PILIPI 4:8 - BALA LUK DO'

⁸ Kekipedneh, O kinanak-kinanakku, anun-anun luk do', luk buren, luk matu, luk rayeh, luk mesiri, luk meligan, luk meluun do', idi luk petulu buren, ineh luk miak teruayen muyuh.

PILIPI 4:8 Iomraidhean Croise

PUDUT 18:19

Ui pangeh nemili' neneh, pad ieh miak ngecuk anak-anakneh idi inulneh luk muci rat neneh ineh maya' ukumKu idi nganau' luk matu idi luk mesiri, pad Ui miak ngacing kuanneh anun-anun luk pangeh pijani'Ku neneh.”

SEMUIL LUK KEDUEH 1:23

“Saul idi Yonatan luk inan tau mawa, idi luk pelaba do'; bang ulun idi até pana' nateh didueh nepatad. Meluun awer ratnan kanui, metueh ratnan balang.

SEMUIL LUK KEDUEH 23:3

Allah lun Israil pangeh pebala, Pegkung Batu lun Israil nepejani' negku. Raca' luk ngimet dengan mesiri, idi luk matot inan Allah,

NANI UBUR 82:2

“Do' muyuh ugka' mutut ukum luk na mesiri, idi na ngerurum lemulun luk dat!

BALE' 11:1

Tuhan megateh inan lemulun luk makai timang luk na petulu. Iamo' Ieh mawang niat ku timang luk matu.

BALE' 12:4

Decur luk do' niat mangun ku pata awan deléineh. Iamo' kudeng ieh ngigu' neneh, ieh mepad kudeng ét susud bang tulangneh.

BALE' 16:11

Tuhan pian ku timang, idi uad luk matu, idi teh raga luk petulu.

BALE' 20:7

Samal kuan anak luk inan taman luk mesiri idi luk nganau' luk matu.

BALE' 31:10

Pelaba ikat nakap awan decur luk pelaba do'. Ieh meluun raga ratnan bau luk pelaba raga!

BALE' 31:29

Kebalaneh, “Mula' decur mangun ku awan luk do', iamo' iko luk meluun do'.”

BALE' 31:31

Ngubur neneh ngaceku amung-amung luk ruenneh. Idi petulu ieh uen lun ngedita'.

NANI SELIMUN 5:16

Balaneh pelaba do' én, idi ayu bururneh ngawang niatku. Kudeng ineh ayu awa kidi, O decur Yerusalim.

YESAYA 26:7

O Tuhan, Iko ngeraked dalan kuan lemulun luk matu, pelé ideh maya' dalan luk mebalad.

MATIUS 22:16

Idi ideh nengecuk anak-anak sekola'deh dengan lun Herodiani teh amé' matun Neneh. Idi kebaladeh Neneh, “Guru, kai kali' Iko seburur lemulun luk matu, idi Iko mada' dalan Allah dengan luk matu, idi na Iko mili' ayu lemulun; ngaceku na Iko ngerawé taga burur lemulun.

MARKUS 6:20

Herodés matot ni Yahya, ngaceku ieh kali' ieh seburur lemulun luk matu idi meligan, idi ieh megéi' nginita neneh. Ieh pian ninger bala Yahya, sagan tu pana' ieh megagau ku balaneh.

LUKAS 16:15

Iamo' kebala Yésus nedeh, “Muyuh luk ngatu burur muyuh sebuleng pa kiung lemulun, iamo' Allah kali' niat muyuh; ngaceku anun-anun luk siren medita' pa kiung lemulun, na ulekneh pa kiung Allah.

LUKAS 2:25

Idi déi' Yerusalim inan seburur lemulun, ngadanneh Simion. Ieh ineh lemulun luk matu idi luk matot inan Allah, idi ieh nganét aco luk inan Israil uen ngulun. Idi Roh Meligan idi denganneh.

LUKAS 23:50

Inan seburur lemulun, ngadanneh Yusup, rat Arimatia aceh bawang lun Yahudi. Ieh seburur lemulun luk mepiteb idi matu, idi ieh nenganét acing Imet Allah. Sagan pana' ieh seburur lun tebubpun besara', na ieh nengamo maya' luk pinutut idi luk inau'deh ineh.

YAHYA 7:18

Lemulun luk pebala dengan pianneh sebuleng, ieh nakap rayehneh sebuleng, iamo' lemulun luk nakap rayehneh luk nengecuk neneh, ieh ineh luk matu, idi na luk idi sala' bang neneh.

KEKAMEN RASUL-RASUL 10:22

Idi keburi'deh, “Ngaceku Kornilius, seburur lun rayeh baweh nengecuk nekai amé'. Ieh ineh seburur lemulun luk matu luk sembayang inan Allah. Idi ieh buren amung lun Yahudi. Melaikat Allah nengecuk neneh neteng namu amé' ruma'neh ninger bala rat namu.”

