PILIPI 4:5 - BALA LUK DO'

⁵ Do' muyuh mebeneh niat siren amung-amung lemulun. Idi Tuhan lélé macing.

PILIPI 4:5 Iomraidhean Croise

MATIUS 6:25

“Ngaceku ineh Ui pebala nemuyuh, aleg merapang ratnan ulun muyuh, ieh ineh ratnan luk miak kenen muyuh idi luk urpen muyuh; idi ratnan ayung kuan burur muyuh. Naké ulun ineh meluun ratnan luk kenen idi burur ineh meluun ratnan ayung?

MATIUS 6:34

Ngaceku ineh aleg muyuh megagau ratnan nebpa, ngaceku nebpa inan gagauneh sebuleng. Aganeh susa' seaco petap mo' bang seaco.

LUKAS 21:34

“Matar burur muyuh pad niat muyuh na barén kuan luk manga idi mabuk idi rapang ratnan ulun tana' ini, pad aco ineh macing luun muyuh denak-denak mepad kudeng abpung.

1 KORINTUS 16:22

Kudeng idé lemulun luk na mawa inan Tuhan ineh, nima' neneh uen ngediman. Maranata! (ilungneh, O Tuhan, amé' dengan mesaget!)

1 KORINTUS 6:7

Setuneh kedaluh ini arang muyuh ngegala' laya' muyuh. Naké meluun do' muyuh tuman ratnan dereh idi buyok?

1 KORINTUS 8:13

Kudeng akan ngacing sabeng kuan kinanakku ineh pad ieh mesala', na tu-tu sikal kuman uang pung, pad ui na ngacing sabeng kuan kinanakku.

1 KORINTUS 9:25

Anid-anid burur lemulun luk sikal metueh bang rot ineh megéi' maya' bebpeng lun luk marot. Ideh sikal ngalap aceh pata luk miak merapuk, iamo' tau ini sikal ngalap sebuleng pata luk na miak merapuk.

2 KORINTUS 10:1

Ui ini, Paulus sebuleng, ngubuk nemuyuh dengan mebeneh niat idi éi' Keristus. Ui mebeneh niat pa kiung muyuh, iamo' kareb ui mado rat nemuyuh ui mekuu'.

2 TESALONIKA 2:2

aleg muyuh saget pekisu' terawé idi megagap ku bala lemulun ratnan Aco Tuhan pangeh nacing, ayuneh pangeh bida' lemulun luk kikem roh lek, kian bida' lemulun kareb ieh mada' lek. Kian inan luk pebala, kai ini pangeh nengayud ineh bang surat.

TITUS 3:2

Mada' nedeh pad ideh na nguyo seburur lemulun, idi na pekedaluh, iamo' pad ideh mulai buri', idi megéi' ngegala' do' niatdeh kuan amung-amung lemulun.

IBERANI 10:25

Aleg tau ugka' tebubpun pad-pad, mepad kudeng luk inau' sebuang lemulun, iamo' mada' seburur dengan seburur, meluun teh ngaceku muyuh nier Aco Tuhan pangeh muneng.

IBERANI 10:37

Maya' kudeng luk inayud, “Segageh teh, idi Tuhan luk miak macing sikal macing teh dengan na nginiuk.

1 PETRUS 1:11

Ideh nenakap karebneh idi kudeng apeh ayu kareb luk bida' Roh Keristus luk idi bang nedeh. Idi Roh ineh nemaré kali' atun ratnan amung-amung dereh Keristus, dengan amung-amung rayeh luk miak macing muci.

1 PETRUS 4:7

Iamo' kareb luk kekiped ineh pangeh muneng. Do' muyuh ngimet burur muyuh, idi matar pad miak sembayang.

BALA LUK LINIO 22:20

Idi Ieh luk maré kali' ratnan amung-amung ini nepebala, “Matu! Ui macing dengan mesaget!” Amin! Do' Iko macing, O Tuhan Yésus.

BALA LUK LINIO 22:7

Kebala Yésus, “Ngerawé do'-do', Ui macing dengan mesaget.” Samal kuan lemulun luk maya' amung-amung bala luk biré bang surat ini.