SURAT LUK BIRE PAULUS KUAN LUN RUM 3:1 - BALA LUK DO'

¹ Ngaceku ineh, inanké lun Yahudi meluun samal rat nelun pupu baken? Idi inanké ulek sunat ineh?

SURAT LUK BIRE PAULUS KUAN LUN RUM 3:1 Iomraidhean Croise

PUDUT 25:32

Idi kebala Esau, “Mo! Ui lélé maté. Anun ulekneh babpat ineh kuanku?”

NANI UBUR 147:20

Na Ieh nenganau' ini kuan pupu baken; ngaceku ineh ideh na kali' ukumNeh. Ngubur Tuhan!

LUN LUK MADA' 6:11

Pelaba ula' bala ngacing luk mo'-mo'. Anunké ulekneh kuan lemulun?

LUN LUK MADA' 6:8

Kudeng apehké lun luk mileh meluun samal ratnan lun luk mebacé. Inanké ulek ileh kuan lun masi' bang tana' ini.

MALAKI 3:14

Keburi' muyuh, ‘Na ulek sembayang inan Allah. Anun ulek maya' balaNeh, idi nginuud ratnan sala' kai pa kiung Tuhan luk Melalud?

YAHYA 4:22

Muyuh lun Samaria na kali' idé luk inan muyuh sembayang; kai lun Yahudi kali' luk inan kai sembayang, ngaceku ulun macing rat nelun Yahudi.

SURAT LUK BIRE PAULUS KUAN LUN RUM 3:2

Kali' rungen! Pun-pun ngaceku Allah pangeh nemaré balaNeh nelun Yahudi.

SURAT LUK BIRE PAULUS KUAN LUN RUM 3:9

Kudeng apehké? Inanké tau lun Yahudi nganau' luk meluun do'? Na tu-tu! Ui pangeh nengegala' ratnan lun Yahudi idi lun pupu baken teh pa liang ukum sala',

1 KORINTUS 15:32

Anunké ulekneh kuanku kudeng ui dengan terawé lemulun mo' pangeh pekakem dengan pung luk meliput déi' Epesus? Kudeng lun naté na tuyen, “Do' tau kuman idi ngirup, ngaceku nebpa tau maté.”

IBERANI 13:9

Idi aleg muyuh uen ngeraruh ku anid-anid bada' luk baken ratnan bada' kai; ngaceku luk tuneh do' niat tau uen micet ku katu Allah, baken ku luk kenen luk na maré ulek kuan lemulun luk nemaya' adat luk kudeng ineh.