PILIPI 3:19 - BALA LUK DO'

¹⁹ Idi kekipeddeh bang apui, idi batekdeh mangun ku akang kuandeh, idi anun-anun luk inan migu' mangun ku rayeh kuandeh, idi ideh luk ngerawé ratnan kekamen tana' ini.

PILIPI 3:19 Iomraidhean Croise

NANI UBUR 17:14

ieh ineh lemulun luk ngalap luk piandeh bang tana' ini. Ngukum nedeh dengan dereh luk dinugMu kuandeh. Do' anak-anakdeh idi mupundeh ngalap petap dereh teh!

NANI UBUR 52:1

Ngudeh iko medita' niat ku sala'mu O lemulun luk mesangit? Awa Allah ineh lutep.

YEREMIA 44:17

Kai sikal nganau' amung-amung luk pangeh bila kai. Kai miak maré baré kuan allah decur luk titen Raca' Decur Surga, idi kai miak ngutang baré luk rupen kuanneh, mepad kudeng luk inau' kai idi tepun kai, raca' kai idi lun rayeh kai bang amung bawang Yahuda idi luun dalan Yerusalim. Kareb ineh kai mula' akan, idi kai do' udeng. Idi na inan susa'.

YEHISKIEL 13:19

Muyuh ngedat Negku pa kiung pupuKu, pad muyuh ngalap sesuut ikun idi tuda'-tuda' balad ruti. Muyuh pian ngaté lemulun luk na petulu pitayen, idi ngulun lemulun luk na petulu uen ngulun, pad muyuh mebalih kuan pupuKu, idi ideh manu nemuyuh.”

YEHISKIEL 34:3

Muyuh ngirup rata sapi' idi ngayung ku buluh dumba, idi ngeret idi kuman dumba luk meluun do'. Iamo' na muyuh ngasa' dumba ineh.

HOSIA 4:7

“Iuk-iuk mula' sala'deh pa kiungKu. Ui miak ngisu' dita'deh mangun ku igu'.

MIKA 3:11

Lun rayeh-rayeh luk ngimet bawang ngalap suap, imam-imam luk ngelio ukum Tuhan ngalap tabpar, idi nabi-nabi pana' luk mada' luk sirendeh ngalap usin ku ineh. Idi kebaladeh, Tuhan idi dengandeh. Idi teh ideh pebala, “Naké Tuhan idi dengan kai? Na susa' macing nekai.”

MIKA 3:5

Pupu ini sinaluk nabi-nabi luk pejani' ngacing luk do' kuan lemulun luk mayar tabpardeh, iamo' ngacing bunu' kuan lemulun luk na mayar nedeh. Kebala Tuhan kuan nabi-nabi ini,

MALAKI 1:12

Iamo' muyuh ngedat Negku, kareb muyuh mala bubpunKu na ulek, idi ngedat akan luk barén muyuh Negku.

MATIUS 16:23

Iamo' Yésus nelumi, idi nepebala ni Pétrus, “Amé' pa ketedKu, O Sétan! Iko luk ngesabeng Negku, ngaceku iko baken ngerawé luk ratnan Allah, iamo' lu ratnan lemulun mo'.”

MATIUS 25:41

“Idi Ieh pebala kuan lemulun luk pa kabingNeh, ‘Buro rat Negku, O muyuh luk binulung, idi semuet bang apui luk meruked, luk tinina' kuan Iblis dengan melaikat-melaikatneh!

LUKAS 12:19

Idi ui sikal pebala kuan bururku sebuleng, Samal kuanmu! Iko inan mula' binaweh dinug kuan tuda'-tuda' lak. Do' ngato erurmu, kuman, ngirup, idi ngalap mawang niat.’

LUKAS 16:19

“Inan seburur lun do'; idi ieh ngayung ku kibung luk sia' merirem idi kibung luk mesalud, idi mulun dengan do' anid-anid aco.

LUKAS 18:4

Idi tuda'-tuda' io lun luk mutut besara' ineh na sikal, iamo' kekipedneh ieh ngerawé bang niatneh, ‘Sagan pana ui na matot inan Allah idi na ngerawé lemulun,

SURAT LUK BIRE PAULUS KUAN LUN RUM 16:18

Ngaceku lemulun luk nganau' kudeng ini baken mangun ku demulun Keristus Tuhan tau, iamo' mangun ku demulun pinian bururdeh sebuleng, idi dengan bala luk mepaci' idi luk do', ideh naluk lun luk mesiri niat.

SURAT LUK BIRE PAULUS KUAN LUN RUM 6:21

Anunké bua'neh luk ilap muyuh ratnan amung-amung kekamen luk inan muyuh migu' nekini? Ngaceku kekipedneh maté.

1 KORINTUS 3:3

Ngaceku kudeng inan ét niat idi kedaluh arang muyuh, bakenké muyuh bang ulun tana' ini idi maya' ulun lemulun luk bang tana' ini?

1 KORINTUS 5:2

Ngudehké muyuh medita' niat? Petulu muyuh mesusa' niat, pad lemulun luk nenganau' kekamen ineh talan rat arang muyuh.

1 KORINTUS 5:6

Na petulu muyuh ineh medita' niat. Naké muyuh kali' idi lamud luk sesuut ineh ngelamud amung-amung tebalu' banak ineh?

2 KORINTUS 11:12

Ui pian nutum luk ruenku nekini, pad ui miak mebpeng nelun rasul-rasul luk baken ineh na ngedita' bururdeh idi pebala kekamendeh ineh mepad kudeng kekamen kai.

