PILIPI 4:3 - BALA LUK DO'

³ Meluun teh kuanmu pana', O lun denganku luk matu, ui mutuh namu ngedengan nedidueh luk decur ineh, luk pangeh pad-pad nerur denganku bang kekamen mada' Bala luk Do' pad-pad dengan Klemen teh, idi amung-amung lun denganku luk baken-baken teh, luk pangeh inayud ngadandeh bang surat ulun Allah.

PILIPI 4:3 Iomraidhean Croise

NANI UBUR 69:28

Idi do' ngadandeh uen ngiu' rat bang surat ulun; do' ideh na semuet dengan ngadan pupuMu.

PURA' 32:32

Iamo' nekini do' Iko maré do' ku sala'deh, idi kudeng na miak, do' ngiu' ngadanku rat bang surat luk pangeh inayudMu.”

YESAYA 4:3

Amung-amung pupu luk ketecan déi' Yerusalim, luk pinili' Allah miak mulun, tetanen meligan.

YEHISKIEL 13:9

Ui temina' ngukum nemuyuh lun nabi luk siayu ratnan luk sinier idi luk mebalih ratnan luk miak mangun muci. Kareb pupuKu mepamung, muyuh na idi arangdeh; ngadan muyuh na miak uen ngayud dengan ngadan lun Israil luk baken. Na tu-tu muyuh miak muli' ame' bawang muyuh, pad muyuh miak kali' Ui ini Tuhan.

DANIEL 12:1

“Kareb ineh, Mikail, melaikat luk rayeh ineh luk matar pupumu miak silagan. Idi kareb ineh inan mula' susa', luk meluun dat ratnan luk nekali' pupu ineh rat pun-pun. Kareb ineh amung pupumu, luk kuan ngadan inayud bang Surat Allah miak uen ngulun.

LUKAS 10:20

Iamo' aleg muyuh mawang niat ngaceku amung-amung ada' maya' ukum muyuh, iamo' do' muyuh mawang niat ngaceku ngadan muyuh pangeh inayud déi' surga.”

SURAT LUK BIRE PAULUS KUAN LUN RUM 12:1

Ngaceku ineh, O kinanak-kinanakku, ngaceku ratnan éi' Allah kuan tau, ui mutuh nemuyuh maré burur muyuh mangun ku baré luk mulun idi luk linigan kuanNeh maya' pian Allah. Ineh sembayang muyuh luk matu.

SURAT LUK BIRE PAULUS KUAN LUN RUM 16:12

Tabi' kuan Tripina idi Triposa, ieh ineh decur luk nengakem kuan Tuhan. Tabi' kuan Persis, decur luk inan mawa ineh, luk nengakem do'-do' kuan Tuhan.

SURAT LUK BIRE PAULUS KUAN LUN RUM 16:9

Tabi' kuan Urbanus, luk lun dengan kai bang kekamen Keristus, idi lun rurumku Istakus.

PILIPI 1:12

Idi ui sikal maré kali' kuan muyuh, O kinanak-kinanakku, idi amung-amung luk pangeh nangun kuanku, pangeh mangun ku dalan mada' Bala luk Do'.

PILIPI 1:16

Idi ideh nganau' kudeng ineh ngaceku ratnan awa, ngaceku kali' idi ui ini litep Allah ku matar Bala Luk Do' ineh.

PILIPI 1:27

Iamo' do' ulun muyuh petulu dengan Bala luk Do' luk ratnan Keristus, do' kareb ui macing ngikak nemuyuh idi kareb ui mado pana', pad ui miak ninger ratnan muyuh tuped meraben dengan sebuleng niat idi sebuleng terawé, idi pad-pad pebunu', pelé ngacing anu ku Bala luk Do' ineh.

PILIPI 1:5

ngaceku ratnan rurum muyuh bang kekamen mada' Bala luk Do' ineh rat aco luk pun-pun macing nekini.

PILIPI 1:7

Ui megéi' ngerawé nemuyuh, idi petulu ui inan terawé luk kudeng ineh ratnan muyuh. Ngaceku amung muyuh ngalap babpat pad-pad denganku, do' kareb ui kiling idi teh kareb ui mepuit, pad ui miak ngeletep idi ngasa' Bala luk Do' ineh.

PILIPI 4:2

Ui mutuh Yodia idi ui mutuh Sintiki teh, mangun ku sebuleng niat bang Tuhan.

KOLOSE 1:7

Muyuh pangeh nesibada' rat ni Epapras lun dengan kai luk inan mawa, luk lutep ngakem bang ngadan kai kuan Keristus.

BALA LUK LINIO 13:8

Amung-amung lemulun bang tana' ini miak sembayang neneh, ieh ineh luk ngadanneh na inayud rat pun-pun tana' ini pinudut, bang surat ulun Anak Dumba luk kirat ineh.

BALA LUK LINIO 17:8

Idi pung luk siniermu ineh, ieh idi atun, iamo' nekini na idi; ieh sikal umak rat bang lubang luk na miak teriin kidalemneh ineh, idi semuet bang ukum até. Lemulun bang tana' ini, luk na inayud ngadandeh bang surat ulun ineh rat pun-pun tana' ini, miak mawa kareb ideh nier pung ineh, luk idi atun, iamo' nekini na idi, idi luk sikal macing teh.

BALA LUK LINIO 20:12

Idi ui nenier amung-amung lemulun luk naté, do' luk rayeh idi luk isuut pana', tuped pa atun kerusi ineh. Surat-surat pana' inukab; idi inan aceh surat luk baken inukab, ieh ineh surat ulun. Idi lun luk naté ineh inukum maya' kekamendeh luk inayud bang surat-surat ineh.

BALA LUK LINIO 20:15

Kudeng idé-idé luk na luk idi ngadanneh inayud bang surat ulun ineh, idi ieh pana' tila' bang takung apui ineh.

BALA LUK LINIO 21:27

Iamo' na tu-tu luk melutak miak semuet bang neneh, idi lemulun luk nganau' luk bibpeng idi mebalih pana' na miak semuet, iamo' lemulun luk inayud ngadandeh bang surat ulun Anak Dumba ineh mo' miak semuet bang bawang ineh.

BALA LUK LINIO 3:5

Lemulun luk metueh miak uen ngayung ku ayung luk mebuda', idi na tu-tu Ui miak ngiu' ngadandeh rat bang surat ulun ineh. Ui miak ngamo ngadandeh pa kiung TamanKu idi pa kiung melaikat-melaikatNeh.