SURAT LUK BIRE PAULUS KUAN LUN RUM 2:4 - BALA LUK DO'

⁴ Idi inanké iko ngebeneh katuNeh luk rayeh idi ulai niatNeh idi kadang niatNeh? Naké iko kali' ratnan katu Allah ineh ngeruid namu pad iko uren?

SURAT LUK BIRE PAULUS KUAN LUN RUM 2:4 Iomraidhean Croise

NANI UBUR 10:11

Iamo' lemulun luk dat pebala bang niatneh, “Allah na kali'. Ieh nemapen kiungNeh, idi na Ieh nier negku!”

NANI UBUR 104:24

O Tuhan, luk inau'Mu pelaba ula'! Iko pelaba ileh nenganau' nedeh! Tana' ini mepanu' ku pung luk pinudutMu.

NANI UBUR 31:19

Pelaba do' amung-amung luk nugenMu kuan lemulun luk matot Namu! Idi pelaba do' luk ruenMu pa kiung amung-amung lemulun. Iko matar lemulun luk sigapung Namu.

NANI UBUR 78:38

Iamo' Allah méi' kuan pupuNeh. Ieh nemaré do' ku sala'deh, idi na nengaté nedeh. Megéi' Ieh ugka' ratnan usehNeh, idi ratnan gatehNeh.

NANI UBUR 86:15

O Tuhan, Iko Allah luk méi' idi mawa, idi luk na malé useh, idi megéi' mekatu idi lutep maya' jani'.

NANI UBUR 86:5

O Tuhan, Iko luk do' idi luk maré do', idi luk mepanu' ku awa luk lutep kuan amung lemulun luk sembayang Namu.

PURA' 34:6

Idi Tuhan nenalan lemaba pa kiungneh, idi Ieh nengitang, “Ui ini Tuhan, Ieh ineh Allah, luk méi' idi mekatu, luk mekadang niat, luk meluun awa idi lutep maya' jani'.

LUN LUK MADA' 8:11

Anunké punneh lemulun pian nganau' luk dat? Ngaceku kekamen luk dat na saget kumin.

YESAYA 30:18

Iamo' Tuhan temina' méi' nemuyuh. Idi Ieh pian ngegala' katuNeh nemuyuh, ngaceku Ieh megéi' nganau' luk matu. Awang macing kuan lemulun luk merapet inan Tuhan.

YEREMIA 7:10

Muyuh nganau' luk inanKu megateh, idi muyuh tuped pa kiungKu, bang ruma'Ku sebuleng, idi pebala, ‘Tau na inan susa'!’

YEHISKIEL 11:19

Ui maré kuandeh rok luk mebaruh idi niat luk lutep Negku. Niatdeh luk metueh kudeng batu ruenKu ngelibal ku niat luk melaya'.

YEHISKIEL 16:63

Kareb Ui maré do' ratnan amung sala'mu, iko miak ngerawé sala'mu ineh pad iko ungeng ku igu'mu.” Tuhan Allah pangeh nepebala.

HOSIA 3:5

Muci lun Israil miak lumi inan Tuhandeh, idi Daud luk raca'deh. Kareb ineh, ideh miak matot inan Tuhan idi ngalap baré-baréNeh luk do'.

YUNUS 4:2

Idi ieh nesembayang inan Tuhan, kesembayangneh, “O Tuhan, kareb nateh ui nenalan ui pangeh kali' Iko miak nganau' kudeng ini. Idi punneh ui pian buro amé' Spaniol. Ui kali' Iko Allah luk mawa idi méi', idi megéi' mulai niat, idi mekatu, idi megéi' nginuud pad Iko na ngukum.

IAP 14:18

‘Ui ini Tuhan mekadang niat idi rayeh awa idi maré do' ku dat idi sala'. Iamo' lemulun luk na mepuit ratnan sala' na miak puatin ratnan ukum. Iamo' dat taman-taman uénKu nan anak-anakneh macing ku inul luk keteluh idi luk keapat.’

SURAT LUK BIRE PAULUS KUAN LUN RUM 10:12

Ilungneh, lun Yahudi idi lun pupu baken mepad mo'. Ngaceku ineh teh Tuhan kuan amung-amung, idi Ieh ngeperuan amung-amung lemulun luk nawar Neneh.

SURAT LUK BIRE PAULUS KUAN LUN RUM 11:22

Ngaceku ineh ngerawé ratnan katu idi tueh Allah; ieh ineh tuehNeh kuan lemulun luk pangeh nebpeh, iamo' katuNeh namu, kudeng iko lutep bang katuNeh. Kudeng na, idi iko pana' miak uen nangal.

SURAT LUK BIRE PAULUS KUAN LUN RUM 11:33

Kudeng apeh kirayehneh, ieh ineh do' idi ileh idi luk kali' Allah! Idéké miak ngelio luk uenNeh mutut. Idéké luk kali' luk ruenNeh?

SURAT LUK BIRE PAULUS KUAN LUN RUM 3:25

Allah nemaré AnakNeh mangun ku aceh dalan pedo', ngaceku manu inan dara'Neh, pad ngegala' luk matu ratnan Allah, ngaceku dengan ulai niatNeh Ieh nemaré do' ratnan sala' luk inau' lemulun atun.

