SURAT LUK BIRE PAULUS KUAN LUN RUM 1:3 - BALA LUK DO'

³ Bala ineh ratnan AnakNeh, Tuhan Yésus Keristus, luk maya' inul lemulun pangeh mangun ratnan inul Daud;

SURAT LUK BIRE PAULUS KUAN LUN RUM 1:3 Iomraidhean Croise

PUDUT 3:15

Idi Ui nganau' aceh bunu' arangmu dengan decur ineh, idi arang inulmu dengan inulneh. Idi Ieh miak ngeradu' uluhmu, idi iko miak nicuk tumidNeh.”

NANI UBUR 2:7

Kebala raca', “Ui maré kali' luk bila Tuhan. Kebala Tuhan negku: ‘Iko anakKu. Aco sini Ui mangun ku TamanMu.

YEREMIA 33:26

Kudeng ineh teh Ui miak maya' jani'Ku dengan inul Yakub, idi demulunKu Daud. Ui miak mili' aceh inul Daud luk miak ngimet inul Ibrahim, Isak, idi Yakub. Idi teh Ui miak ngeperuan pupuKu, idi méi' nedeh.”

AMOS 9:11

Kebala Tuhan, “Kareb ineh Ui nuneb tetek ruma' Daud luk mepad kudeng ruma' luk netabpa. Ui ngedo' aladneh, idi nuneb neneh baruh. Ui mudut neneh baruh mepad kudeng luk atun.

MATIUS 1:1

Idi ini surat luk mada' ratnan inul Yésus Keristus, anak Daud, luk inul Ibrahim.

MATIUS 1:16

Yakub nenginul Yusup, ieh ineh awan Mariam; idi Mariam nenganak Yésus luk titen Keristus.

MATIUS 1:6

Isai nenginul Raca' Daud. Idi Raca' Daud nenginul Selimun ratnan decur luk awan uria atun.

MATIUS 12:23

Idi lun mula' ineh mawa, keburi'deh, “Naké ini Anak Daud?”

MATIUS 15:22

Idi seburur decur lun Kanaani iné' ratnan babpat tana' ineh idi nengitang, keburi'neh, “O Tuhan, O Anak Daud, méi' negku; ngaceku anakku luk decur pelaba dereh ngaceku ieh sinuet ada'.”

MATIUS 26:63

Iamo' Yésus pirud mo'. Idi keburi' Imam Rayeh Neneh, “Ui ngecuk Namu pebulung ku ngadan Allah luk mulun, idi mada' nekai kudeng matu Iko Keristus Anak Allah.”

MATIUS 27:43

Ieh merapet inan Allah, do' Allah ngulun Neneh nekini, kudeng Ieh mawa Neneh; ngaceku keburi'Neh, ‘ui ini Anak Allah.’ ”

MATIUS 3:17

Idi inan aceh tang rat bang langit luk nepebala, “Ini AnakKu luk inanKu mawa, idi Ui mawang niat Neneh.”

MATIUS 9:27

Yésus nenecan bawang ineh, idi kareb Ieh nenalan, inan dueh lun mebuser nemaya' Neneh, idi nengitang, kebala didueh, “O Anak Daud, mé' nekai!”

LUKAS 1:35

Idi kebala melaikat ineh, “Roh Meligan miak temurun luunmu, idi lalud Allah miak nucung namu. Ngaceku ineh anak luk meligan ineh miak tetanen Anak Allah.

LUKAS 1:69

Ieh nemaré aceh Lun Nengulun luk melalud kuan tau, ieh ineh inul demulunNeh Daud.

YAHYA 1:14

Bala ineh pangeh mangun ku lemulun idi netudo arang tau. Tau pangeh nenier rayehNeh luk mepanu' ku katu idi luk matu. Ieh ineh rayeh luk ilapNeh ngaceku Ieh Anak sebuleng Allah Taman.

YAHYA 1:34

Idi kebala Yahya, “Ui pangeh nenier ineh, idi maré kali' nemuyuh ratnan Ieh ini Anak Allah.”

YAHYA 1:49

Idi keburi' Nataniel Neneh, “O Guru, Iko Anak Allah! Iko luk Raca' lun pupu Israil!”

YAHYA 10:30

Ui idi Taman ineh Sebuleng.”

YAHYA 10:36

Miakké muyuh ini pebala Ui nguyo Allah, ngaceku Ui ngamo Ui ini Anak Allah? Ui ini luk pinili' idi icuk Allah amé' bang tana' ini.

YAHYA 20:28

Idi kebala Tomas Neneh, “O Allah, O Tuhanku!”

YAHYA 20:31

Amung-amung ini pangeh inayud, pad muyuh miak manu, idi Yésus ineh Keristus, Anak Allah, pad muyuh luk manu ineh miak ngalap ulun bang ngadanNeh.

YAHYA 5:25

Matu, Ui pebala nemuyuh, idi karebneh miak macing idi nekini pana' pangeh nacing, idi amung-amung lun naté miak ninger uni tang Anak Allah, idi lemulun luk ninger ineh miak mulun.

YAHYA 7:42

Pangeh inayud bang Surat Allah, Keristus ineh inul Daud, idi uen nenganak déi' Baitlahim su luk inan Daud tudo.”

KEKAMEN RASUL-RASUL 2:30

Ieh ineh aceh nabi, idi pangeh nekali' pejani' Allah neneh: Allah nepebulung ratnan Ieh sikal nganau' aceh inul Daud mangun ku raca', mepad kudeng Daud,

KEKAMEN RASUL-RASUL 3:13

Ngaceku Tuhan Ibrahim, Isak, idi Yakub, ieh ineh Tuhan tepun tau, nengerayeh DemulunNeh Yésus luk biré bang palad lun rayeh muyuh idi luk tila' muyuh pa kiung Pilatus kareb ieh sikal muit Neneh.

