PILIPI 3:3 - BALA LUK DO'

³ Ngaceku tau ini sunat luk matu, idi tau luk sembayang inan Allah dengan Roh, idi mawang niat dengan ulun tau bang Keristus Yésus, idi na merapet ku anun-anun luk ratnan burur.

PILIPI 3:3 Iomraidhean Croise

NANI UBUR 105:3

Do' tau mawang niat ngaceku tau ini pupuNeh idi do' lemulun luk sembayang Neneh mawang niat.

YESAYA 45:25

Ui ini Tuhan miak ngulun amung inul Yakub, pelé ideh ngubur Negku.

YEREMIA 4:4

Aleg mekelupan jani' muyuh Negku, luk Tuhan muyuh, idi maré amung niat muyuh Negku, O muyuh lun Yahuda idi lun Yerusalim, pad usehKu na ngeseb nemuyuh mepad kudeng apui ngaceku dat luk pangeh inau' muyuh. Ngaceku seburur pana' na miak ngilep apui ineh.”

MALAKI 1:11

Aput-aput tana' lemulun ngerayeh Negku. Idi iapeh-iapeh pana' ideh ngeseb umau luk do' buen idi maré baré luk petulu kuanKu. Amung-amungdeh ngerayeh Negku!

SURAT LUK BIRE PAULUS KUAN LUN RUM 1:9

Ui ngakem kuan Allah dengan amung niatku dengan mada' Bala luk Do' ratnan AnakNeh. Idi Allah ineh miak ngegala' ratnan anun-anun luk bilaku matu. Allah kali' ratnan ui megéi' ngerawé nemuyuh

SURAT LUK BIRE PAULUS KUAN LUN RUM 15:17

Ngaceku ineh bang Keristus Yésus ui ngedita' bururku ratnan amung-amung luk ui nganau' ngaceku Allah.

SURAT LUK BIRE PAULUS KUAN LUN RUM 7:6

Iamo' nekini tau pangeh nepuit ratnan Ukum ineh, ieh ineh tau pangeh naté idi nepuit ratnan Ukum ineh luk pangeh nengabet netau, pad na maya' dalan ukum luk mon luk inayud mo', iamo' nekini Roh Allah miak nguyut netau maya' dalan Roh luk mebaruh.

SURAT LUK BIRE PAULUS KUAN LUN RUM 8:15

Ngaceku baken muyuh ngalap roh mangun ku demulun tot teh, iamo' muyuh pangeh nengalap Roh Allah mangun ku anak Allah, idi bang Roh ineh tau ngitang, “O Ama'! O Ama'!”

SURAT LUK BIRE PAULUS KUAN LUN RUM 8:39

lalud luk pa luun, idi lalud luk pa liang, idi anun-anun luk pinudut pana', na miak matad netau ratnan awa Allah luk bang Keristus Yésus Tuhan tau.

SURAT LUK BIRE PAULUS KUAN LUN RUM 9:6

Iamo' na ui mala jani' Allah na icing. Ngaceku baken amung-amung inul Israil ineh mangun ku pupu luk pinili' Allah.

2 KORINTUS 11:18

ngaceku mula' lemulun ngedita' bururdeh maya' terawé lemulun, idi ui pana' sikal ngedita' bururku.

GALATIA 5:25

Roh Meligan pangeh nemaré ulun kuan tau. Ngaceku ineh do' tau nima' Neneh ngimet ulun tau.

GALATIA 6:16

Do' awang idi éi' temuruh luun amung-amung lemulun luk maya' ukum ini, idi luun pupu Allah ineh.

EPESUS 6:18

Nganau' amung ineh dengan sembayang idi putuh. Megéi' sembayang dengan Roh. Ngaceku ineh, do' lutep idi aleg metalang niat. Megéi' sembayang kuan lun manu.

BADA' RATNAN UKUM 10:16

Ngaceku ineh do' muyuh maya' bala Tuhan, idi aleg muyuh metueh niat.

BADA' RATNAN UKUM 30:6

Idi Tuhan Allah muyuh pana' miak nunat niat muyuh idi niat amung anak inul muyuh, pelé muyuh méi' inan Tuhan Allah dengan amung niat muyuh, idi terawé muyuh, pad muyuh mulun.

PILIPI 1:1

Rat ni Paulus idi rat ni Timotius, demulun Keristus Yésus — Kuan amung-amung lun manu bang Keristus Yésus déi' bawang Pilipi, idi kuan amung-amung lun matar sidang idi lun ngasa' sidang teh:

PILIPI 3:12

Baken ayu-ayuneh ui pangeh nacing, idi pangeh mangun meriput; iamo' ui mekél matun Neneh, pad ui miak ngimet meraben mepad kudeng ui pangeh inimet Keristus Yésus.

PILIPI 3:14

Ui upun-upun amé' inan tanu' luk matun tabpar, ieh ineh tawar Allah luk déi' dita' bang Keristus Yésus.

KOLOSE 2:11

Idi dengan Keristus teh muyuh sinunat ku aceh sunat luk baken dengan ticu' lemulun, ieh ineh ku sunat Keristus luk muit nemuyuh ratnan burur luk mesala'.

YAHUDA 1:20

Iamo' muyuh ini, O luk inanku mawa, do' naped burur muyuh luun diri anu muyuh luk meligan, idi sembayang bang Roh Meligan.