PILIPI 3:9 - BALA LUK DO'

⁹ pelé ui mangun ku sebuleng denganNeh, baken dengan luk matu ratnan bururku sebuleng idi ratnan Ukum teh, iamo' dengan luk matu ineh luk nacing ngaceku anu inan Keristus, ieh ineh luk matu ratnan Allah ngaceku manu.

PILIPI 3:9 Iomraidhean Croise

PUDUT 7:23

Idi Tuhan nengaté amung-amung pudut luk inan niat luun tana', do' lemulun, pung, idi suit pana'. Iamo' Noh dengan amung-amungdeh luk denganneh bang alud ineh mo' luk mulun.

RACA'-RACA' LUK PUN-PUN 8:46

“Kareb pupuMu mesala' Namu — idi seburur pana' nateh luk na sala' — idi Iko museh nedeh, pad Iko maré nedeh bang palad bunu'deh, pelé ideh tebanen amé' bang bawang baken, sagan tu pana mado,

INUL LUK KEDUEH 32:25

Iamo' Hesekia na nengua' do' luk pangeh inau' Tuhan kuanneh, ngaceku ieh medita' niat. Ngaceku ineh useh luk meluun rayeh macing neneh idi kuan Yahuda idi lun bang bawang Yerusalim pana'.

INUL LUK KEDUEH 32:31

Idi kareb lun luk icuk raca' Babil nacing, pelé ngitun ratnan lawé tanu' luk inan mawa luk pangehm mangun bang bawang ineh, idi Allah nenima' ni Hesekia, pian nutun neneh, pelé Ieh kali' amung-amung luk bang niatneh.

NANI UBUR 14:3

Iamo' amung-amungdeh pangeh neraruh, idi mepad dat. Seburur pana' nateh luk do'.

NANI UBUR 143:2

Aleg nguit negku amé' bang besara', ngaceku seburur pana' nateh matu pa kiungMu.

NANI UBUR 19:12

Seburur pana' na miak miti sala'neh sebuleng; muit negku ratnan sala' luk inalum!

LUN LUK MADA' 7:20

Seburur pana' nateh luun tana' ini luk megéi' nganau' luk matu dengan na tu-tu nganau' sala'.

YESAYA 46:13

Na mio teh Ui ngacing aco tuehKu. TuehKu na miak uen ngiuk. Ui miak ngulun Yerusalim idi teh ngerayeh Israil su ineh.”

YESAYA 53:11

Pangeh derehNeh, Ieh ngalap awang teh pad Ieh kali' derehNeh ineh inan ulek. Ieh ineh DemulunKu luk matu, Ieh kumin kuan lun mula', pad ideh mangun ku pupuKu luk matu.

YESAYA 53:6

Amung tau mepad kudeng dumba luk neraruh ngaceku tau nemaya' pian tau sebuleng. Idi Tuhan nengacing kuanNeh, ukum luk petulu lapen tau.

YESAYA 6:5

Kebalaku, “Ui na inan rapet! Ui miak kumin! Amung bala luk lemaba bibir tangku mesala', idi ui tudo arang aceh pupu luk megéi pebala luk mesala'. Idi nekini dengan matehku sebuleng ui pangeh nenier Raca', ieh ineh Tuhan luk Melalud!”

YEREMIA 23:6

Kareb Ieh mangun ku raca', pupu Yahuda miak do' udeng idi lun Israil na inan bunu'. Ideh miak neten raca' ineh ‘Tuhan Pangeh Nengulun Netau.’

YEREMIA 33:16

Kareb ineh pupu Yahuda miak uen ngulun idi lun Yerusalim miak do' udeng. Ngadan luk baréndeh kuan pupudeh idi bawangdeh, ieh ineh, ‘Tuhan pangeh nengulun netau.’

DANIEL 9:24

“Allah pangeh nengeletep tudu' kua' tudu' ngepulu' lak, pad pupumu idi bawangmu luk meligan miak mangeh amung-amung dat idi sala-deh. Pangeh ineh ideh miak ngalap do' ratnan sala'deh, idi luk matu luk meruked miak uen ngeletep, pad luk sinier ineh idi bada' luk biré ineh miak mangun, idi Ruma' Allah luk meligan miak uen ngeligan.

MATIUS 9:13

Iamo' do' muyuh amé' ngelio ilung bala ini, ‘Idi luk pianKu ineh éi', baken pung luk kereten.’ Ngaceku baken Ui macing nawar lemulun luk matu, iamo' lemulun luk mesala'.”

