PILIPI 3:21 - BALA LUK DO'

²¹ Ieh miak ngisu' ayu burur tau luk dat ini mangun kudeng ayu bururNeh luk merasat ineh, maya' mepad kudeng tuehNeh luk miak ngebeneh luk amung-amung pa liang imetNeh.

PILIPI 3:21 Iomraidhean Croise

NANI SELIMUN 1:11

Kai miak nganau' ratai amas kuanmu, dengan bané pirak.

YESAYA 25:8

Tuhan miak ngagka' até macing ruked-ruked! Ieh miak miid abpa' mateh amung-amung lemulun idi nala' igu' amung pupuNeh luk aput-aput tana'. Tuhan pangeh nepebala.

YESAYA 26:19

Pupu kai luk pangeh naté miak mulun baruh! Butungdeh miak muli' mulun! Amung lemulun luk rudap bang tanemdeh, miak tumui idi menani ku awang niatdeh! Mepad kudeng ipup ngeba' tana', kudeng ineh teh Tuhan miak nui lemulun luk naté mon.

HOSIA 13:14

Ui na pian muit pupu ini ratnan su luk inan até, idi ngulun nedeh ratnan lalud até ineh. O até, do' amé' nedeh dengan galihmu! O su luk inan até, do' amé' nedeh dengan usagmu! Na Ui méi' inan pupu ini.

MATIUS 17:2

Kareb diteluh nenier Yésus, idi ayuNeh nisu' pa kiung diteluh, idi kiungNeh merasat mepad kudeng mateh aco, idi ayungNeh pana' mebuda' mepad kudeng acang teh.

MATIUS 22:29

Iamo' kebala Yésus nedeh, “Muyuh sala' ngerawé ngaceku muyuh na kali' Surat idi lalud Allah.

MATIUS 28:18

Yésus iné' nedeh, kebalaNeh, “Amung-amung lalud bang surga idi bang tana' pana' pangeh biré Negku.

SURAT LUK BIRE PAULUS KUAN LUN RUM 8:29

Lun luk pinili' Allah atun, pangeh litepNeh mangun mepad kudeng AnakNeh, pad AnakNeh ineh mangun ku anak luk atun rat arang mula' kinanakNeh.

KOLOSE 3:4

Ulun muyuh luk matu, ieh ineh Keristus. Idi kareb Ieh macing sekedueh kua', muyuh pana' miak melagan pad-pad denganNeh bang rayehNeh.

1 YAHYA 3:2

O amung-amung luk inanku mawa, nekini tau ini anak-anak Allah, idi nateh tau kali' kudeng apeh luk mangun kuan tau muci. Iamo' tau kali' idi kareb Ieh pangeh megala', tau pana' mepad kudeng Ieh, ngaceku tau nier Neneh mepad kudeng Ieh idi.

BALA LUK LINIO 1:8

“Ui ini Urup luk Pun-pun idi Urup luk Kekiped,” kebala Tuhan Allah luk Meluun Lalud ineh, Luk idi nekini, Luk pangeh idi atun, idi Luk miak macing teh.