PILIPI 4:14 - BALA LUK DO'

¹⁴ Iamo' muyuh pangeh nenganau' luk do' idi nengedengan negku bang derehku.

PILIPI 4:14 Iomraidhean Croise

RACA'-RACA' LUK PUN-PUN 8:18

Iamo' kebala Tuhan ni Daud, ‘Idi iko sikal mudut aceh Ruma' kuanKu. Idi terawému ineh do'.

INUL LUK KEDUEH 6:8

iamo' kebala Tuhan neneh, “Petulu terawému ratnan mudut aceh ruma' kuanKu,

MATIUS 25:21

Idi tuanneh nepebala neneh, ‘Do' luk inau'mu, O demulun luk do' idi lutep niat. Iko pangeh nelutep ratnan luk isuut, pad ui sikal nganau' namu ngimet luk mula'. Do' iko ngalap awang pad-pad denganku.

SURAT LUK BIRE PAULUS KUAN LUN RUM 15:27

Niatdeh sebuleng sigio pian nganau' ineh. Setuneh petulu ideh ngedengan kinanak-kinanak luk masi' ineh, ngaceku lun Yahudi pangeh nengacing peruan kuan lun pupu baken. Idi petulu lun pupu baken ineh ngasa' nelun Yahudi ineh dengan binawehdeh.

GALATIA 6:6

Do' lemulun luk badén ku bada' Kristen maré babpat binawehneh kuan lemulun luk mada' neneh.

PILIPI 1:7

Ui megéi' ngerawé nemuyuh, idi petulu ui inan terawé luk kudeng ineh ratnan muyuh. Ngaceku amung muyuh ngalap babpat pad-pad denganku, do' kareb ui kiling idi teh kareb ui mepuit, pad ui miak ngeletep idi ngasa' Bala luk Do' ineh.

PILIPI 4:18

Ui pangeh nengalap amung-amung ineh, idi teh, meluun ratnan luk petap. Idi ui pangeh nengalap mela ngaceku ui nengalap rat ni Epaproditus amung baré muyuh. Baré ineh mangun ku aceh buen luk do' idi baré luk pian idi luk petulu dengan Allah.

1 TIMOTIUS 6:18

Ngecuk nedeh nganau' luk do', pad kekamendeh luk do' ineh amé' mula'. Dengan méi' idi mekatu do' ideh maré kuan lun baken.

IBERANI 10:33

Rabpu'-rabpu' muyuh inan situnga pa kiung lun mula' idi pidereh, idi rabpu'-rabpu' muyuh perurum nelun luk pidereh kudeng ineh.

IBERANI 10:34

Ngaceku muyuh pidereh dengan lemulun luk tinutup, idi dengan awang nait muyuh, muyuh nima' binaweh muyuh pinawen lemulun, ngaceku muyuh kali' inan binaweh luk meluun do' idi luk meruked teh.

IBERANI 13:16

Idi aleg muyuh mekelupan nganau' luk do' idi méi' nelun, ngaceku baré luk kudeng ineh luk pian Allah.

BALA LUK LINIO 1:9

Ui ini Yahya, kinanak muyuh. Idi bang Yésus ui ngalap babpat dengan muyuh bang susa', idi bang ImetNeh. Idi dengan muyuh ui tuman bang dereh. Ui pangeh tila' déi' Pulau Patmos, ngaceku ui nemada' bala Allah idi bada' luk matu luk linio Yésus.