SURAT LUK BIRE PAULUS KUAN LUN RUM 1:17

Ngaceku bang Bala luk Do' ineh, Allah ngelio ratnan lemulun ruen matu ngaceku anu rat punneh macing kekipedneh; maya' kudeng luk pangeh inayud, “Idi lemulun luk matu ineh miak mulun ngaceku anu.”

SURAT LUK BIRE PAULUS KUAN LUN RUM 10:10

Tau manu bang niat tau pad tau ruen matu, iamo' tau ngamo dengan tang tau pad ngalap ulun luk meruked.

SURAT LUK BIRE PAULUS KUAN LUN RUM 16:7

Tabi' kuan Andronikus idi Yunias, pupuku lun Yahudi idi lun denganku bang tutup, luk buren rat arang rasul-rasul, idi luk atun rat negku manu inan Keristus.

SURAT LUK BIRE PAULUS KUAN LUN RUM 5:21

Mepad kudeng sala' mangun ku raca' bang até, kudeng ineh teh katu Allah miak mangun ku raca' ratnan luk matu macing inan ulun luk meruked, ngaceku Yésus Keristus Tuhan tau.

SURAT LUK BIRE PAULUS KUAN LUN RUM 8:1

Nekini na luk idi ukum kuan lemulun luk bang Keristus Yésus.

SURAT LUK BIRE PAULUS KUAN LUN RUM 8:3

Ukum ineh na miak ngagka' sala', ngaceku pinian burur lemulun luk melaya', iamo' Allah pangeh nengecuk AnakNeh sebuleng dengan ayu lemulun luk mesala' mangun ku baré ngaceku sala' ineh, pad ngukum sala' bang pinian burur.

1 KORINTUS 1:30

Iamo' dengan peruan ratnan Allah, muyuh ini perurum dengan Keristus Yésus, luk pangeh mangun ku ileh kuan tau ratnan Allah. Ieh nganau' netau matu, idi ngeligan idi nguli' netau.

2 KORINTUS 5:17

Kareb selemulun mulun bang Keristus, idi ieh ineh aceh pudut luk mebaruh, idi amung-amung luk mon ineh pangeh tila', idi amung-amung luk mebaruh pangeh nacing.

2 KORINTUS 5:21

Keristus na mesala', iamo' Allah nenganau' Neneh mangun ku sala' ngaceku tau, pad tau ini ruen Allah matu bang Keristus ineh.

GALATIA 2:16

Iamo' kai kali' idi lemulun ruen matu ngaceku manu inan Yésus Keristus, baken ngaceku maya' Ukum. Kai pana' pangeh manu inan Keristus Yésus, pad kai ruen matu ngaceku anu kai nan Keristus, baken ngaceku maya' Ukum. Ngaceku seburur pana' nateh luk ruen matu ngaceku maya' Ukum.

BADA' RATNAN UKUM 27:26

“ ‘Kediman kuan lun luk na maya' amung bala idi bada' ini.’ Idi lun mula' ineh miak pebala, ‘Mo.’

PILIPI 3:6

Idi ui mekél pad ui megéi' nengedereh sidang, idi ratnan luk matu bang Ukum ui na mesala'.

2 TIMOTIUS 1:9

Allah nengulun netau idi nenawar netau mangun ku pupuNeh, baken maya' kekamen tau, iamo' maya' pianNeh sebuleng idi katu luk biréNeh kuan tau atun bang Keristus Yésus rat kareb luk pun-pun.

TITUS 3:5

Ieh nengulun netau. Baken ngaceku ratnan kekamen luk do' luk inau' tau, iamo' ngaceku éi'Neh. Ieh nengulun netau ku baru' Roh Meligan luk nguit netau tinganak mebaruh, pad ngalap ulun luk mebaruh.

IBERANI 6:18

Ngaceku ineh, inan dueh punneh luk na misu', idi Allah na mebalih ratnan ineh. Idi tau luk paneh nengalap ulun bang Neneh, miak ngalap kuu', pad tau ngimet meraben rapet ineh luk pangeh rireng pa kiung tau.

YAKUB 3:2

Amung-amung tau megéi' mepesala' ku bala tau. Kudeng seburur lemulun na mepesala' ku balaneh, ieh ineh selemulun luk meriput idi luk miak ngimet amung bururneh.

2 PETRUS 1:1

Rat ni Simun Pétrus, demulun idi rasul Yésus Keristus— Kuan lemulun luk pangeh nengalap anu, luk mepad letep dengan anu kai, ngaceku siri Allah, Tuhan tau, idi Yésus Keristus Lun Nengulun:

1 YAHYA 3:4

Idé-idé luk nganau' sala', ieh pana' ngelaba ukum Allah ngaceku sala' ineh, ieh ineh ngelaba ukum.