PILIPI 4:21 - BALA LUK DO'

²¹ Do' ngacing tabi'ku kuan amung-amung lun manu luk bang Keristus Yésus. Idi tabi' kuan muyuh ratnan kinanak luk pad-pad denganku.

PILIPI 4:21 Iomraidhean Croise

MATIUS 5:47

Idi kudeng muyuh maré tabi' kuan kinanak-kinanak muyuh mo' sebuleng, do'ké kekamen muyuh rat nelun baken? Lun na manu pana' nganau' luk kudeng ineh teh.

1 KORINTUS 1:2

Kuan sidang Allah luk bang bawang Korintus, ieh ineh kuan amung-amung luk linigan bang Keristus Yésus, idi luk tinawar mangun ku lun luk meligan, dengan amung-amung lemulun luk nawar ngadan Tuhan tau Yésus Keristus bang amung-amung su luk inan, ieh ineh Tuhandeh idi Tuhan tau pana':

GALATIA 1:2

Amung-amung kinanak luk tungé' maré tabi' denganku kuan sidang-sidang luk déi' Galatia:

GALATIA 2:3

Sagan pana' Titus, lun denganku ineh, pupu lun Grika, nateh ieh sinaad ruen nunat,

EPESUS 1:1

Rat ni Paulus, rasul Keristus Yésus maya' pian Allah— Kuan amung lun manu luk déi' Epesus luk lutep bang Keristus Yésus:

PILIPI 1:1

Rat ni Paulus idi rat ni Timotius, demulun Keristus Yésus — Kuan amung-amung lun manu bang Keristus Yésus déi' bawang Pilipi, idi kuan amung-amung lun matar sidang idi lun ngasa' sidang teh:

PILIPI 4:7

Idi awang ratnan Allah luk meluun rayeh ratnan amung-amung ileh lemulun miak matar niat muyuh idi terawé muyuh bang Yésus Keristus.