SURAT LUK BIRE PAULUS KUAN LUN RUM 10:3 - BALA LUK DO'

³ Na ideh ngiti luk matu ratnan Allah, idi ideh nutun ngeletep dalan pad ideh ruen matu maya' terawédeh sebuleng. Idi na ideh nengebeneh bururdeh pad ideh ruen matu maya' pian Allah.

SURAT LUK BIRE PAULUS KUAN LUN RUM 10:3 Iomraidhean Croise

NEHEMIA 9:33

Petulu Iko nengukum nekai; Iko luk lutep, iamo' kai luk mesala'.

AYUB 33:27

Ieh miak tuped idi pebala, “Ui nenganau' sala'. “Ui na nenganau' luk matu, iamo' Allah méi' negku.

NANI UBUR 71:19

SiriMu, O Allah, macing déi' langit. Iko pangeh nenganau' kekamen luk rayeh; seburur pana' nateh mepad Namu!

YESAYA 51:1

Kebala Tuhan, “O muyuh luk amé' Negku luk pian mutuh pedengan, pad muyuh uen ngulun, do' ninger balaKu. Do' ngerawé batu su luk inan muyuh kinuer, idi lubang luk inan muyuh ilap.

YESAYA 51:6

Do' nier langit idi tana' pana'! Mepad kudeng rabpun langit miak buro. Idi mepad kudeng kuyu' luk mon, tana' miak mabud, idi tuehKu na kekipedneh.

YESAYA 51:8

Lemulun luk kudeng ineh miak mabud, mepad kudeng kuyu' luk kenen kutang! Iamo' ulun luk uenKu ngacing meruked idi tuehKu na kekipedneh.”

YESAYA 56:1

Kebala Tuhan inan pupuNeh, “Na mio teh Ui ngulun nemuyuh. Ngaceku ineh do' nganau' luk mesiri idi luk matu.

YESAYA 57:12

Muyuh ngerawé luk ruen muyuh matu, iamo' Ui ngegala' kekamen muyuh, idi kali' rungen akang muyuh na miak ngedengan nemuyuh.

YESAYA 64:6

Amung kai mesala' peh; idi kekamen kai luk do' pana' mepad kudeng kibung luk melutak. Kai mepad kudeng don luk tekering luk mepalid ku bui, ngaceku sala' kai.

TIDO YEREMIA 3:22

Awa idi éi' Tuhan na miak ugka',

DANIEL 9:24

“Allah pangeh nengeletep tudu' kua' tudu' ngepulu' lak, pad pupumu idi bawangmu luk meligan miak mangeh amung-amung dat idi sala-deh. Pangeh ineh ideh miak ngalap do' ratnan sala'deh, idi luk matu luk meruked miak uen ngeletep, pad luk sinier ineh idi bada' luk biré ineh miak mangun, idi Ruma' Allah luk meligan miak uen ngeligan.

UKUM 26:41

idi pad Ui pana' sikal metueh rat nedeh, idi Ui nenala' nedeh bang bawang bunu'deh, idi kareb niatdeh luk dat ineh mebeneh, idi ideh uren ratnan amung sala'deh,

LUKAS 10:29

Iamo' guru Ukum ineh sikal ngamo bururneh mesiri, idi keburi'neh kuan Yésus, “Idéké lun denganku ineh?”

LUKAS 16:15

Iamo' kebala Yésus nedeh, “Muyuh luk ngatu burur muyuh sebuleng pa kiung lemulun, iamo' Allah kali' niat muyuh; ngaceku anun-anun luk siren medita' pa kiung lemulun, na ulekneh pa kiung Allah.

SURAT LUK BIRE PAULUS KUAN LUN RUM 1:17

Ngaceku bang Bala luk Do' ineh, Allah ngelio ratnan lemulun ruen matu ngaceku anu rat punneh macing kekipedneh; maya' kudeng luk pangeh inayud, “Idi lemulun luk matu ineh miak mulun ngaceku anu.”

SURAT LUK BIRE PAULUS KUAN LUN RUM 10:2

Ui mangun ku lun nekali' kuandeh ratnan ideh mepicet inan Allah, iamo' baya'deh baken ratnan ileh luk matu.

SURAT LUK BIRE PAULUS KUAN LUN RUM 10:20

Idi Yesaya meluun kuu' kareb ieh pebala, “Kebala Allah, ‘Ui ilap lemulun luk na nenakap Negku, Ui nesilagan kuan lemulun luk na nengitun Negku.’ ”

SURAT LUK BIRE PAULUS KUAN LUN RUM 11:7

Kudeng apehké ilungneh? Luk tikap pupu Israil ineh na ideh miak ngalap; iamo' lun luk pinili' pangeh nengalap ineh, iamo' lun baken ineh mebengel ratnan tawar Allah.

SURAT LUK BIRE PAULUS KUAN LUN RUM 3:22

Lemulun ruen Allah matu ngaceku manu inan Yésus Keristus, ieh ineh amung lemulun luk manu, ngaceku na Ieh mili' ayu lemulun:

SURAT LUK BIRE PAULUS KUAN LUN RUM 3:26

Ieh pian ngegala' siriNeh bang kareb ini teh, pad ngegala' ratnan Ieh sebuleng luk matu, idi Ieh nganau' lemulun luk manu inan Yésus matu.

SURAT LUK BIRE PAULUS KUAN LUN RUM 5:19

Ngaceku mepad kudeng ratnan seburur luk na maya' bala, lemulun luk mula' mangun ku lun mesala', kudeng ineh teh ratnan Seburur Lemulun luk maya' ukum, idi lemulun luk mula' mangun ku lun matu peh.

2 KORINTUS 5:21

Keristus na mesala', iamo' Allah nenganau' Neneh mangun ku sala' ngaceku tau, pad tau ini ruen Allah matu bang Keristus ineh.

BADA' RATNAN UKUM 6:25

Idi ini luk matu kuan tau, kudeng tau nginita do'-do' idi maya' amung ukum ini pa kiung Tuhan Allah tau, mepad kudeng luk pangeh bila Tuhan kuan tau.’

PILIPI 3:9

pelé ui mangun ku sebuleng denganNeh, baken dengan luk matu ratnan bururku sebuleng idi ratnan Ukum teh, iamo' dengan luk matu ineh luk nacing ngaceku anu inan Keristus, ieh ineh luk matu ratnan Allah ngaceku manu.

2 PETRUS 1:1

Rat ni Simun Pétrus, demulun idi rasul Yésus Keristus— Kuan lemulun luk pangeh nengalap anu, luk mepad letep dengan anu kai, ngaceku siri Allah, Tuhan tau, idi Yésus Keristus Lun Nengulun: