SURAT LUK BIRE PAULUS KUAN LUN RUM 1:9 - BALA LUK DO'

⁹ Ui ngakem kuan Allah dengan amung niatku dengan mada' Bala luk Do' ratnan AnakNeh. Idi Allah ineh miak ngegala' ratnan anun-anun luk bilaku matu. Allah kali' ratnan ui megéi' ngerawé nemuyuh

SURAT LUK BIRE PAULUS KUAN LUN RUM 1:9 Iomraidhean Croise

AYUB 16:19

Déi surga inan lun luk nekali' negku, luk ngedengan negku.

MARKUS 1:1

Ini pun-pun Bala luk Do' ratnan Yésus Keristus Anak Allah.

LUKAS 18:1

Idi Yésus nemada kuandeh aceh luk pinginud, pad ideh megéi' sembayang dengan na melawa',

KEKAMEN RASUL-RASUL 12:5

Ngaceku ineh Pétrus ita bang tutup; iamo' sidang ineh nesembayang kuanneh inan Allah dengan matu-matu.

KEKAMEN RASUL-RASUL 19:21

Kareb amung ineh pangeh mangun, idi Paulus geregan sikal ngelaba bawang Makedonia idi Akaya, idi amé' déi' Yerusalim, keburi'neh, “Kareb ui pangeh macing déi', na miak na ui nier bawang Rum teh.”

KEKAMEN RASUL-RASUL 24:14

Iamo' ini ui ngamo kuanmu: Ui sembayang inan Allah tepun tau maya' Dalan Tuhan ineh, luk titendeh na matu. Iamo' ui manu ku amung-amung luk inayud bang Ukum Musa idi surat nabi-nabi.

KEKAMEN RASUL-RASUL 27:23

Ngaceku malem ina aceh melaikat Allah luk inanku sembayang iné' negku,

KEKAMEN RASUL-RASUL 3:26

Idi Allah pangeh nengikit DemulunNeh, idi Ieh nengecuk Neneh amé' nemuyuh atun, pad ngeperuan nemuyuh idi nguit anid-anid burur muyuh uren ratnan kekamen muyuh luk dat.”

SURAT LUK BIRE PAULUS KUAN LUN RUM 9:1

Ui ini pupu Keristus, idi luk belénku matu. Na ui mebalih. Teruayen niatku luk bang imet Roh Meligan, maré kali' negku ratnan ui na mebalih.

2 KORINTUS 1:23

Ui nawar Allah mangun ku luk nekali' negku. Ieh kali' niatku! Ngaceku ratnan éi'ku kuan muyuh ui nateh nacing déi' Korintus.

2 KORINTUS 11:31

Idi Allah, ieh ineh Taman Tuhan Yésus luk buren ruked-ruked, kali' negku na mebalih.

GALATIA 1:20

Luk inayudku ini matu. Pa kiung Allah na ui mebalih.

EPESUS 6:18

Nganau' amung ineh dengan sembayang idi putuh. Megéi' sembayang dengan Roh. Ngaceku ineh, do' lutep idi aleg metalang niat. Megéi' sembayang kuan lun manu.

PILIPI 1:3

Ui ngubur Allahku anid kareb ui ngerawé nemuyuh.

PILIPI 1:4

Anid kua' ui sembayang kuan muyuh, ui sembayang dengan mawang niat,

PILIPI 2:22

Iamo' muyuh kali' kudeng apeh Timotius nengegala' kélneh, idi kudeng apeh kai dueh nengakem pad-pad mepad kudeng anak dengan tamanneh ngaceku Bala luk Do' ineh.

PILIPI 3:3

Ngaceku tau ini sunat luk matu, idi tau luk sembayang inan Allah dengan Roh, idi mawang niat dengan ulun tau bang Keristus Yésus, idi na merapet ku anun-anun luk ratnan burur.

1 TESALONIKA 1:2

Kai megéi' maré ubur kuan Allah ngaceku amung-amung muyuh, idi megéi' neten ngadan muyuh bang sembayang kai.

1 TESALONIKA 3:10

Tebaco kedangan kai mutuh rat Neneh, pad kai miak nier kiung muyuh teh, pelé kai miak ngedengan nemuyuh idi anun muyuh ruen petap.

1 TESALONIKA 5:17

idi sembayang dengan na melawa',

1 TIMOTIUS 2:7

Idi ini punneh ui litep mangun ku rasul, idi ku guru kuan lun pupu baken pad mada' ratnan anu ineh idi luk matu teh. Ui na mebalih. Ui mala luk matu.

2 TIMOTIUS 1:3

Ui ngubur Allah luk inanku mepicet dengan teruayen niat luk meligan maya' kudeng kekamen tepunku, idi dengan na melawa' ui ngerawé namu bang sembayangku tebaco kedangan.

PILIMON 1:4

Idi ui megéi' maré ubur kuan Tuhanku idi neten ngadanmu bang amung-amung sembayangku,

SEMUIL LUK PUN-PUN 12:23

Idi kuanku, Ieh miak ngado negku ratnan nganau' sala' ini kuan Tuhan, ieh ineh kudeng ui ugka' sembayang kuan muyuh. Iamo' ui sikal mada' nemuyuh teh dalan luk do' idi matu.