PILIPI 3:2 - BALA LUK DO'

² Do' matar burur muyuh ratnan uko'-uko', ieh ineh ratnan lemulun luk lemubed ngakem luk dat, idi maya' adat sunat luk mesala'.

PILIPI 3:2 Iomraidhean Croise

NANI UBUR 119:115

Buro rat negku, O muyuh luk mesala'! Ui sikal maya' amung ukum Allahku.

NANI UBUR 22:16

Lemulun luk dat ngelibut negku. Ideh ngerieng negku mepad kudeng uko'. Ideh ngatep ticu' idi kukudku.

NANI UBUR 22:20

Muit negku ratnan pelapet, idi ratnan uko'-uko' ineh.

BALE' 26:11

Lemulun luk mebacé luk lemubed nganau' luk mebacé teh, mepad kudeng uko' luk lemubed kuman uta'neh.

MATIUS 24:10

Kareb idi mula' lemulun lemubed ratnan anudeh, idi sikal masui lun dengandeh, idi seburur megateh inan seburur baken.

MATIUS 7:15

“Do' muyuh matar do'-do' ratnan nabi luk mebalih luk amé nemuyuh, dengan ngayung ku buluh dumba, iamo' bang niatdeh mepad kudeng bungalé luk mesangit.

MATIUS 7:6

“Aleg maré luk meligan kuan uko'-uko', idi aleg mepet bau mutiara muyuh pa kiung barek, pad ideh na ngeradu' neneh pa liang kukuddeh, idi lemubed amé' musing nemuyuh.

SURAT LUK BIRE PAULUS KUAN LUN RUM 2:28

Idéké seburur lun Yahudi luk matu, luk matu-matu sinunat? Baken lemulun luk tinganak rat nelun Yahudi, luk sinunat maya' adatdeh.

2 KORINTUS 11:13

Lemulun ineh baken rasul luk matu. Ideh ineh rasul-rasul luk mebalih. Ideh mebalih ratnan kekamendeh, idi siayu pad ideh siren lun mepad kudeng rasul-rasul Keristus luk matu.

GALATIA 5:13

Iamo' muyuh ini, O kinanak-kinanakku, pangeh tinawar pad muyuh mepuit; iamo' aleg makai puit ineh maya' pinian burur, iamo' ratnan awa ngebeneh burur muyuh seburur dengan seburur.

GALATIA 5:15

Iamo' kudeng muyuh ngatep idi ngedereh nelun dengan muyuh, kali' rungen muyuh mepad kudeng pung. Ngerawé do'-do' pad muyuh na pepaté.

GALATIA 5:6

Ngaceku bang Keristus Yésus, sunat idi na sinunat pana' nateh ulekneh, iamo' luk do', ieh ineh anu luk uen ngegala' bang awa.

PILIPI 3:19

Idi kekipeddeh bang apui, idi batekdeh mangun ku akang kuandeh, idi anun-anun luk inan migu' mangun ku rayeh kuandeh, idi ideh luk ngerawé ratnan kekamen tana' ini.

PILIPI 3:3

Ngaceku tau ini sunat luk matu, idi tau luk sembayang inan Allah dengan Roh, idi mawang niat dengan ulun tau bang Keristus Yésus, idi na merapet ku anun-anun luk ratnan burur.

1 TIMOTIUS 1:19

idi do' iko lutep bang anu idi teruayen niat luk do'. Inan tuda'-tuda' lemulun luk na ngerawé teruayen niatdeh, idi anudeh nekusag.

TITUS 1:16

Ideh ngamo bururdeh ngiti Allah, iamo' dengan kekamendeh ideh ngalum Neneh. Ideh luk inan lun baken megateh; ideh ngelaba bala idi na mayu nganau' kekamen luk do'.

2 PETRUS 2:22

Idi pangeh mangun kuandeh ineh mepad kudeng luk pinginud ineh luk matu, ieh ineh uko' lemubed nila' uta'neh, idi barek luk pangeh diniu' lemubed silusu' bang lisuen.

YAHUDA 1:4

Ngaceku inan lemulun luk na manu nesemeut luk ngisu' bala ratnan katu Allah tau, pad ngelinged kekamendeh luk melutak. Idi ideh ngarung Yésus Keristus, Allah Tuhan tau luk Sebuleng ineh. Idi mon pangeh ginala' bang Surat allah ratnan ukum luk tinina' kuan lemulun ineh.

BALA LUK LINIO 2:9

Ui pangeh kali' susa'mu idi asi'mu—iamo' setuneh iko mula binaweh. Ui kali' kuyo ratnan lemulun luk mala nedeh lun Yahudi, iamo' baken, iamo' ideh aceh ruma' sembayang Sétan.

BALA LUK LINIO 21:8

Iamo' kuan lun luk matot, idi lun luk na manu, lun luk melutak, lun luk ngaté, lun luk pasét, lun luk mangun idi sembayang inan akang, idi lun luk mebalih, babpatdeh ineh inan déi' bang takung luk mebudung ku apui idi batu apui, ieh ineh até luk kedueh.”

BALA LUK LINIO 22:15

Iamo' lemulun luk dat, lemulun luk mangun, lemulun luk pasét, lemulun luk ngaté, lemulun luk sembayang inan akang, idi idé-idé luk geregan ku balih idi nganau' luk mebalih, amung-amungdeh ketecan déi' liang.

BALA LUK LINIO 3:9

Siruh! Lemulun luk ratnan ruma' sembayang Sétan, lun mebalih luk mala nedeh lun Yahudi, iamo' baken, Ui nganau' nedeh macing tekeradung sembayang iring kukudmu, pad ideh kali' Ui ini mawa namu.