PILIPI 4:6 - BALA LUK DO'

⁶ Aleg muyuh merapang ratnan anun-anun, iamo' bang luk amung-amung do' amung-amung pian muyuh uen ngegala' kuan Allah, bang sembayang idi putuh dengan maré ubur.

PILIPI 4:6 Iomraidhean Croise

RACA'-RACA' LUK PUN-PUN 8:28

Iamo' do' Iko ngerawé putuh sembayangku, O Tuhan Allahku, idi ninger anun luk pituenku bang sembayang aco sini.

INUL LUK KEDUEH 32:20

Iamo' Raca' Hesekia idi Nabi Yesaya Amos pana' nesembayang pa kiung Allah luk bang surga.

NANI UBUR 51:15

Ngukab tangku, O Tuhan, pad ui miak ngubur Namu.

NANI UBUR 55:17

Ui ngarod idi mada' susa'ku pa kiungNeh kareb pekak, muned aco idi medacem teh, idi Ieh miak ninger arodku.

NANI UBUR 55:22

Maré susa'mu kuan Tuhan, idi Ieh miak ngetueh namu, na Ieh nima' lemulun luk matu uen ngelaya'.

NANI UBUR 62:8

Lun pupuku, do' megéi' merapet inan Allah! Mada' susa' muyuh Neneh, ngaceku Ieh ineh Batu Libung tau.

BALE' 15:8

Tuhan mawang niat kareb lemulun luk do' sembayang, iamo' Ieh megateh niat ku baré luk iten lemulun luk dat.

BALE' 16:3

Maré amung kekamenmu kuan Tuhan, idi luk ruenmu miak mangun.

NANI SELIMUN 2:14

Iko sigapung mepad kudeng sukur bang lubang batu. Nima' negku nier kiungmu luk metaga, idi ninger uni tangmu.

YEREMIA 32:16

Kareb ui pangeh nemaré surat belih tana' kuan Baruk Neria, idi ui nesembayang, kebalaku,

YEREMIA 33:3

“Nawar Negku, idi Ui miak ngor balamu, idi ngegala' kuanmu kekamen luk pelaba do' idi luk inan mawa luk nateh nekali'mu.

DANIEL 3:16

Idi Sadrak, Misak, idi Abednego nengor bala raca', kebala diteluh, “O raca', na ulekneh kai ngor balamu.

DANIEL 6:10

Kareb Daniel nekali' idi ukum ineh pangeh pinutut, idi ieh nuli'. Idi déi' bang parung ruma'neh inan teluh tabuk luk petutup bawang Yerusalim. Idi déi' bang parung ruma'neh inan teluh tabuk luk petutup bawang Yerusalim. Idi ieh netekeradung munung tabuk luk mukab ineh idi nesembayang pa kiung Allah teluh kua' seaco mepad kudeng luk pekalai.

MATIUS 10:19

Kareb muyuh itendeh amé' besara', aleg megagau ratnan kudeng apeh idi anun luk miak belén muyuh; ngaceku kareb ineh miak barén nemuyuh bala luk belén muyuh.

MATIUS 13:22

Idi luk inisak arang tabpa', ieh ineh lemulun luk ninger bala ineh; idi rapang luk ratnan tana' ini, idi saluk ratnan mula' binaweh, nebpek bala ineh, pad ieh na kebua'.

MATIUS 6:34

Ngaceku ineh aleg muyuh megagau ratnan nebpa, ngaceku nebpa inan gagauneh sebuleng. Aganeh susa' seaco petap mo' bang seaco.

MATIUS 6:8

Aleg muyuh nginud lemulun ineh, ngaceku Taman muyuh kali' luk inan ulek kuan muyuh, kareb nateh muyuh mutuh rat Neneh.

LUKAS 10:41

Idi kebala Tuhan neneh, “Marta, Marta, iko mesusa' idi merapang ratnan mula' kekamen;

LUKAS 12:22

Kebala Yésus kuan anak-anak sekola'Neh, “Ngaceku ineh Ui pebala nemuyuh, Aleg merapang ratnan ulun muyuh ieh ineh anunké luk miak kenen muyuh; idi ratnan burur muyuh, ieh ineh anunké luk miak iungen muyuh.

