaceku ratnan salibNeh ineh, tana' ini sinalib kuanku, idi ui pana' sinalib kuan tana' ini.

BADA' RATNAN UKUM 32:4

“Kekamen Pegkung Batu ineh meriput, ngaceku amung lawéNeh mesiri, Allah lutep maya' jani' idi na sala'Neh, Ieh mesiri idi matu.

1 TIMOTIUS 3:16

Idi rayehneh luk inalum ineh ratnan baya' tau na miak belén. Ieh pangeh linigan bang burur lemulun, idi inau' matu ratnan Roh, idi ginala' kuan melaikat-melaikat. Ieh bida' arang amung-amung pupu, idi inan merapet bang tana', idi inuit umak dengan rayeh.

TITUS 1:2

luk tipin luun rapet tau ku ulun luk meruked, luk pangeh pijani' Allah luk na miak mebalih, atun ratnan amung-amung kareb luk meruked.

IBERANI 6:18

Ngaceku ineh, inan dueh punneh luk na misu', idi Allah na mebalih ratnan ineh. Idi tau luk paneh nengalap ulun bang Neneh, miak ngalap kuu', pad tau ngimet meraben rapet ineh luk pangeh rireng pa kiung tau.

1 YAHYA 5:10

Ngaceku ineh, lemulun luk manu inan Anak Allah, inan luk nekali' bang niatneh, idi lemulun luk na manu inan Allah, ieh mala Allah mebalih, ngaceku lemulun ineh na manu ku luk nekali' luk pangeh biré Allah ratnan AnakNeh.

1 YAHYA 5:20

Tau kali' Anak Allah pangeh nacing idi pangeh nemaré ileh kuan tau pad tau miak ngiti Allah luk matu; idi tau ini idi bang Allah luk matu, ieh ineh bang AnakNeh, Yésus Keristus. Idi Ieh ineh Allah luk matu, idi ieh ineh ulun luk meruked.

BALA LUK LINIO 3:7

“Kuan melaikat sidang luk déi' Piladelpia, do' ngayud kudeng ini: “Ini bala rat Neneh luk meligan idi luk matu, luk ngimet taka Daud, luk ngukab, idi na seburur pana' miak ngitek, luk ngitek, idi seburur pana' na miak ngukab.