SURAT LUK BIRE PAULUS KUAN LUN RUM 1:6 - BALA LUK DO'

⁶ Idi rat arangdeh ineh muyuh rat Rum pana' luk tinawar Allah mangun ku pupu Yésus Keristus.

SURAT LUK BIRE PAULUS KUAN LUN RUM 1:6 Iomraidhean Croise

SURAT LUK BIRE PAULUS KUAN LUN RUM 9:24

Ngaceku tau pangeh tinawarNeh, baken ratnan pupu lun Yahudi mo', iamo' ratnan lun pupu baken teh.

1 KORINTUS 1:9

Idi Allah ineh luk pangeh nenawar nemuyuh semuet bang rurum AnakNeh Yésus Keristus Tuhan tau, lutep maya' jani'.

GALATIA 1:6

Ui mawa ngaceku muyuh mesaget maya' bala luk baken, idi teketed ratnan Allah luk nenawar nemuyuh bang katu Keristus.

EPESUS 1:11

Amung-amung miak ruen maya' pian idi terawé Allah. Idi Allah nemili' netau mangun ku pupuNeh bang Keristus, ngaceku pinianNeh sebuleng, maya' kudeng luk litepNeh rat pun-pun.

KOLOSE 1:21

Atun muyuh mado ratnan Allah. Muyuh ineh bunu'Neh ngaceku kekamen idi terawé muyuh luk dat.

KOLOSE 1:6

Bala luk Do' ineh ngacing peruan idi mepiar aput tana', mepad kudeng luk pangeh nepiar arang muyuh rat pun aco muyuh neninger ratnan éi' Allah idi nekali' ratnan katu Allah dengan matu.

1 TESALONIKA 2:12

Kai nengetueh anu muyuh, kai nengubuk nemuyuh, idi kai nengecuk nemuyuh mulun maya' pian Allah luk nawar nemuyuh semuet bang ImetNeh idi rayehNeh teh.

2 TESALONIKA 2:14

Allah nenawar nemuyuh kuan luk kudeng ineh dengan Bala luk Do' luk bida' kai nemuyuh; Ieh nenawar nemuyuh, pad ngalap babpat ratnan rayeh Tuhan tau Yésus Keristus.

2 TIMOTIUS 1:9

Allah nengulun netau idi nenawar netau mangun ku pupuNeh, baken maya' kekamen tau, iamo' maya' pianNeh sebuleng idi katu luk biréNeh kuan tau atun bang Keristus Yésus rat kareb luk pun-pun.

IBERANI 3:1

O kinanak-kinanakku luk meligan, luk pad-pad ngalap babpat bang tawar luk rat surga, do' muyuh ngerawé Rasul idi Imam Rayeh luk pangeh imo tau, ieh ineh Yésus.

1 PETRUS 2:21

Ngaceku muyuh pangeh tinawar kuan luk kudeng ini, ngaceku Keristus pangeh nemabeh dereh teh ngaceku muyuh, idi Ieh nenecan dalan kuan muyuh pad muyuh miak maya lawéNeh.

1 PETRUS 2:9

Iamo' muyuh ini aceh pupu luk pinili', idi imam-imam Raca', aceh inul luk meligan, luk pupu Allah sebuleng, pad muyuh miak mada' amung-amung do' Tuhan luk pangeh nenawar nemuyuh remuat ratnan dacem semuet bang acangNeh luk inan mawa.

2 PETRUS 1:10

Ngaceku ineh, O kinanak-kinanakku, do' muyuh mekél ngeletep tawar idi pili' Allah ineh, pad muyuh tuped meraben. Kudeng muyuh nganau' kudeng ineh, na muyuh meraruh.

YAHUDA 1:1

Rat ni Yahuda, demulun Yésus Keristus, idi kinanak Yakub — Kuan lemulun luk tinawar Allah luk mulun bang awa Allah Taman idi luk inita Yésus Keristus:

BALA LUK LINIO 17:14

Ideh miak pebunu' inan Anak Dumba ineh, iamo' Anak Dumba ineh miak ngelaya' nedeh, ngaceku Ieh Tuhan pa luun amung-amung tuan, idi Raca' pa luun amung-amung raca'; idi amung-amung lemulun luk idi pad-pad denganNeh ineh metueh, ieh ineh amung-amung lemulun luk pangeh tinawar idi luk pinili' idi luk lutep.”