PILIPI 4:19 - BALA LUK DO'

¹⁹ Idi Tuhanku miak nganau' petap ratnan amung-amung asi' muyuh maya' do'Neh dengan rayehNeh bang Keristus Yésus.

PILIPI 4:19 Iomraidhean Croise

PUDUT 48:15

Idi Yakub nengeperuan ni Yusup, kebalaneh, “Idi do' Allah ngeperuan dueh anak ini, ieh ineh Allah luk inan tepunku Ibrahim idi tamanku Isak merapet. Do' Allah luk pangeh nenguyut negku macing aco sini ngeperuan nedidueh,

SEMUIL LUK KEDUEH 22:7

Idi bang susa'ku ui nenawar Tuhan; Ui nenawar Allahku mutuh pedengan. Bang ruma'Neh, Ieh neninger tawarku. Tawarku mutuh pedengan nesemuet bang lalidNeh.

INUL LUK KEDUEH 18:13

Iamo' kebala Mikaya, “Ui pebulung ku ngadan Tuhan luk mulun, idi anun luk belén Tuhan negku, ineh teh luk belénku.”

INUL LUK KEDUEH 31:8

Idi kareb Hesekia idi lun rayehneh nekali' amung baré ineh, idi ideh nengubur Tuhan idi amung pupuNeh lun Israil.

NEHEMIA 5:19

Kesembayangku, O Allah, ui mutuh Namu ngerawé kekamenku luk do' kuan pupu ini.

NEHEMIA 9:15

“Kareb ideh melau, Iko nemaré ruti rat surga, idi kareb ideh meparing Iko nemaré abpa' rat bang batu. Iko luk nengecuk nedeh ngimet tana', luk pijani'Mu barén nedeh.

NANI UBUR 104:24

O Tuhan, luk inau'Mu pelaba ula'! Iko pelaba ileh nenganau' nedeh! Tana' ini mepanu' ku pung luk pinudutMu.

NANI UBUR 130:7

O Israil do' merapet inan Tuhan, ngaceku awaNeh lutep, idi Ieh megéi' sikal ngulun.

NANI UBUR 36:8

Ideh irau ku akan luk petap rat ruma'Mu. Iko maré luk rupendeh ratnan abpa'Mu luk do'.

NANI UBUR 84:11

Tuhan ineh utap kai idi raca' kai luk rayeh, Ieh ngedita' nekai idi ngeperuan nekai dengan éi'. Na Ieh ara' maré luk do' kuan lemulun luk nganau' luk matu.

DANIEL 6:22

Allah nengecuk melaikatneh neniep tang balang ineh, pad ideh na ngaté negku. Ieh nenganau' kudeng ineh ngaceku Ieh kali' negku na mesala', idi ngaceku ui na mesala' pa kiungmu. O raca'.”

MIKA 7:7

Iamo' ui ini miak nginulat Tuhan Dengan merapet ui miak nginulat Allah luk miak ngulun negku. Allahku miak ninger sembayangku.

MALAKI 3:10

Do' nguit amung babpat pulu' muyuh amé' bang Ruma' Allah pad inan akan bang Ruma'Ku. Nutun Negku, pad muyuh kali' Negku ngukab tanga' langit idi ngutang peruan kuan muyuh dengan mela.

MATIUS 6:32

Lun pupu baken pana' nakap amung ineh, idi Taman muyuh luk bang surga meluun kali' amung ineh inan ulek kuan muyuh.

YAHYA 20:17

Idi kebala Yésus neneh, “Aleg iko ngakem Negku, ngaceku nateh Ui numak iné' inan TamanKu, iamo' amé' iko inan amung-amung kinanakKu, idi mala kuandeh, ‘Ui umak amé' inan TamanKu idi Taman muyuh, idi inan TuhanKu idi Tuhan muyuh.’ ”

YAHYA 20:27

Idi Ieh nepebala ni Tomas, “Ngerareng bua' ticu'mu su ini idi nier paladKu, idi natang ticu'mu idi ngerareng neneh bang sigarangKu, idi aleg iko merapang, iamo' manu.”

SURAT LUK BIRE PAULUS KUAN LUN RUM 1:8

Pun-pun ui maré ubur kuan Allahku bang Yésus Keristus ratnan amung-amung muyuh, ngaceku anu muyuh pangeh bida' aput tana' ini.

SURAT LUK BIRE PAULUS KUAN LUN RUM 11:33

Kudeng apeh kirayehneh, ieh ineh do' idi ileh idi luk kali' Allah! Idéké miak ngelio luk uenNeh mutut. Idéké luk kali' luk ruenNeh?

