SURAT LUK BIRE PAULUS KUAN LUN RUM 1:8 - BALA LUK DO'

⁸ Pun-pun ui maré ubur kuan Allahku bang Yésus Keristus ratnan amung-amung muyuh, ngaceku anu muyuh pangeh bida' aput tana' ini.

SURAT LUK BIRE PAULUS KUAN LUN RUM 1:8 Iomraidhean Croise

MATIUS 24:14

Idi Bala luk Do' ratnan Imet ini miak badéndeh macing aput-aput tana'; pad mangun ku luk nekali' kuan amung-amung pupu; pangeh ineh idi teh ieh kekipedneh.

LUKAS 2:1

Kareb ineh teh Raca' Augustus nemaré ukum kuan amung anak itinneh, pad ideh amé' uen ngiap.

KEKAMEN RASUL-RASUL 11:28

Idi seburur rat arangdeh luk titen Agabus netuped idi nemada' dengan lalud Roh ratnan aceh iru' luk rayeh luk miak mangun aput tana' ini. (Idi iru' ineh nangun kareb imet Raca' Klaudius.)

KEKAMEN RASUL-RASUL 28:22

Iamo' kai pian ninger ratnan terawému; ngaceku kai kali', idi iapeh-iapeh pana' lemulun ngedat rurummu ineh.”

SURAT LUK BIRE PAULUS KUAN LUN RUM 10:18

Iamo' ui ngitun: Naké lemulun ineh neninger teh? Mo, neninger! Ngaceku maya' kudeng luk inayud: “Bada'deh pangeh nepiar aput tana', Idi baladeh pana' nacing iring tana'.”

SURAT LUK BIRE PAULUS KUAN LUN RUM 16:19

Ngaceku baya' muyuh nan Tuhan pangeh megala' kuan amung-amung lemulun. Ngaceku ineh ui mawang niat nemuyuh, iamo' ui pian pad muyuh mangun mileh bang anun-anun luk do', idi na mesala' ratnan luk dat.

SURAT LUK BIRE PAULUS KUAN LUN RUM 6:17

Iamo' ngubur Allah, ngaceku atun muyuh mangun ku demulun sala', iamo' nekini dengan niat luk matu, muyuh maya' ayu bada' ineh luk pangeh bida' kuan muyuh.

1 KORINTUS 1:4

Ui megéi' maré ubur kuan Allahku ngaceku muyuh ratnan katuNeh luk biré kuan muyuh bang Keristus Yésus.

2 KORINTUS 2:14

Iamo' ngubur Allah! Ieh megéi' nguyut nekai pekarur ngaceku tueh bang Keristus, pad kai mada' ileh ratnan Keristus iapeh-iapeh pana' mepad kudeng aceh buen luk do'.

EPESUS 1:15

Ngaceku ineh, kareb ui pangeh neninger ratnan anu muyuh inan Tuhan Yésus idi awa muyuh kuan amung-amung lun manu,

EPESUS 1:16

na ui ugka' ngubur Allah ngaceku muyuh. Ui neten nemuyuh bang sembayangku,

EPESUS 3:21

idi rayeh kuan Allah bang sidang idi bang Keristus Yésus, pad macing amung-amung inul, ruked-ruked peh. Amin.

EPESUS 5:20

Megéi' maré ubur bang luk anun-anun kuan Allah Taman dengan ngadan Tuhan tau Yésus Keristus.

PILIPI 1:11

Ulun muyuh miak uen manu' ku bua'-bua' luk matu ratnan Yésus Keristus, pad ngacing rayeh idi ubur kuan Allah.

PILIPI 1:3

Ui ngubur Allahku anid kareb ui ngerawé nemuyuh.

KOLOSE 1:3

Kai megéi' maré ubur kuan Allah, Taman Tuhan tau Yésus Keristus, kareb kai sembayang kuan muyuh.

1 TESALONIKA 1:2

Kai megéi' maré ubur kuan Allah ngaceku amung-amung muyuh, idi megéi' neten ngadan muyuh bang sembayang kai.

1 TESALONIKA 2:13

Idi ini punneh kai ini pana' megéi' maré ubur kuan Allah. Kareb kai nemada' bala Allah kuan muyuh, muyuh nengalap bala ineh baken mepad kudeng bala lemulun, iamo' matu mepad kudeng bala Allah. Ngaceku Allah ngakem bang nemuyuh luk manu.

2 TESALONIKA 1:3

Idi do' kai megéi' maré ubur kuan Allah ngaceku muyuh, O kinanak-kinanakku, mepad kudeng luk petulu, ngaceku anu muyuh amé'-amé' mula', idi awa rat arang muyuh sebuleng amé'-amé' mela kuan anid-anid burur muyuh.

2 TIMOTIUS 1:3

Ui ngubur Allah luk inanku mepicet dengan teruayen niat luk meligan maya' kudeng kekamen tepunku, idi dengan na melawa' ui ngerawé namu bang sembayangku tebaco kedangan.

PILIMON 1:4

Idi ui megéi' maré ubur kuan Tuhanku idi neten ngadanmu bang amung-amung sembayangku,

IBERANI 13:15

Ngaceku ineh dengan dalan Yésus ineh do' tau megéi' maré kuan Allah baré ubur tau, ieh ineh bua'-bua' bibir tang tau luk ngamo ngadanNeh.

1 PETRUS 2:5

Do' muyuh amé' Neneh, mepad kudeng batu luk mulun, uen mudut mangun ku aceh ruma' luk ratnan Roh, idi mangun ku imam-imam luk meligan, idi maré luk ratnan Roh idi luk petulu dengan pian Allah, ngaceku ratnan Yésus Keristus.

1 PETRUS 4:11

Kudeng seburur mada', do' ieh mada' bala Allah; kudeng seburur ngasa' nelun baken, do' ieh ngasa' dengan tueh luk biré Allah, pad Allah miak uen ngerayeh bang luk amung-amung ngaceku ratnan Yésus Keristus. Idi rayeh kuanNeh, idi lalud macing ruked-ruked! Amin.