KEKAMEN RASUL-RASUL 22:12

“Idi inan selemulun, ngadanneh Ananias, luk mepicet maya' Ukum Musa, luk inubur amung lun Yahudi luk tudo déi' Damsik.

KEKAMEN RASUL-RASUL 6:3

Ngaceku ineh, O kinanak-kinanak, mili' rat arang muyuh tudu' burur luk buren idi luk mepanu' ku Roh Meligan idi ileh, luk miak uen kai ngeletep kuan kekamen ini.

SURAT LUK BIRE PAULUS KUAN LUN RUM 13:13

Do' tau mulun dengan ulun luk mepiteb mepad kudeng kareb acang aco; aleg dengan marot idi mabuk, aleg dengan mesawa', idi luk melutak, aleg dengan pekedaluh idi mét niat.

SURAT LUK BIRE PAULUS KUAN LUN RUM 13:3

Ngaceku lun luk ngimet na ngacing tot kuan kekamen luk do', iamo' kuan kekamen luk dat. Pianmu na matot nan lun rayeh inehké? Nganau' luk do', pad iko miak ngalap ubur rat neneh.

SURAT LUK BIRE PAULUS KUAN LUN RUM 14:18

Idé-idé luk mangun ku demulun Keristus bang luk kudeng ini, idi ieh luk petulu dengan pian Allah, idi ieh luk buren lemulun.

SURAT LUK BIRE PAULUS KUAN LUN RUM 2:29

Iamo' lun Yahudi luk matu ineh, ieh ineh lun Yahudi bang niatneh. Idi sunat luk matu ineh, ieh ineh sunat bang niat, ieh ineh luk ratnan Roh, idi baken maya' urup mo'. Idi ubur lemulun ineh baken ratnan lemulun iamo' ratnan Allah.

1 KORINTUS 4:5

Ngaceku ineh aleg muyuh ngukum idé-idé pana' kareb nateh karebneh, ieh ineh kareb nateh Tuhan macing. Ieh miak ngegala' anun-anun luk inapung bang dacem, idi Ieh ngelio amung-amung pinian niat lemulun. Anid-anid burur miak ngalap ubur ratnan Allah.

2 KORINTUS 13:7

Kai mutuh inan Allah, pad muyuh na nganau' sala', baken pad kai ini siren matu, iamo' pad muyuh ini nganau' luk matu, sagan pana' ayuneh kai pangeh neraruh.

2 KORINTUS 6:8

Kai uen ngerayeh idi uen ngigu'; kai uen ngedat idi buren. Sagan pana' kai mala luk matu, kai tetanen lun mebalih;

2 KORINTUS 8:18

Kai ngecuk seburur kinanak maya' neneh. Kinanak ineh buren bang amung-amung sidang ngaceku kekamenneh mada' Bala luk Do'.

2 KORINTUS 8:21

Pian kai nganau' luk matu, baken pa kiung Tuhan mo', iamo' pa kiung lemulun teh.

GALATIA 5:22

Iamo' bua'-bua' Roh ineh,ieh ineh awa, mawang niat, pedo', mulai niat, éi' do' niat, lutep maya' jani',

EPESUS 4:25

Ngaceku ineh do' muyuh ugka' mebalih. Do' anid-anid muyuh pebala luk matu kuan kinanakneh, ngaceku amung-amung tau pad-pad mangun ku babpat burur Keristus.

EPESUS 5:9

Ngaceku bua'-bua' luk remuat rat bang acang, ieh ineh luk do', luk matu, idi luk mesiri.

EPESUS 6:14

Ngaceku ineh do' muyuh tuped meraben, idi awa' muyuh betin ratnan luk matu, idi ngayng ku kuyu' belawan luk matu,

BADA' RATNAN UKUM 16:20

Do' muyuh maya' luk muned, pad muyuh tebawang bang bawang luk barén Tuhan Allah muyuh nemuyuh.

PILIPI 3:1

Abudneh, O kinanak-kinanakku, do' muyuh mawang niat bang Tuhan. Idi na ui melibo ngayud sekua' teh bala luk mepad kudeng ini kuan muyuh, ngaceku ieh ineh mangun ku do' kuan muyuh.

KOLOSE 4:5

Do' muyuh nalan dengan ileh pa kiung amung-amung lemulun luk na maya', idi makai anid-anid kareb.

1 TESALONIKA 4:12

pad muyuh miak uen ngedita' siren lemulun luk na maya', idi muyuh na miak merapet ku lun baken maré luk pian muyuh.

1 TIMOTIUS 2:2

kuan amung-amung raca' idi lun rayeh, pad tau miak ngalap ulun luk do' udeng idi awang dengan baya' luk meriput idi kekaman luk do'.

1 TIMOTIUS 3:11

Kudeng ineh teh do' awandeh mepiteb, idi na ngatum bala, idi do' ideh ngimet bururdeh idi lutep bang luk amung-amung.

