PILIPI 3:8 - BALA LUK DO'

⁸ Idi meluun teh, bang terawéku, luk amung-amung miak mangun ku rugi' kuanku ngaceku luk pelaba raga ini, ieh ineh pad ui miak miti Keristus Yésus Tuhanku. Idi ngaceku Keristus ui pangeh nenala' luk amung-amung. Idi amung-amung ineh ui mala mangun ku arap, pad Keristus mangun ku peruanku,

PILIPI 3:8 Iomraidhean Croise

RACA'-RACA' LUK PUN-PUN 14:10

Ngaceku ineh Ui ngacing dereh muci kuan imetmu, pad Ui ngaté amung inulmu luk deléi, do' luk mengered idi luk anak adi' pana'. Ui pian nala' amung uang tetek ruma'mu mepad kudeng lun nala' téi'.

RACA'-RACA' LUK KEDUEH 9:37

Idi butung Isabel ineh mangun ku rimuk tana' luun tana' Yesril, pad na lun mala, Su ini tanem Isabel.’ ”

AYUB 20:7

ieh mepalid ku bui mepad kudeng abuh. Lemulun luk pekalai neneh miak ngitun, “Iapehké ulekneh?”

NANI UBUR 126:6

Lemulun luk nenangi' kareb ideh nenguit pemaradeh, miak lemubed idi menani dengan mawang niat, nguit peranihdeh.

NANI UBUR 73:25

Iko sebuleng luk kuanku déi' surga, idi luk pianku bang tana'.

YESAYA 53:11

Pangeh derehNeh, Ieh ngalap awang teh pad Ieh kali' derehNeh ineh inan ulek. Ieh ineh DemulunKu luk matu, Ieh kumin kuan lun mula', pad ideh mangun ku pupuKu luk matu.

MALAKI 2:3

Ui miak mada' dat anak-anak muyuh, idi ngelusi amung téi' pung luk barén muyuh luun kiung muyuh, idi Ui miak nala' nemuyuh dengan téi' ineh,

IAP 14:30

na tu-tu muyuh miak semuet bang bawang luk pangeh pijani'Ku nemuyuh, iamo' Kaleb Yepuneh idi Yusak Nun luk miak semuet mo'.

LUKAS 1:43

Kudeng apehké peruan ini mangun kuanku, pad tinan Tuhanku iné' ngikak negku?

LUKAS 11:20

Na! Dengan lalud Allah Ui nala' ada dengan ticu' Allah. Ieh ineh luk ngegala' ratnan Imet Allah pangeh nacing nemuyuh.

YAHYA 14:20

Kareb aco ineh teh muyuh miak kali' idi Ui ini bang TamanKu, idi muyuh pana' bang Negku, idi Ui pana' bang nemuyuh.

YAHYA 14:7

Muyuh pangeh nengiti Negku. Idi muyuh miak ngiti TamanKu teh. Idi rat kareb ini muyuh miti Neneh, idi teh muyuh pangeh nenier Neneh.”

YAHYA 16:3

Amung-amung ini miak ruendeh, ngaceku na ideh miti Taman idi Ui teh.

YAHYA 17:3

Ini ulun luk meruked, ieh ineh pad ideh miti Namu, Allah luk Sebuleng idi matu, idi Yésus Keristus luk Iko nengecuk ineh.

YAHYA 17:8

Ui nemaré kuandeh bala luk bilaMu Negku, idi ideh pangeh nengalap ineh. Ideh nekali' dengan matu idi Ui nacing rat Namu. Idi teh ideh manu ratnan Iko luk nengecuk Negku.

YAHYA 20:13

Idi kebala didueh ni Mariam, “O decur, anunké punneh iko nangi'?” Idi keburi' Mariam nedidueh, “Ngaceku lemulun pangeh nengalap Tuhanku, idi ui na kali' iapeh inandeh nengerareng Neneh.”

YAHYA 20:28

Idi kebala Tomas Neneh, “O Allah, O Tuhanku!”

KEKAMEN RASUL-RASUL 20:24

Iamo' na tu ui ngerawé niatku inan raga kuan bururku sebuleng, kudeng ui miak ngeriput luk ruenku, idi mangeh kekamenku luk ilapku ratnan Tuhan Yésus, ieh ineh pad ui mada' Bala luk Do' ratnan katu Allah.

SURAT LUK BIRE PAULUS KUAN LUN RUM 8:18

Ui ngerawé, idi dereh luk bang kareb ini na miak uen maad dengan rayeh luk uen ngelio kuan tau muci.

SURAT LUK BIRE PAULUS KUAN LUN RUM 8:39

lalud luk pa luun, idi lalud luk pa liang, idi anun-anun luk pinudut pana', na miak matad netau ratnan awa Allah luk bang Keristus Yésus Tuhan tau.