SURAT LUK BIRE PAULUS KUAN LUN RUM 6:1

Ngaceku ineh anunké luk miak belén tau? Do'ké tau tudo bang sala', pad katu Allah amé' mula'?

SURAT LUK BIRE PAULUS KUAN LUN RUM 6:15

Kudeng apehké? Miak tau nganau' sala' ngaceku tau baken pa liang ukum iamo' pa liang katu Allahké? Na tu-tu!

2 KORINTUS 8:2

Ideh pangeh tinutun ku susa' luk pelaba rayeh; iamo' ngaceku awang niatdeh luk mela, sagan pana' ideh masi', ideh mekatu.

EPESUS 1:18

Ui mutuh Tuhan ngukab terawé muyuh pad muyuh miak nier rasatNeh, idi pad muyuh kali' anunké rapet ineh luk inan muyuh tinawarNeh, idi kudeng apeh do' amung peruan luk rayeh ineh luk pinaji'Neh kuan amung-amung lun manu;

EPESUS 1:7

Ngaceku ratnan dara' Keristus tau pangeh inuli', ieh ineh Allah maré do' ratnan amung-amung sala', maya' katuNeh luk mela ineh,

EPESUS 2:4

Iamo' éi' Allah pelaba rayeh, idi awaNeh kuan tau pana' rayeh,

EPESUS 2:7

Allah nenganau' ini pelé ngegala' macing ruked-ruked, katuNeh luk pelaba rayeh, ieh ineh awaNeh luk ginala' kuan tau bang Keristus Yésus.

EPESUS 3:16

Idi ui mutuh pad Ieh maré kuan muyuh ratnan rayehNeh luk mela, lalud ratnan RohNeh luk nganau' nemuyuh metueh bang niat muyuh,

EPESUS 3:8

Idi kuanku ini luk pelaba dat rat arang amung-amung lun manu, katu ineh pangeh biré pad ui miak mada' Bala luk Do' kuan lun pupu baken ratnan do' Keristus luk na kekipedneh,

PILIPI 4:19

Idi Tuhanku miak nganau' petap ratnan amung-amung asi' muyuh maya' do'Neh dengan rayehNeh bang Keristus Yésus.

KOLOSE 1:27

Idi kuan lemulun ineh Allah sikal maré kali' kudeng apeh do'neh, rayeh luk inalum ineh kuan lemulun luk na maya': ieh ineh Keristus luk bang nemuyuh, Keristus luk inan merapet ngalap rayeh.

KOLOSE 2:2

Ui nganau' kudeng ini pad niatdeh mekuu', idi ideh perurum bang awa, idi manu dengan matu-matu ngaceku ideh kali' luk inalum Allah, ieh ineh Keristus.

1 TIMOTIUS 1:16

Iamo' ini punneh Allah méi' negku, pelé bang negku luk meluun rayeh sala' ineh, Keristus Yésus miak ngegala' ulai niatNeh, idi ui miak mangun ku ayu luk nudin kuan amung-amung lemulun luk miak manu Neneh teh, macing inan ulun luk meruked.

1 TIMOTIUS 6:17

Do' mada' kuan amung-amung lemulun luk lun do' bang tana' ini, pad ideh na medita' niat, idi aleg ideh merapet ku binaweh luk na meruked ineh. Iamo' do' ideh merapet inan Allah luk maré anun-anun kuan tau dengan mela pad niat tau mawang.

1 PETRUS 3:20

ieh ineh roh luk atun ngelaba ukum kareb Allah nganét dengan mekadang niat bang kareb Noh, laba' Noh nganau' alud rayeh ineh temina'. Idi bang alud ineh inan sesuut lemulun, ieh ineh ualuh burur lemulun pangeh inulun ratnan abpa' ineh.

2 PETRUS 1:11

Dengan dalan ineh muyuh miak simén semuet bang Imet luk meruked, ieh ineh Imet Yésus Keristus, Tuhan tau idi Lun Nengulun.

2 PETRUS 3:15

Do' muyuh ngerawé kadang niat Tuhan tau ineh ngacing inan ulun, kudeng ineh teh Paulus, kinanak luk inan tau mawa ineh, pangeh nengayud kuan muyuh maya' ileh luk biré Allah kuanneh.

2 PETRUS 3:3

Pun-pun, ngerawé do'-do'! Kareb aco kekiped, miak macing tuda'-tuda' lun luk nalan maya' pinian bururdeh sebuleng.

2 PETRUS 3:9

Tuhan na nginiuk luk pijani'Neh mepad kudeng luk tirawé tuda'-tuda' lemulun, iamo' Ieh mekadang niat nemuyuh; ngaceku na Ieh pian seburur pana' pitayen. Luk pianNeh, pad amung-amung lemulun teketed ratnan sala'deh.

BALA LUK LINIO 2:21

Ui nemaré kuanneh aceh kareb pad ieh miak uren, iamo' na ieh sikal uren ratnan pasét ineh.

BALA LUK LINIO 3:20

Siruh, Ui tuped munung tanga' idi nateg; kudeng idé luk ninger balaKu idi ngukab tanga', idi Ui miak semuet bang neneh, idi kuman denganneh, pad ieh pana' denganKu.