SURAT LUK BIRE PAULUS KUAN LUN RUM 2:1 - BALA LUK DO'

¹ O lun rurumku, mekuu'ké iko ngesala' nelun baken? Iko idi idé-idé pana' na miak ngor. Ngaceku kudeng iko ngesala' nelun baken, iamo' iko sebuleng nganau' kudeng ineh teh, iko ngacing ukum kuan bururmu sebuleng.

SURAT LUK BIRE PAULUS KUAN LUN RUM 2:1 Iomraidhean Croise

LUKAS 12:14

Iamo' kebala Yésus neneh, “O Aca', idéké luk nenganau' Negku mangun ku lun luk mutut besara' idi lun mabpat binaweh muyuh?”

LUKAS 19:22

Idi kebala tuan ineh neneh, ‘O demulun luk dat, dengan balamu ineh ui ngukum namu. Pangeh iko kali', idi ui ini selemulun luk metueh niat, luk ngalap anun-anun luk na ui kuan, idi ngeranih anun-anun luk na tinibuku.

LUKAS 6:37

“Aleg muyuh ngesala' nelun, pad muyuh na miak uen Allah ngesala; idi aleg ngukum seburur lemulun, pad muyuh na miak kumin Allah; do' muyuh maré do', pad Allah maré do' nemuyuh.

SURAT LUK BIRE PAULUS KUAN LUN RUM 14:22

Idi anu luk namu ineh, ngimet kuan bururmu sebuleng pa kiung Allah teh. Samal kuan lemulun luk na ngesala' bururneh ratnan anun-anun luk bang terawéneh do'.

SURAT LUK BIRE PAULUS KUAN LUN RUM 2:2

Idi tau kali' Allah nganau' luk matu kuan lemulun luk nganau' kudeng ineh.

SURAT LUK BIRE PAULUS KUAN LUN RUM 2:3

O lun rurumku luk ngesala' nelun luk nganau' kudeng ineh, iko pana' nganau' kudeng ineh teh, inanké iko ngerawé iko ini miak mepuit ratnan ukum Allah?

SURAT LUK BIRE PAULUS KUAN LUN RUM 3:9

Kudeng apehké? Inanké tau lun Yahudi nganau' luk meluun do'? Na tu-tu! Ui pangeh nengegala' ratnan lun Yahudi idi lun pupu baken teh pa liang ukum sala',

SURAT LUK BIRE PAULUS KUAN LUN RUM 9:20

O kinanakku, idéké iko luk sikal pesaad dengan Allah? Miakké luk pinipi' ineh pebala kuan luk mipi' ineh, “Ngudehké iko nenganau' negku kudeng ini?”

1 KORINTUS 4:5

Ngaceku ineh aleg muyuh ngukum idé-idé pana' kareb nateh karebneh, ieh ineh kareb nateh Tuhan macing. Ieh miak ngegala' anun-anun luk inapung bang dacem, idi Ieh ngelio amung-amung pinian niat lemulun. Anid-anid burur miak ngalap ubur ratnan Allah.

1 KORINTUS 7:16

O decur luk inan awan, kudeng apehké iko kali' kudeng iko miak ngulun awanmu? O déléi luk inan awan, kudeng apehké iko kali' kudeng iko miak ngulun awanmu?

YAKUB 2:20

O lun luk mebacé, pianké iko kali' idi anu dengan na kekamen ineh na uang?

YAKUB 4:11

O kinanak-kinanakku, aleg seburur ngedat lemulun. Lemulun luk ngedat kinanakneh idi ngesala' kinanakneh, ieh luk ngedat Ukum idi ngesala' Ukum ineh teh. Iamo' kudeng iko ngesala' Ukum ineh, na iko lemulun luk maya' Ukum ineh, iamo' mangun ku luk mutut neneh.