PILIPI 4:1 - BALA LUK DO'

¹ Ngaceku ineh, O kinanak-kinanakku luk inanku mawa, idi luk inanku geregan, idi luk mangun ku awangku idi pataku, idi bang luk kudeng ineh do' muyuh lutep bang Tuhan, O luk inanku mawa.

PILIPI 4:1 Iomraidhean Croise

AYUB 31:36

amung ineh mangun ku banéku pad ineh siren lun baken.

NANI UBUR 125:1

Lemulun luk merapet inan Tuhan mepad kudeng Pegkung Sion, luk na miak megio idi bebuen.

NANI UBUR 27:14

Merapet inan Tuhan! Manu idi aleg merapang. Merapet inan Tuhan!

MATIUS 10:22

Muyuh miak inan amung-amung lemulun megateh ngaceku ngadanKu; iamo' lemulun luk tuman pad macing kekipedneh uen ngulun.

YAHYA 8:31

Idi kebala Yésus nelun Yahudi luk manu Neneh, “Kudeng muyuh maya' balaKu, idi dengan matu muyuh mangun ku anak-anak sekola'ku,

KEKAMEN RASUL-RASUL 11:23

Kareb ieh nacing idi nenier katu Allah, idi ieh mawang niat peh, idi ieh nemada' amung-amungdeh pad niatdeh lutep maya' Tuhan.

KEKAMEN RASUL-RASUL 14:22

Didueh nengepicet anu lun manu ineh, idi nengecuk nedeh lutep bang anu, kebala didueh, “Idi na miak na tau medereh semuet bang Imet Allah.”

KEKAMEN RASUL-RASUL 2:42

Idi ideh pana' lutep ninger bada' rasul-rasul idi ideh perurum seburur dengan seburur, pamung kuman, idi sembayang teh.

SURAT LUK BIRE PAULUS KUAN LUN RUM 2:7

Allah miak maré ulun luk meruked kuan lemulun luk megéi' nganau' luk do' idi luk nakap rayeh dengan ubur idi ulun luk na miak melu.

1 KORINTUS 15:58

Ngaceku ineh, O kinanak-kinanakku luk inanku mawa, do' muyuh lutep dengan na sigio, idi megéi' bang kekamen Tuhan, ngaceku muyuh kali' idi kél muyuh na mo'-mo' bang Tuhan.

1 KORINTUS 16:13

Kekipedneh, matar do'-do', idi tuped meraben bang anu muyuh. Do' muyuh mekuu' idi metueh.

GALATIA 5:1

Nekini tau mepuit, ngaceku Keristus pangeh nemuit netau. Ngaceku ineh do' tau tuped meraben, idi aleg muyuh mangun ku demulun sekua' teh.

PILIPI 1:27

Iamo' do' ulun muyuh petulu dengan Bala luk Do' luk ratnan Keristus, do' kareb ui macing ngikak nemuyuh idi kareb ui mado pana', pad ui miak ninger ratnan muyuh tuped meraben dengan sebuleng niat idi sebuleng terawé, idi pad-pad pebunu', pelé ngacing anu ku Bala luk Do' ineh.

PILIPI 1:8

Allah kali' ratnan ui sikal papu' nemuyuh dengan éi' Yésus Keristus.

PILIPI 2:16

kareb muyuh nicul bala luk maré ulun, pad ui mawang niat ku muyuh kareb Aco Keristus, ngaceku kekamenku na mo'-mo', idi erurku pana' na mo'-mo' teh.

PILIPI 2:26

Ieh pelaba pian papu' nemuyuh, idi ieh mesusa' niat teh ngaceku muyuh pangeh neninger idi ieh mét.

KOLOSE 4:12

Tabi' kuan muyuh rat ni Epapras luk pamung sebawang dengan muyuh, ieh ineh demulun Keristus Yésus. Ieh mekél sembayang kuan muyuh, pad muyuh lutep idi tuped meraben-bang Keristus dengan anu luk meriput, idi pad muyuk miak maya' amung-amung luk pian Allah.

1 TESALONIKA 3:13

Dengan luk kudeng ineh Ieh miak ngepicet niat muyuh, pad muyuh meligan dengan na melutak idi na mesala' pa kiung Allah, Taman tau, kareb acing Tuhan tau Yésus dengan amung-amung lun manu.

2 TESALONIKA 2:15

Ngaceku ineh, O kinanak-kinanakku, do' muyuh tuped meraben, idi ngimet amung-amung bada' luk pangeh bida' kuan muyuh, do' dengan bala idi surat kai pana'.

2 TIMOTIUS 2:1

Ratnan iko ini, O anakku, do' iko metueh bang katu luk bang Keristus Yésus.

IBERANI 10:23

Do' tau ngimet meraben amo rapet tau dengan na merapang, ngaceku Allah ine lutep maya' jani'.

IBERANI 3:14

Ngaceku tau pangeh nengalap babpat bang Keristus kudeng tau ngimet meraben rapet luk pun-pun ineh pad macing kekipedneh.

IBERANI 4:14

Ngaceku ineh, do' tau ngimet amo anu ineh. Ngaceku tau inan Imam Rayeh luk pangeh nengelaba langit, ieh ineh Yésus, Anak Allah.

2 PETRUS 3:17

Iamo' muyuh ini, O luk inanku mawa, kali' ratnan amung-amung ini. Matar do'-do', pad muyuh na manud ngaceku raruh lemulun luk dat ineh, idi pad muyuh na mebpeh ratnan ulun muyuh luk lutep ineh.