SURAT LUK BIRE PAULUS KUAN LUN RUM 1:1 - BALA LUK DO'

¹ Rat negku Paulus, demulun Yésus Keristus, seburur rasul luk pinili' idi tinawar Allah pad mada' BalaNeh luk Do'.

SURAT LUK BIRE PAULUS KUAN LUN RUM 1:1 Iomraidhean Croise

INUL LUK PUN-PUN 23:13

Idi Amram, anakneh luk atun ineh nenginul Arun idi Musa. (Arun idi anak inulneh ineh itad ku kekamen maré baré luk meluun meligan, idi pad ideh ngeseb umau luk do' buen pa kiung Tuhan macing ruked-ruked, idi ngakem kuanNeh, idi maré peruan nelun mula' dengan ngadanNeh.

YESAYA 49:1

O bawang idi pupu luk mado, ninger balaKu! Kareb nateh Ui tinganak Tuhan nemili' Negku, idi nengeletep Negku mangun ku DemulunNeh.

YEREMIA 1:5

“Kareb nateh Ui nemudut namu ku lemulun, Ui nemili' namu. Idi kareb nateh iko tinganak Ui nengetu namu; Ui nemili' namu mangun ku nabi kuan amung-amung pupu.”

MARKUS 1:14

Kareb Yahya ineh pangeh kikem, idi Yésus nacing déi' Galilia mada' Bala luk Do' ratnan Allah.

YAHYA 12:26

Idé-idé luk pian ngakem kuanKu, do' ieh maya' Negku, pad demulunKu idi dengaKu iapeh-iapeh pana' Ui idi. Idi TamanKu miak ngedita' lemulun luk ngakem kuanKu.

YAHYA 15:15

Na Ui neten nemuyuh demulun teh, ngaceku seburur demulun na kali' luk ruen tuanneh; iamo' Ui pangeh neneten nemuyuh luk rurumKu, ngaceku amung-amung luk Ui neninger ratnan TamanKu, ineh teh luk bida'Ku nemuyuh.

YAHYA 15:20

Do' muyuh ngerawé bala luk bilaKu nemuyuh, ‘Seburur demulun na meluun rayeh ratnan tuanneh.’ Kudeng ideh nengedereh Negku, kali' rungen ideh ngedereh nemuyuh teh. Kudeng ideh nemaya' balaKu, idi bala muyuh pana' miak béndeh.

KEKAMEN RASUL-RASUL 13:9

Iamo' Saul luk titen Paulus teh, mepanu' ku Roh Meligan. Idi ieh nenutong neneh,

KEKAMEN RASUL-RASUL 20:24

Iamo' na tu ui ngerawé niatku inan raga kuan bururku sebuleng, kudeng ui miak ngeriput luk ruenku, idi mangeh kekamenku luk ilapku ratnan Tuhan Yésus, ieh ineh pad ui mada' Bala luk Do' ratnan katu Allah.

KEKAMEN RASUL-RASUL 21:40

Lun rayeh baweh ineh nenima' neneh, idi Paulus netuped luun ican, idi nengayep nelun mula' ineh. Ideh nepirud, idi ieh nepebala dengan buri' lun Iberani, kebalaneh:

KEKAMEN RASUL-RASUL 22:21

Idi kebala Tuhan negku, ‘Nalan iko, ngaceku Ui sikal ngecuk namu amé' mado kuan lun pupu baken.’ ”

KEKAMEN RASUL-RASUL 22:7

Ui neluka' luun tana' idi ui neninger aceh arod luk pebala negku, ‘Saul, Saul! Ngudehké' iko ngedereh Negku?’

