SURAT LUK BIRE PAULUS KUAN LUN RUM 2:2 - BALA LUK DO'

² Idi tau kali' Allah nganau' luk matu kuan lemulun luk nganau' kudeng ineh.

SURAT LUK BIRE PAULUS KUAN LUN RUM 2:2 Iomraidhean Croise

PUDUT 18:25

Kali' rungen Iko na miak ngaté lemulun luk matu pad-pad dengan lemulun luk dat, idi ngukum lemulun luk na mesala' pad-pad dengan lemulun luk mesala'. Ngaceku Lun luk Mutut Besara' bang aput-aput tana' ini na miak na nganau' luk matu.”

AYUB 34:23

Allah na ngeletep kareb, pad lemulun amé' kuminNeh.

NANI UBUR 145:17

Tuhan ineh matu bang amung luk ruenNeh, idi panu' ku éi' bang amung lawéNeh.

NANI UBUR 9:4

Iko tudo luun kerusiMu, idi mutut ukum luk matu. Iko nemutut besara'ku, pad ui inau' matu.

NANI UBUR 96:13

kareb Ieh amé' ngimet tana' ini. Ieh miak ngimet amung pupu bang tana' ini dengan luk mesiri idi luk matu.

NANI UBUR 98:9

ngaceku Ieh amé' ngimet tana' ini! Ieh miak ngimet amung pupu bang tana' ini, dengan luk mesiri idi luk matu.

YESAYA 45:19

Ui na nengalum balaKu idi nengelinged terawéKu. Ui na nengecuk pupuKu Israil nakap Negku mo'-mo' bang su luk medacem. Ui ini Tuhan idi Ui pebala luk matu. Ui ngegala' luk matu.”

YESAYA 45:21

Do' ngukab besara' idi mada' terawé muyuh; do' muyuh pegayam arang muyuh sebuleng. Idéké luk nemada' mon ratnan luk mangun muci? Ui ini Tuhan Allah luk ngulun pupuNeh. Na Allah baken rat Negku.

YEREMIA 12:1

O Tuhan, kudeng ui pesaad Namu, kali' rungen Iko luk matu. Iamo' do' ui ngitun Namu ratnan anun-anun luk mesiri Ngudeh lemulun luk dat na ngalap susa'? Idi ngudeh lemulun luk naluk ngalap luk piandeh?

YEHISKIEL 18:25

“Iamo' kebala muyuh, ‘Luk ruen Tuhan ineh na matu.’ Ninger balaKu, O muyuh lun Israil. Kian, muyuh ngerawé ukumKu na matu. Setuneh kekamen muyuh luk na matu.

YEHISKIEL 18:29

Idi kebala muyuh lun Israil, ‘Luk ruen Tuhan ineh na matu.’ Muyuh ngerawé ukumKu na matu. Setuneh kekamen muyuh luk na matu.

DANIEL 4:37

“Idi nekini, ui ini Nebukadnesar ngubur idi ngerayeh Raca' Surga. Amung-amung luk ruenNeh matu. Ieh megéi' nganau' luk mesiri, idi Ieh ngebeneh lemulun luk medita' niat.”

SEPANIA 3:5

Iamo' Tuhan idi bang bawang ineh. Ieh nganau' luk matu, idi na tu-tu nganau' luk tekilu'. Anid-anid pekak Ieh ngegala' siriNeh kuan pupuNeh ineh. Iamo' lemulun luk na matu megéi' nganau' luk dat, idi na ideh migu'.

KEKAMEN RASUL-RASUL 17:31

Ngaceku Ieh pangeh nengeletep seaco luk inanNeh maré ukum luk matu kuan amung tana' ini ratnan Selemulun luk pinili'Neh. Idi bala ini pangeh ginala' Allah kuan amung-amung lemulun, kareb Ieh nenui Lemulun ineh rat arang lun naté.”

SURAT LUK BIRE PAULUS KUAN LUN RUM 2:1

O lun rurumku, mekuu'ké iko ngesala' nelun baken? Iko idi idé-idé pana' na miak ngor. Ngaceku kudeng iko ngesala' nelun baken, iamo' iko sebuleng nganau' kudeng ineh teh, iko ngacing ukum kuan bururmu sebuleng.

SURAT LUK BIRE PAULUS KUAN LUN RUM 2:3

O lun rurumku luk ngesala' nelun luk nganau' kudeng ineh, iko pana' nganau' kudeng ineh teh, inanké iko ngerawé iko ini miak mepuit ratnan ukum Allah?

SURAT LUK BIRE PAULUS KUAN LUN RUM 2:5

Iamo' iko metueh niat idi na sikal uren. Iko ngeberat ukum kuan bururmu sebuleng kareb Aco Useh Allah, ieh ineh kareb ukum Allah luk matu uen ngegala'.

SURAT LUK BIRE PAULUS KUAN LUN RUM 9:14

Anunké luk miak belén tau? Allah nganau' luk na matuké? Na tu-tu!

BALA LUK LINIO 16:5

Idi ui neninger amung-amung melaikat luk ngimet abpa' ineh pebala, “Matu Iko luk idi nekini, idi Luk pangeh idi atun, idi Luk Meligan, ngaceku Iko pangeh nengukum kudeng ineh.

BALA LUK LINIO 19:2

Amung-amung ukumNeh ineh matu idi mesiri! Ieh pangeh nengukum decur luk pelaba sawa' ineh, luk nengeraruh tana' ini ku sawa'neh ineh. Allah pangeh nengukum neneh ngaceku ieh nengaté demulun-demulunNeh kusawa' ineh.”