PILIPI 3:5 - BALA LUK DO'

⁵ Ui pangeh sinunat kareb aceh minggu ulunku. Ui ini lun Israil, ratnan babpat lun Beniamin. Idi ui ini lun Iberani idi inul lun Iberani pana'. Ratnan Ukum lun Yahudi ui ini lun Parisi.

PILIPI 3:5 Iomraidhean Croise

PUDUT 14:13

Idi seburur lun luk nepuit nupun nemada' bala ineh ni Abram, lun Iberani ineh, luk tudo muneng ku lawa kayuh Mamré luk meraben. Mamré ineh seburur lun Amori, luk kinanak Eskol idi Aner, ieh ineh lun luk megéi' ngedengan ni Abram.

PUDUT 40:15

Ngaceku ui ini tiban lemulun rat bang bawang lun Iberani. Idi tungé' pana' na ui nenganau' anun-anun luk inandeh nenutup negku bang tutup ini.”

PUDUT 41:12

Idi seburur anak adi' lun Iberani idi dengan kai dueh, ieh ineh demulun lun rayeh lun luk nginita raca'. Idi kai dueh nemada' nupi kai dueh neneh. Idi ieh nemada' ilungneh kuan kai dueh.

YUNUS 1:9

Idi keburi' Yunus, “Ui ini lun Iberani, ui sembayang inan Tuhan Allah déi' Surga, luk nenganau' abpa' idi tana'.”

LUKAS 1:59

Idi aco luk kewaluh idi selemulun nacing nunat anak ineh, idi sikal nganau' ngadanneh Sekaria maya' ngadan tamanneh.

LUKAS 2:21

Pangeh ualuh aco kareb anak ineh miak uen nunat, idi ideh nemaré ngadan Yésus Neneh, maya' kudeng luk bila melaikat, kareb nateh Ieh nangun bang nakan.

LUKAS 5:38

Na! Abpa' anggur luk mebaruh meluun do' ruen bang seréi' kubil luk mebaruh!

KEKAMEN RASUL-RASUL 22:3

“Ui ini lun Yahudi, luk tinganak déi' Tarsus luk bang bawang Kilikia, iamo' ui inasuh tungé' Yerusalim, idi ui anak sekola' Gamalil luk bida'neh maya' Ukum tepun tau dengan matu. Idi ui mepicet manu inan Allah, mepad kudeng muyuh aco sini teh.

KEKAMEN RASUL-RASUL 23:6

Iamo' kareb Paulus nekali' idi sebuang lemulun ineh lun Saduki, idi luk baken ineh lun Parisi, idi ieh nengitang bang tebubpun ineh, kebalaneh, “O kinanak-kinanakku, ui ini lun Parisi idi anak lun Parisi. Ngaceku rapet idi tui lun naté ui ini tinutun bang besara'.”

KEKAMEN RASUL-RASUL 6:1

Na mio teh kareb anak-anak sekola' Yésus iuk amé' mula', idi lun Yahudi rat bawang Grika ngedureng nelun Yahudi ngaceku decur tinula'deh na ngalap babpat usin anid-anid aco.

SURAT LUK BIRE PAULUS KUAN LUN RUM 11:1

Idi ui ngitun, “Pangehké Allah nenala' pupuNeh ineh?” Na tu-tu! Ngaceku ui ini lun Israil teh, luk inul Ibrahim, ratnan inul Beniamin.

2 KORINTUS 11:22

Ideh lun Iberaniké? Ui pana' kudeng ineh teh. Ideh lun Israilké? Ui pana' kudeng ineh teh. Ideh inul Ibrahimké? Ui pana' kudeng ineh teh.

SEMUIL LUK PUN-PUN 4:6

Idi udub ineh pindenger lun Pilistin, idi kebaladeh, “Udub anun luk arang baweh lun Iberani ineh?” Idi ideh kali' Pati' Pejani' Tuhan pangeh nacing su luk inan lun Iberani nelupo.