LUKAS 12:29

Idi aleg megagau ratnan luk kenen, idi luk rupen muyuh, idi aleg muyuh merapang.

LUKAS 18:1

Idi Yésus nemada kuandeh aceh luk pinginud, pad ideh megéi' sembayang dengan na melawa',

LUKAS 18:7

Naké Allah miak, ngedengan anid-anid lemulun luk pinili'Neh luk nawar Neneh tebaco kedangan? Miakké Ieh nginiuk ngedengan nedeh?

1 KORINTUS 7:21

Kudeng iko demulun kareb iko tinawar, aleg iko mesusa'. Iamo' kudeng iko miak puatin, meluun do' puatin.

1 KORINTUS 7:32

Iamo' pianku, aleg muyuh merapang, Lemulun luk na awan ineh meluun ngerawé ratnan kekamen Tuhan, ngaceku ieh sikal maya' pian Tuhan.

2 KORINTUS 1:11

kudeng muyuh nengan nekai dengan sembayang muyuh. Dengan luk kudeng ineh putuh lemulun luk mula' ineh miak uen ngua', pad Allah miak ngeperuan nekai, idi mula' lemulun miak maré ubur kuan Allah ngaceku kai.

EPESUS 5:20

Megéi' maré ubur bang luk anun-anun kuan Allah Taman dengan ngadan Tuhan tau Yésus Keristus.

EPESUS 6:18

Nganau' amung ineh dengan sembayang idi putuh. Megéi' sembayang dengan Roh. Ngaceku ineh, do' lutep idi aleg metalang niat. Megéi' sembayang kuan lun manu.

KOLOSE 3:15

Idi do' awang Keristus ngimet bang niat muyuh, idi bang luk kudeng ineh teh muyuh pangeh tinawar bang burur luk sebuleng; idi do' muyuh maré ubur.

KOLOSE 3:17

Anun-anun luk ruen muyuh idi luk belén muyuh do' amung ineh ruen dengan ngadan Tuhan Yésus, idi maré ubur kuan Allah Taman tau bang ngadan Yésus.

KOLOSE 4:2

Do' muyuh lutep sembayang, idi matar bang amung ineh dengan maré ubur.

1 TIMOTIUS 2:1

Ngaceku ineh ui mada' namu pun-pun, pad amung putuh sembayang idi ubur barén nan Allah kuan amung lemulun;

1 TIMOTIUS 5:5

Idi decur luk tinula' matu idi luk ketecan sebuleng, do' ieh merapet inan Allah idi lutep bang sembayang idi putuhneh tebaco kedangan.

1 PETRUS 4:7

Iamo' kareb luk kekiped ineh pangeh muneng. Do' muyuh ngimet burur muyuh, idi matar pad miak sembayang.

1 PETRUS 5:7

Do' maré amung-amung rapang muyuh kuanNeh ngaceku Ieh luk ngerawé nemuyuh.

SEMUIL LUK PUN-PUN 1:15

Iamo' kebala Hanna, “Baken kudeng ineh, Imam. Iamo' ui ini aceh decur luk mesusa' niat. Na ui nengirup. Iamo' ui pelaba susa' niat pad ui sembayang maré amung terawéku kuan Tuhan.

SEMUIL LUK PUN-PUN 30:6

Idi Daud pelaba dereh, ngaceku lun mula' ineh pegayam sikal mitung neneh ku batu, ngaceku ideh mét niat ku anakdeh luk tiban ineh. Iamo' Tuhan Allahneh nengeletep niat Daud pad ieh mekuu'.

SEMUIL LUK PUN-PUN 7:12

Idi Semuil nengalap aceh batu. Idi ieh nenaped ineh arang Mispa dengan Sen. Idi ieh neneten batu ineh “Batu Pedengan”, kebalaneh, “Macing ieni Tuhan pangeh nengedengan netau.”