SURAT LUK BIRE PAULUS KUAN LUN RUM 2:4

Idi inanké iko ngebeneh katuNeh luk rayeh idi ulai niatNeh idi kadang niatNeh? Naké iko kali' ratnan katu Allah ineh ngeruid namu pad iko uren?

SURAT LUK BIRE PAULUS KUAN LUN RUM 8:18

Ui ngerawé, idi dereh luk bang kareb ini na miak uen maad dengan rayeh luk uen ngelio kuan tau muci.

SURAT LUK BIRE PAULUS KUAN LUN RUM 9:23

Ieh pian ngegala' rayehNeh luk mela luk inutang kuan tau luk inanNeh méi', luk tinina' pad ngalap rayehNeh ineh.

2 KORINTUS 12:21

Ui merapang, kareb ui macing teh Tuhanku ngebeneh negku pa kiung muyuh, pad ui mesusa' niat ngaceku mula' lemulun luk pangeh mesala' atun, idi luk nateh nuren ratnan luk melutak, pasét, idi sawa' luk inau'deh ineh.

2 KORINTUS 4:17

Idi susa' kai luk meran idi segageh mo', nguit nekai macing nan ubur luk meluun rayeh idi meruked,

EPESUS 1:18

Ui mutuh Tuhan ngukab terawé muyuh pad muyuh miak nier rasatNeh, idi pad muyuh kali' anunké rapet ineh luk inan muyuh tinawarNeh, idi kudeng apeh do' amung peruan luk rayeh ineh luk pinaji'Neh kuan amung-amung lun manu;

EPESUS 1:7

Ngaceku ratnan dara' Keristus tau pangeh inuli', ieh ineh Allah maré do' ratnan amung-amung sala', maya' katuNeh luk mela ineh,

EPESUS 2:7

Allah nenganau' ini pelé ngegala' macing ruked-ruked, katuNeh luk pelaba rayeh, ieh ineh awaNeh luk ginala' kuan tau bang Keristus Yésus.

EPESUS 3:16

Idi ui mutuh pad Ieh maré kuan muyuh ratnan rayehNeh luk mela, lalud ratnan RohNeh luk nganau' nemuyuh metueh bang niat muyuh,

EPESUS 3:8

Idi kuanku ini luk pelaba dat rat arang amung-amung lun manu, katu ineh pangeh biré pad ui miak mada' Bala luk Do' kuan lun pupu baken ratnan do' Keristus luk na kekipedneh,

PILIPI 4:7

Idi awang ratnan Allah luk meluun rayeh ratnan amung-amung ileh lemulun miak matar niat muyuh idi terawé muyuh bang Yésus Keristus.

KOLOSE 1:27

Idi kuan lemulun ineh Allah sikal maré kali' kudeng apeh do'neh, rayeh luk inalum ineh kuan lemulun luk na maya': ieh ineh Keristus luk bang nemuyuh, Keristus luk inan merapet ngalap rayeh.

KOLOSE 3:16

Idi do' bala Keristus ineh tudo bang nemuyuh dengan mela, dengan amung-amung ileh. Idi mada' idi periteteng arang muyuh sebuleng, dengan nani ubur idi ubur-ubur idi nani luk ratnan Roh. Idi do' menani dengan maré ubur kuan Allah bang niat muyuh.

1 TESALONIKA 2:12

Kai nengetueh anu muyuh, kai nengubuk nemuyuh, idi kai nengecuk nemuyuh mulun maya' pian Allah luk nawar nemuyuh semuet bang ImetNeh idi rayehNeh teh.

1 TIMOTIUS 6:17

Do' mada' kuan amung-amung lemulun luk lun do' bang tana' ini, pad ideh na medita' niat, idi aleg ideh merapet ku binaweh luk na meruked ineh. Iamo' do' ideh merapet inan Allah luk maré anun-anun kuan tau dengan mela pad niat tau mawang.

PILIMON 1:4

Idi ui megéi' maré ubur kuan Tuhanku idi neten ngadanmu bang amung-amung sembayangku,

1 PETRUS 5:1

Idi kuan amung lun rayeh sidang luk arang muyuh, ini aceh bada'ku, ngaceku ui pana' seburur lun rayeh teh, idi ui mangun ku lun luk nekali' ratnan dereh Keristus, idi teh ui miak ngalap babpat rayeh luk miak uen ngegala'.

1 PETRUS 5:10

Idi Allah, lawa amung-amung katu, luk pangeh nenawar nemuyuh semuet bang rayehNeh luk meruked bang Keristus, kareb muyuh pangeh nengalap dereh bang segageh mo', idi Ieh luk miak ngeligan nemuyuh idi ngeraben nemuyuh idi ngetueh nemuyuh pana'.