KEKAMEN RASUL-RASUL 8:36

Kareb didueh uned maya' dalan ineh, idi didueh nacing inan aceh abpa'. Idi lemulun luk pinani' ineh nepebala, “Ieni inan abpa', anunké luk mebpeng negku na rerebpen?” [

KEKAMEN RASUL-RASUL 9:20

Ieh petacu iné' bang ruma'-ruma' sembayang idi nemada' ratnan Yésus, Ieh ineh Anak Allah.

SURAT LUK BIRE PAULUS KUAN LUN RUM 1:9

Ui ngakem kuan Allah dengan amung niatku dengan mada' Bala luk Do' ratnan AnakNeh. Idi Allah ineh miak ngegala' ratnan anun-anun luk bilaku matu. Allah kali' ratnan ui megéi' ngerawé nemuyuh

SURAT LUK BIRE PAULUS KUAN LUN RUM 4:1

Anunké luk miak belén tau ratnan ulun Ibrahim, tepun tau?

SURAT LUK BIRE PAULUS KUAN LUN RUM 9:3

Meluun do' ui sebuleng uen ngediman idi uen ngatad ratnan Keristus, ngaceku kinanak-kinanakku, ieh ineh pupu luk sebuleng inul denganku.

SURAT LUK BIRE PAULUS KUAN LUN RUM 9:5

Ideh ineh inul tepun-tepun tau, idi rat arangdeh Keristus pangeh nangun maya' ayu lemulun. Do' Allah luk pa luun amung-amung, buren ruked-ruked! Amin.

1 KORINTUS 1:9

Idi Allah ineh luk pangeh nenawar nemuyuh semuet bang rurum AnakNeh Yésus Keristus Tuhan tau, lutep maya' jani'.

1 KORINTUS 10:18

Ngerawé lun Iberani. Lemulun luk kuman luk biré luun bubpun ineh ngalap babpat ratnan kekamen ngasa' bubpun ineh.

GALATIA 4:4

Iamo' pangeh karebneh meriput Allah nengecuk AnakNeh luk tinganak ratnan seburur decur idi luk inau' mebeneh pa liang Ukum lun Yahudi,

1 TESALONIKA 1:10

idi nganét acing AnakNeh luk rat surga, luk pangeh tinui rat arang lun naté, ieh ineh Yésus luk nemuit netau ratnan useh luk miak macing teh.

1 TIMOTIUS 2:5

Idi Allah ineh Sebuleng mo', idi Luk Ngatum ineh pana' Sebuleng teh arang Allah dengan lemulun, idi Ieh pana' lemulun teh, ieh ineh Keristus Yésus,

1 TIMOTIUS 3:16

Idi rayehneh luk inalum ineh ratnan baya' tau na miak belén. Ieh pangeh linigan bang burur lemulun, idi inau' matu ratnan Roh, idi ginala' kuan melaikat-melaikat. Ieh bida' arang amung-amung pupu, idi inan merapet bang tana', idi inuit umak dengan rayeh.

2 TIMOTIUS 2:8

Ngerawé ratnan Yésus Keristus inul Daud ineh luk tinui rat arang lun naté, mepad kudeng Bala luk Do' luk bida'ku ineh.

1 YAHYA 1:3

Anun-anun luk pangeh sinier idi pindenger kai, kai mada' teh kuan muyuh, pad muyuh pana' miak perurum dengan kai; setuneh rurum kai ini inan pad-pad dengan Taman idi dengan Yésus Keristus, AnakNeh ineh.

1 YAHYA 3:23

Ini ukumNeh, ieh ineh, do' tau manu inan ngadan AnakNeh Yésus Keristus, idi mawa seburur dengan seburur mepad kudeng luk icuk Keristus kuan tau.

1 YAHYA 3:8

Lemulun luk megéi' nganau' sala', ieh nacing ratnan Iblis, ngaceku Iblis ineh nganau' sala' rat pun-pun. Ini punneh Anak Allah pangeh ginala', pad Ieh miak ngusag amung-amung kekamen Iblis ineh.

1 YAHYA 4:15

Idé-idé luk ngamo idi Yésus ineh Anak Allah, idi Allah ineh mulun bang neneh idi ieh pana' mulun bang Allah.

1 YAHYA 5:1

Idé-idé luk manu idi Yésus ineh Keristus, idi lemulun ineh tinganak ratnan Allah, idi idé-idé luk mawa inan Taman, ieh pana' mawa inan anakNeh teh.

1 YAHYA 5:20

Tau kali' Anak Allah pangeh nacing idi pangeh nemaré ileh kuan tau pad tau miak ngiti Allah luk matu; idi tau ini idi bang Allah luk matu, ieh ineh bang AnakNeh, Yésus Keristus. Idi Ieh ineh Allah luk matu, idi ieh ineh ulun luk meruked.

1 YAHYA 5:5

Idéké miak ngelaya' tana' ini? Lemulun luk manu idi Yésus ineh Anak Allah mo'.

2 YAHYA 1:7

Mula' lun luk ngeraruh pangeh neremuat iné' aput-aput tana', luk na ngamo Yésus Keristus pangeh nacing mangun ku lemulun. Lemulun ineh ngeraruh nelun, idi ideh ineh bunu' Keristus.

BALA LUK LINIO 2:18

“Kuan melaikat sidang déi' Tiatira do' ngayud kudeng ini: “ini bala Anak Allah, luk matehNeh mepad kudeng budung apui, idi kukudNeh mepad kudeng tekaling luk mesilo.