1 TIMOTIUS 3:4

Do' ieh ngasa' uang tetek ruma'neh dengan meriput, idi mada' anak-anakneh maya' ukumneh idi ngedita' neneh.

1 TIMOTIUS 4:12

Aleg nima' seburur pana' ngebeneh namu ngaceku iko mangud, iamo' do' iko mangun ku aceh luk pinginud luk nudin idi luk do' kuan amung-amung lemulun luk manu, do' ratnan gayammu idi ulunmu, do awa idi anu idi ligan teh.

1 TIMOTIUS 5:10

Idi do' ieh buren ngaceku kekamen neh luk do', ngaceku ieh pangeh nengasa' anak-anakneh, idi nenganak lun sakai, idi nemaru' kukud lun manu, idi nengedengan lemulun luk mesusa', idi mekél bang amung-amung luk do'.

1 TIMOTIUS 5:2

idi decur luk remerar mepad kudeng tinan, idi decur luk pun mebaruh mepad kudeng kinanak decur dengan abud-abud ligan.

TITUS 1:8

Do' ieh ngasa' nelun sakai, idi mawa ku luk do'. Do' ieh mepiteb, mesiri, meligan, idi ngimet burur.

TITUS 2:14

Ieh nemaré bururNeh ngaceku tau, pad Ieh nguli' netau ratnan amung-amung kekamen luk dat, pad Ieh ngeligan kuan bururNeh, aceh pupu mangun ku binawehNeh sebuleng, luk mekél nganau' luk do'.

TITUS 2:2

Mada' amung-amung deléi luk remerar pad ideh lutep terawé, mepiteb, idi ngimet burur; pad anudeh idi awadeh meriput, idi pad ideh tuman.

TITUS 2:7

Idi bang luk amung-amung, do' iko sebuleng mangun ku aceh luk pinginud amung-amung kekamen luk do'. Idi bang bada'mu do' iko mesiri idi matu.

TITUS 3:14

Nima' amung-amung lun tau sibada' nganau' luk do' pad ideh miak ngedengan asi' lemulun, idi na ideh mulun dengan na ngeruat bua'.

IBERANI 11:2

Ngaceku ratnan anu, lun rayeh-rayeh ineh pangeh inubur Allah.

IBERANI 13:18

Do' sembayang kuan kai. Kai merapet teruayen niat kai do', ngaceku kai megéi' pian nganau' luk matu.

YAKUB 1:27

Baya' luk meligan idi meriput pa kiung Allah Taman, ieh ineh ngikak anak maté idi decur tinula' bang susa'deh, idi ngasa' burur pad na uen tana' ini ngelutak.

YAKUB 3:17

Iamo' ileh luk rat surga pun-pun meligan, pangeh ineh sikal pedo', do' buri', idi do' baya' ukum, idi panu' dengan éi' idi bua'-bua' luk do' dengan na metebaceng, idi dengan na naluk.

1 PETRUS 1:22

Ngaceku muruh pangeh nemaru' niat muyuh idi lutep maya' luk matu, pad muyuh mawa dengan amung-amung kinanak dengan na siayu, idi do' muyuh mawa seburur dengan seburur, dengan niat luk matu.

1 PETRUS 2:12

Do' kekamen muyuh arang lun pupu baken mesiri sirendeh, pad kareb ideh ngadu' nemuyuh, idi neten nemuyuh lemulun luk dat, na miak na ideh ngiti kekamen muyuh luk do', idi ngerayeh Allah kareb Aco Tuhan macing.

1 PETRUS 4:8

Idi luk pun-pun do' muyuh mawa seburur dengan seburur, ngaceku awa ineh miak mapen sala' luk mula'.

2 PETRUS 3:1

O kinanak-kinanakku luk inanku mawa, ini kedueh surat luk ui maré kuan muyuh, idi bang dueh-duehneh ini ui ngegio terawé muyuh luk meligan ineh dengan dalan mada' kuan muyuh,

1 YAHYA 3:18

O anak-anakku, aleg tau mawa dengan bala idi dengan dila'mo', iamo' dengan kekamen idi dengan luk matu.

1 YAHYA 3:3

Anid-anid lemulun luk merapet inan Keristus ineh, matar bururneh pad ieh meligan mepad kudeng Keristus pana' meligan.

1 YAHYA 4:1

O amung-amung luk inanku mawa, aleg muyuh manu ku bala anid-anid lemulun luk ngamo neneh pangeh nengalap Roh Allah, iamo' do' muyuh nutun nedeh, pad muyuh kali' kudeng roh luk ilapdeh ineh macing ratnan Allah. Ngaceku mula' nabi luk mebalih pangeh neremuat iné' iapeh-iapeh.

SURAT RUT 3:11

Idi nekini, O Amu, aleg iko matot. Idi ui miak nganau' anun-anun luk pianmu, ngaceku amung lun luk bang bawang ini kali' iko aceh decur luk do'.