PILIPI 4:7 - BALA LUK DO'

⁷ Idi awang ratnan Allah luk meluun rayeh ratnan amung-amung ileh lemulun miak matar niat muyuh idi terawé muyuh bang Yésus Keristus.

PILIPI 4:7 Iomraidhean Croise

NEHEMIA 8:10

Do' muyuh muli' idi nganau' irau. Maré aceh babpat akan idi abpa' anggur muyuh kuan lemulun luk na petap akan. Aco sini meligan kuan Tuhan. Aleg mesusa' niat. Awang luk barén Tuhan nemuyuh ngetueh nemuyuh.”

AYUB 22:21

O Ayub, do' iko pedo' dengan Allah, idi aleg iko ngerawé Neneh bunu'mu. Idi iko miak ruenNeh ngeperuan.

AYUB 34:29

Kudeng Allah ungeng, seburur pana' nateh luk miak ngadu' Neneh. Kudeng Ieh teketed ratnan lemulun, ideh na miak nganau' anun-anun.

NANI UBUR 29:11

Tuhan maré tueh kuan pupuNeh, idi maré peruan dengan awang kuandeh.

NANI UBUR 85:8

Ui ninger luk belén Tuhan Allah; Ieh pebala ratnan pedo' kuan kai luk pupuNeh, kudeng kai na lemubed maya' kekamen kai luk mebacé.

BALE' 2:11

Ilehmu idi terawému luk matu miak matar namu,

BALE' 4:6

Aleg patad ratnan ileh, ngaceku ieh luk matar namu. Mawa neneh, idi ieh miak ngimet namu.

BALE' 6:22

Bada' didueh miak nguyut namu kareb nalan, idi matar namu kareb medacem, idi mada' namu kareb macang.

YESAYA 26:12

O Tuhan, Iko sikal ngeperuan nekai. Amung-amung luk ruen kai mangun ngaceku pedenganMu.

YESAYA 26:3

Iko, O Tuhan, ngeriput awang lemulun luk lutep manu Namu idi luk merapet Namu.

YESAYA 45:7

Ui nganau' acang idi dacem pana'; Ui ngacing peruan idi susa' teh. Ui ini Tuhan luk nganau' amung ineh.

YESAYA 48:18

“Kudeng muyuh pangeh nengalap amung ukumKu, awang niat manud nemuyuh mepad kudeng abpa' luk na mekeket! Idi tueh melipak amé' nemuyuh, mepad kudeng ribut déi' abpa' rayeh.

YESAYA 48:22

Kebala Tuhan, “Na luk idi awang kuan lemulun luk mesala'.”

YEREMIA 32:16

Kareb ui pangeh nemaré surat belih tana' kuan Baruk Neria, idi ui nesembayang, kebalaku,

YEREMIA 33:6

Ui miak ngedo' bawang ini idi pupu ini pad ideh mawang niat idi do' udeng.

IAP 6:26

Do' Tuhan mawa nemuyuh idi maré awang nemuyuh.

LUKAS 1:79

rat surga Ieh ngacang lemulun luk tudo bang lungung até luk medacem, idi nguyut netau amé' inan dalan awang.”

LUKAS 2:14

“Amung rayeh kuan Allah bang langit luk meluun dita', idi awang luun tana' rat arang lemulun luk inanNeh mawa!”

YAHYA 14:27

“Ui necan awang kuan muyuh, idi Ui maré awangKu sebuleng kuan muyuh. Ui na maré ineh kuan muyuh maya' lawé tana' ini. Aleg muyuh megagau niat idi aleg matot.

YAHYA 16:33

Ui nemala amung ini kuan muyuh, pad muyuh mawang niat bang Negku. Bang tana' ini muyuh medereh; iamo' do' muyuh mekuu'. Ui pangeh metueh ratnan tana' ini.”

SURAT LUK BIRE PAULUS KUAN LUN RUM 1:7

Ngaceku ineh ui ngayud kuan amung muyuh lun Rum, luk inan Allah mawa, idi luk tinawar mangun ku lun manu: Do' katu idi awang temurun kuan muyuh ratnan Allah Taman tau idi Tuhan tau Yésus Keristus.

SURAT LUK BIRE PAULUS KUAN LUN RUM 14:17

Ngaceku Imet Allah ineh baken ratnan kuman idi ngirup, iamo' luk matu idi awang idi mawang niat luk biré Roh Meligan.