KEKAMEN RASUL-RASUL 26:1

Idi kebala Agripa ni Paulus, “Iko miak pebala kuan bururmu sebuleng.” Idi Paulus nengegenang ticu'neh idi nepebala:

KEKAMEN RASUL-RASUL 26:14

Amung-amung kai neluka' luun tana', idi ui neninger aceh uni tang luk pebala negku dengan buri' Iberani, ‘Saul, Saul! Ngudehké' iko ngedereh Negku? Iko ngurat bururmu sebuleng, mepad kudeng sapi' luk nupak kayuh tuanneh, luk metadem papedneh!’

KEKAMEN RASUL-RASUL 27:23

Ngaceku malem ina aceh melaikat Allah luk inanku sembayang iné' negku,

KEKAMEN RASUL-RASUL 9:15

Iamo' kebala Tuhan neneh, “Amé iko, ngaceku ieh luk pinili'Ku, ngakem kuanKu, pad ieh ngegala' ngadanKu kuan lun pupu baken idi raca'-raca', idi kuan lun pupu Israil pana'.

SURAT LUK BIRE PAULUS KUAN LUN RUM 1:16

Ngaceku na ui migu' ngamo Bala luk Do' ineh; ngaceku ieh ineh lalud Allah luk ngacing ulun kuan anid-anid lemulun luk manu, pun-pun kuan lun Yahudi, idi kuan pun pupu baken pana'.

SURAT LUK BIRE PAULUS KUAN LUN RUM 1:5

Ngaceku rat Neneh ui pangeh nengalap katu pad ui mangun ku rasul ngaceku Keristus, pelé ui nguit lemulun ratnan anid-anid pupu manu idi maya' pianNeh.

SURAT LUK BIRE PAULUS KUAN LUN RUM 1:9

Ui ngakem kuan Allah dengan amung niatku dengan mada' Bala luk Do' ratnan AnakNeh. Idi Allah ineh miak ngegala' ratnan anun-anun luk bilaku matu. Allah kali' ratnan ui megéi' ngerawé nemuyuh

SURAT LUK BIRE PAULUS KUAN LUN RUM 11:13

Nekini ui pebala kuan muyuh lun pupu baken: Seruked ui mangun ku rasul kuan lun pupu baken, ui ngubur kekamenku,

SURAT LUK BIRE PAULUS KUAN LUN RUM 15:16

pad ui mangun ku lun duken Keristus Yésus kuan lun pupu baken. Ui ngakem mepad kudeng imam idi mada' Bala luk Do' ratnan Allah, pad lun pupu baken ineh miak lapen Allah mangun ku aceh baré luk petulu idi luk uen ngeligan ratnan Roh Allah.

SURAT LUK BIRE PAULUS KUAN LUN RUM 15:29

Ui kali' kareb ui macing nemuyuh, idi ui macing mepanu' ku peruan ratnan Keristus.

SURAT LUK BIRE PAULUS KUAN LUN RUM 16:18

Ngaceku lemulun luk nganau' kudeng ini baken mangun ku demulun Keristus Tuhan tau, iamo' mangun ku demulun pinian bururdeh sebuleng, idi dengan bala luk mepaci' idi luk do', ideh naluk lun luk mesiri niat.

SURAT LUK BIRE PAULUS KUAN LUN RUM 16:25

Do' tau ngerayeh Allah. Ieh ngepicet anu muyuh, maya' Bala luk Do' luk badénku, idi maya' bada' ratnan Yésus Keristus ineh, idi maya' luk linio ratnan bala luk inalum rat mon.

1 KORINTUS 1:1

Surat rat ni Paulus, luk maya' pian Allah tinawar mangun ku rasul Yésus Keristus, idi Sostenis, kinanak tau—

1 KORINTUS 9:1

Bakenké ui mepuit? Bakenké ui ini rasul? Bakenké ui pangeh nenier Yésus Tuhan tau? Bakenké muyuh ini mangun ku bua' kekamenku bang Tuhan?