1 KORINTUS 2:2

Ngaceku, ui pangeh nengerawé kudeng ini, laba' ui tudo arang muyuh, ui pian kelupan amung-amung luk baken, idi ngerawé ratnan Yésus Keristus sebuleng, idi meluun teh, ateNeh luun kayuh salib ineh.

1 KORINTUS 9:10

Naké Ieh pebala ngaceku tau? Matu bala ini pangeh inayud kuan tau. Do' lemulun luk ngeradu idi lemulun luk rumik ineh ngakem dengan merapet miak ngalap babpat uli' ratnan lati'deh.

2 KORINTUS 4:4

Idi raca' tana' ini pangeh nengebuser mateh niat lemulun luk na manu ineh, pad ideh na miak macang ku acang Bala luk Do' ratnan rasat Keristus, ieh ineh ayun Allah.

2 KORINTUS 4:6

Allah luk pangeh nepebala, “Do' acang ineh merasat rat bang dacem,” Ieh ineh teh luk merasat bang niat kai, pad ngacang netau ku ileh ratnan rayeh Allah luk merasat nan kiung Yésus Keristus.

GALATIA 1:16

ngegala' AnakNeh ineh bang negku, pelé ui miak mada' Bala luk Do' ratnan Ieh arang lun pupu baken, idi kareb ineh teh ui na pegayam dengan seburur pana',

EPESUS 4:13

Kudeng ineh teh amung-amung tau macing inan sebuleng rurum bang anu idi ileh ratnan Anak Allah. Tau mangun ku lun merar luk iuk-iuk amé' meriput petulu dengan rayeh Keristus.

PILIPI 1:1

Rat ni Paulus idi rat ni Timotius, demulun Keristus Yésus — Kuan amung-amung lun manu bang Keristus Yésus déi' bawang Pilipi, idi kuan amung-amung lun matar sidang idi lun ngasa' sidang teh:

PILIPI 3:10

Luk pianku, ieh ineh ngiti Neneh idi kali' lalud tuiNeh ineh idi rurum bang derehNeh ineh, idi mangun mepad denganNeh bang atéNeh,

PILIPI 3:12

Baken ayu-ayuneh ui pangeh nacing, idi pangeh mangun meriput; iamo' ui mekél matun Neneh, pad ui miak ngimet meraben mepad kudeng ui pangeh inimet Keristus Yésus.

PILIPI 3:7

Iamo' anun-anun luk pangeh mangun ku peruan kuanku atun, ineh teh luk belénku mangun ku rugi' ngaceku Keristus.

2 TIMOTIUS 4:6

Ui miak barén idi tarekku pangeh nacing.

IBERANI 3:14

Ngaceku tau pangeh nengalap babpat bang Keristus kudeng tau ngimet meraben rapet luk pun-pun ineh pad macing kekipedneh.

1 PETRUS 2:7

Batu ineh inan ulek luk rayeh kuan muyuh luk manu, iamo' kuan lemulun luk na manu: “Batu luk pangeh tila' lun luk mudut ruma' ineh, pangeh mangun ku Batu Lidung.”

2 PETRUS 1:2

Do' katu idi awang amé'-amé' mula' kuan muyuh, ngaceku muyuh ngiti Allah idi Yésus Tuhan tau.

2 PETRUS 1:3

Amung-amung luk inan ulek kuan ulun luk meligan pangeh biré kuan tau ngaceku lalud Tuhan, ngaceku tau kali' Neneh lu pangeh nenawar netau dengan rayeh idi do'Neh sebuleng.

2 PETRUS 1:8

Kudeng bua' ini idi bang nemuyuh dengan mela, idi ineh luk ngedengan nemuyuh, pad muyuh mekél idi kebua' bang ileh ratnan Tuhan tau Yésus Keristus.

2 PETRUS 3:18

Iamo' do' muyuh temubu' bang katu idi ileh ratnan Tuhan tau Yésus Keristus, Lun Nengulun. Idi rayeh kuanNeh, do' nekini idi ruked-ruked pana'. Amin.

1 YAHYA 1:3

Anun-anun luk pangeh sinier idi pindenger kai, kai mada' teh kuan muyuh, pad muyuh pana' miak perurum dengan kai; setuneh rurum kai ini inan pad-pad dengan Taman idi dengan Yésus Keristus, AnakNeh ineh.

1 YAHYA 2:19

Lemulun ineh pangeh neremuat rat arang tau, ngaceku baken ideh rat netau; ngaceku kudeng ideh rat netau, kali' rungen ideh na miak na lutep pad-pad dengan tau. Iamo' ideh pangeh neremuat, pad megala' ratnan pundeh baken rat netau.

1 YAHYA 5:20

Tau kali' Anak Allah pangeh nacing idi pangeh nemaré ileh kuan tau pad tau miak ngiti Allah luk matu; idi tau ini idi bang Allah luk matu, ieh ineh bang AnakNeh, Yésus Keristus. Idi Ieh ineh Allah luk matu, idi ieh ineh ulun luk meruked.