SURAT LUK BIRE PAULUS KUAN LUN RUM 15:13

Do' Allah, luk lawa rapet ineh, manu' niat muyuh ku awang idi pedo' bang anu muyuh, pad ratnan lalud Roh Meligan, muyuh mepanu' ku rapet.

SURAT LUK BIRE PAULUS KUAN LUN RUM 5:1

Ngaceku tau inau' matu ratnan anu, idi tau ngalap pedo' dengan Allah ngaceku Tuhan tau Yésus Keristus.

SURAT LUK BIRE PAULUS KUAN LUN RUM 8:6

Ngaceku bua' terawé maya' pinian burur, ieh ineh maté; iamo' bua terawé ratnan Roh, ieh ineh ulun idi awang.

2 KORINTUS 10:5

Kai ngelaya' amung-amung saad lemulun, idi amung-amung luk sikal metueh ratnan ileh Allah, idi kai naban anid-anid terawé maya' Keristus.

2 KORINTUS 13:11

Idi nekini, O kinanak-kinanakku, tabi' kuan muyuh. Do' muyuh mekél pad anu muyuh meriput, idi ninger bada'ku. Do' muyuh sebuleng niat, idi pedo'. Idi Allah luk lawa awa idi pedo' miak tudo dengan muyuh.

GALATIA 5:22

Iamo' bua'-bua' Roh ineh,ieh ineh awa, mawang niat, pedo', mulai niat, éi' do' niat, lutep maya' jani',

EPESUS 3:19

Matu, do' muyuh kali' awa Keristus — sagan pana' awaNeh ineh na miak kali' kidalemneh — pad muyuh miak uen manu' ku amung-amung peruan Allah dengan elaNeh.

PILIPI 1:1

Rat ni Paulus idi rat ni Timotius, demulun Keristus Yésus — Kuan amung-amung lun manu bang Keristus Yésus déi' bawang Pilipi, idi kuan amung-amung lun matar sidang idi lun ngasa' sidang teh:

PILIPI 1:2

Do' katu idi awang ratnan Allah Taman tau idi ratnan Tuhan tau Yésus Keristus temurun kuan muyuh.

PILIPI 4:19

Idi Tuhanku miak nganau' petap ratnan amung-amung asi' muyuh maya' do'Neh dengan rayehNeh bang Keristus Yésus.

PILIPI 4:21

Do' ngacing tabi'ku kuan amung-amung lun manu luk bang Keristus Yésus. Idi tabi' kuan muyuh ratnan kinanak luk pad-pad denganku.

PILIPI 4:9

Do' maya' anun-anun luk inan muyuh nesibada' idi luk ilap muyuh rat negku, do' ratnan balaku idi kekamenku pana'. Idi Allah luk lawa amung-amung awang miak ngedengan nemuyuh.

KOLOSE 3:15

Idi do' awang Keristus ngimet bang niat muyuh, idi bang luk kudeng ineh teh muyuh pangeh tinawar bang burur luk sebuleng; idi do' muyuh maré ubur.

2 TESALONIKA 3:16

Do' Tuhan sebuleng luk lawa amung-amung awang megéi' maré awang kuan muyuh bang luk amung-amung. Idi do' Tuhan ngedengan amung-amung muyuh.

IBERANI 13:20

Allah pangeh nenui Tuhan tau Yésus Keristus ratnan até. Ngaceku dara'Neh, nekini Ieh mangun ku Lun Matar Dumba luk Rayeh. Idi dengan dara'Neh ineh pejani' luk meruked ineh pangeh itu.

YAHUDA 1:1

Rat ni Yahuda, demulun Yésus Keristus, idi kinanak Yakub — Kuan lemulun luk tinawar Allah luk mulun bang awa Allah Taman idi luk inita Yésus Keristus:

BALA LUK LINIO 1:4

Rat ni Yahya kuan tudu' sidang luk déi' Asia: Do' katu idi awang temurun kuan muyuh ratnan Allah, Luk idi nekini, idi Luk pangeh idi atun, idi Luk miak macing teh, idi ratnan tudu' roh luk pa kiung kerusiNeh,

BALA LUK LINIO 2:17

“Idé luk inan lalid, do' ieh ninger bala Roh luk kuan amung-amung sidang! “Kuan lemulun luk metueh Ui maré manna luk inapung ineh, idi Ui maré kuanneh aceh batu luk mebuda', idi luun batu ineh inayud aceh ngadan luk mebaruh luk na miak kali' seburur lemulun pana', iamo' lemulun luk ngalap ineh mo' luk kali'.