2 KORINTUS 1:1

Ratnan Paulus, rasul Kristus Yésus dengan pian Allah, idi ratnan Timotius kinanak tau— Kuan sidang Allah déi' Korintus idi kuan amung lun manu aput bawang Akaya:

2 KORINTUS 11:5

Ui na ngerawé bururku ini sesuut pana' mebeneh ratnan rasul-rasul luk rayeh ineh.

2 KORINTUS 11:7

Inanké ui mesala' kudeng ui ngebeneh bururku sebuleng, pad muyuh ini miak uen ngedita' ngaceku ui nemada' Bala luk Do' ratnan Allah dengan na tabpar?

2 KORINTUS 12:11

Ui pangeh mangun mebacé, iamo' muyuh ini nengesaad negku. Setuneh meluun do' ui buren muyuh. Ngaceku sesuut pana' na ui mebeneh ratnan rasul-rasul luk rayeh ineh, sagan pana' ui ini na mebala.

2 KORINTUS 2:12

Kareb ui nacing déi' Troas sikal mada' Bala luk Do' ratnan Keristus, idi inan aceh tanga' inukab Tuhan kuanku.

2 KORINTUS 4:5

Kai na mada' ratnan burur kai sebuleng, iamo' ratnan Keristus Yésus luk Tuhan. Idi kai ini demulun muyuh ngaceku ratnan Keristus.

GALATIA 1:1

Rat ni Paulus luk pinili' mangun ku rasul, baken ratnan lemulun idi baken lemaba lemulun teh, iamo' ratnan Yésus Keristus idi Allah Taman, luk pangeh nenui Yésus rat arang lun naté.

EPESUS 1:1

Rat ni Paulus, rasul Keristus Yésus maya' pian Allah— Kuan amung lun manu luk déi' Epesus luk lutep bang Keristus Yésus:

EPESUS 1:13

Kudeng ineh teh muyuh, kareb muyuh neninger bala luk matu, ieh ineh Bala luk Do' luk nengulun nemuyuh, idi muyuh pangeh manu inan Keristus, idi muyuh pangeh itu ku Roh Meligan luk pangeh pijani' ineh.

EPESUS 4:11

Ieh luk maré baré-baré kuan lemulun. Ieh nengiding sebuang lemulun mangun ku rasul-rasul, sebuang mangun ku nabi-nabi, sebuang mangun ku lun mada' Bala luk Do', idi sebuang mangun ku gembala idi guru.

BADA' RATNAN UKUM 10:8

Idi kareb ineh Tuhan nengatad inul Liwi, pad ideh mirir Pati' Pejani' Tuhan, pelé ideh tuped pa kiung Tuhan idi sembayang Neneh, idi maré peruan idi neten ngadanNeh macing aco sini.

PILIPI 1:1

Rat ni Paulus idi rat ni Timotius, demulun Keristus Yésus — Kuan amung-amung lun manu bang Keristus Yésus déi' bawang Pilipi, idi kuan amung-amung lun matar sidang idi lun ngasa' sidang teh:

PILIPI 2:11

idi amung-amung dila' miak ngamo idi Yésus Keristus ineh Tuhan, kuan rayeh Allah, ieh ineh Taman.

KOLOSE 1:1

Rat ni Paulus, rasul Keristus Yésus maya' pian Allah, idi rat ni Timotius, kinanak tau—

KOLOSE 1:25

Idi ui pangeh inau' ku lun ngasa' sidang ineh, maya' kekamen Allah luk pangeh biréNeh kuanku ngaceku muyuh, pad ngacing bala Allah,

1 TESALONIKA 2:2

Muyuh kali' kudeng apeh kai nedereh idi nurat déi' Pilipi atun, kareb nateh kai iné' nemuyuh déi' Tesalonika. Iamo' Allah tau nemaré kuu' kuan kai pad kai mada' Bala luk Do' luk macing rat Neneh, kuan muyuh, sagan pana' mula' bunu'.

1 TESALONIKA 2:8

Ngaceku awa kai nemuyuh, kai temina' maré babpat kuan muyuh, baken ratnan Bala luk Do' ratnan Allah ineh mo', iamo' ulun kai sebuleng pana'. Ngaceku muyuh luk inan kai mawa.

1 TESALONIKA 2:9

Kali' rungen muyuh ngerawé, O kinanak-kinanakku, ratnan erur idi kél kai. Tebaco kedangan kai nengakem pad kai na maré meberat kuan seburur pana' rat arang muyuh, kareb kai nemada' Bala luk Do' ratnan Allah kuan muyuh.

1 TIMOTIUS 1:1

Rat ni Paulus, rasul Keristus Yésus maya' ukum Allah Lun Nengulun netau idi Yésus Keristus luk mangun ku rapet tau —

1 TIMOTIUS 2:7

Idi ini punneh ui litep mangun ku rasul, idi ku guru kuan lun pupu baken pad mada' ratnan anu ineh idi luk matu teh. Ui na mebalih. Ui mala luk matu.

2 TIMOTIUS 1:11

Allah pangeh nemili' negku mangun ku lun mada', idi rasul, idi guru teh.

TITUS 1:1

Rat ni Paulus, demulun Allah idi rasul Yésus Keristus. Ui pangeh pinili' Allah, idi icuk ngepicet anu pupu Allah luk pinili' idi nguyut nedeh macing inan luk matu, maya' kudeng luk bida' ratnan baya' tau,

IBERANI 5:4

Na luk idi seburur pana' luk miak ngalap dita' ineh kuan bururneh sebuleng, iamo' kudeng ieh tinawar Allah, mepad kudeng Arun, ieh miak mangun ku Imam Rayeh.

IBERANI 7:26

Yésus ineh Imam Rayeh luk miak ngedengan netau. Ieh ineh meligan, idi na mesala'; Ieh pitad ratnan lemulun luk mesala', idi inau' medita' ratnan amung-amung langit.

YAKUB 1:1

Rat ni Yakub, demulun Allah idi demulun Tuhan Yésus Keristus: Tabi' kuan pulu' dueh pupu luk nepatad.

1 PETRUS 4:17

Ngaceku pangeh macing karebneh ukum Allah ngimun kuan uang ruma' Allah, iamo' kudeng ukum ineh ngimun rat netau, idi anunké kekipedneh kuan amung-amung lemulun luk na maya' bala Allah ineh?

2 PETRUS 1:1

Rat ni Simun Pétrus, demulun idi rasul Yésus Keristus— Kuan lemulun luk pangeh nengalap anu, luk mepad letep dengan anu kai, ngaceku siri Allah, Tuhan tau, idi Yésus Keristus Lun Nengulun:

YAHUDA 1:1

Rat ni Yahuda, demulun Yésus Keristus, idi kinanak Yakub — Kuan lemulun luk tinawar Allah luk mulun bang awa Allah Taman idi luk inita Yésus Keristus:

BALA LUK LINIO 1:1

Ini bala luk linio Yésus Keristus idi luk biré Allah Neneh, pad ngegala' kuan demulun-demulunNeh, anun-anun luk miak mangun dengan mesaget. Keristus nengecuk melaikatNeh maré kali' ratnan ineh kuan demulunNeh, Yahya,

BALA LUK LINIO 22:6

Idi kebala melaikat negku, “Amung-amung bala ini lutep idi matu. Idi Tuhan Allah luk nemaré roh kuan nabi-nabi ineh, pangeh nengecuk melaikat mada' demulun-demulunNeh ratnan luk na miak na macing dengan mesaget.”

BALA LUK LINIO 22:9

Iamo' kebalaneh negku, “Aleg nganau' ineh. Ui pana' mepad teh kudeng iko, idi mepad kudeng kinanakmu teh, ieh ineh nabi-nabi ineh, idi mepad kudeng amung-amung lemulun luk maya' bala surat ini. Do' sembayang inan Allah!”