2 KORINTUS 11:15

Idi ineh baken kekamen luk inan mawa kudeng amung demulun Sétan ngisu' ayudeh pad ideh siren mepad kudeng demulun luk matu; idi kekipedneh ideh uen ngua' maya' kekamendeh sebuleng.

GALATIA 6:13

Lemulun luk sinunat ineh na ngimet Ukum, iamo' piandeh muyuh ruen nunat pad ideh miak ngedita' bururdeh ngaceku muyuh maya' adat ineh.

PILIPI 2:21

Ngaceku amung-amungdeh nakap luk kuan bururdeh sebuleng, baken luk ratnan Yésus Keristus.

KOLOSE 3:2

Ngerawé ratnan luk déi' dita', aleg ngerawé ratnan luk bang tana.

2 TESALONIKA 1:9

Ideh miak ngalap dereh até luk meruked pitad rat pa kiung Allah idi ratnan rayeh laludNeh,

2 TESALONIKA 2:12

pelé amung-amung luk na manu ku luk matu, iamo' mawang niat ku luk dat ineh miak uen ngediman.

2 TESALONIKA 2:8

Lemulun luk Dat ineh miak uen ngegala' idi miak pitayen Tuhan Yésus ku bui tangNeh, idi uen ngusag ku rasat acingNeh.

1 TIMOTIUS 6:5

kedaluh lemulun luk na mileh ngerawé, idi luk na kali' luk matu. Idi bang terawédeh baya' ineh mangun ku aceh dalan ngalap tabpar.

2 TIMOTIUS 3:4

Ideh na inan merapet, sikal metueh, mesido' niat, meluun sikal ngawang niatdeh ratnan mawa inan Allah.

YAKUB 4:16

Iamo' nekini muyuh ngerayeh burur muyuh ngaceku dita' niat muyuh ineh. Idi bala luk medita' ineh dat.

2 PETRUS 2:1

Atun inan nabi-nabi luk mebalih rat arang pupu ini, kudeng ineh teh tuda'-tuda' guru luk mebalih miak tumui rat arang muyuh. Ideh miak nguit bada' luk mebalih idi luk ngeraruh. Lemulun ineh ngalum Tuhan luk pangeh nenguli' nedeh, idi ngacing até kuan bururdeh sebuleng dengan mesaget.

2 PETRUS 2:13

Ideh ngalap tabpar dereh ngaceku ideh nengedereh nelun baken. Idi rotdeh luk dat luk ngacing awang kuandeh, ruendeh kareb macang, ieh ineh anun-anun luk maya' pinian burur. Ideh mangun ku aceh luk inan migu' kareb ideh pamung kuman dengan muyuh. Idi ideh ngeraruh nemuyuh dengan salukdeh bang irau ineh.

2 PETRUS 2:3

Dengan lilideh ideh miak nakap tabpar rat nemuyuh dengan bala luk naluk. Iamo' ngaceku kekamendeh ineh, rat mon ukum pangeh tinina' kuandeh, idi atédeh na miak uen ngiuk.

YAHUDA 1:10

Iamo' lemulun ini nguyo anun-anun luk na nekali'deh, idi anun-anun luk nekali'deh dengan na ileh, mepad kudeng pung luk meliput, ieh ineh luk ngacing até kuandeh.

YAHUDA 1:16

Lemulun ini dureng-dureng idi ngadu'-ngadu'. Ideh maya' pian bururdeh sebuleng, idi ngubur bururdeh sebuleng idi ngedita' nelun baken pad ngalap tabpar kuan bururdeh sebuleng.

YAHUDA 1:4

Ngaceku inan lemulun luk na manu nesemeut luk ngisu' bala ratnan katu Allah tau, pad ngelinged kekamendeh luk melutak. Idi ideh ngarung Yésus Keristus, Allah Tuhan tau luk Sebuleng ineh. Idi mon pangeh ginala' bang Surat allah ratnan ukum luk tinina' kuan lemulun ineh.

BALA LUK LINIO 18:7

Maré dereh idi susa' neneh maya' kinula' ubur idi rayeh luk biréneh kuan bururneh sebuleng. Ngaceku ieh megéi' pebala bang niatneh: ‘Ui tudo mepad kudeng raca' decur! Baken ui tinula', Na tu-tu ui miak nangi'!’

BALA LUK LINIO 19:20

Idi pung ineh pana' kikem pad-pad dengan nabi luk mebalih luk pangeh nenganau' tuda'-tuda' tanu' luk nan mawa pa kiungneh. (Idi dengan tanu'-tanu' ineh ieh nengeraruh lemulun luk inan etu pung ineh, idi luk pangeh sembayang inan akangneh.) Didueh ineh tila' dengan mulun bang takung apui luk mebudung ku batu apui.

BALA LUK LINIO 21:8

Iamo' kuan lun luk matot, idi lun luk na manu, lun luk melutak, lun luk ngaté, lun luk pasét, lun luk mangun idi sembayang inan akang, idi lun luk mebalih, babpatdeh ineh inan déi' bang takung luk mebudung ku apui idi batu apui, ieh ineh até luk kedueh.”

BALA LUK LINIO 22:15

Iamo' lemulun luk dat, lemulun luk mangun, lemulun luk pasét, lemulun luk ngaté, lemulun luk sembayang inan akang, idi idé-idé luk geregan ku balih idi nganau' luk mebalih, amung-amungdeh ketecan déi' liang.

SEMUIL LUK PUN-PUN 2:29

Ngudeh muyuh manga ku amung baré luk icukKu barén lun Israil. O Eli, ngudeh iko ngedita' anak-anakmu meluun rat Negku pad didueh ngelamu burur didueh ku babpat luk meluun do' ratnan baré pupuKu lun Israil?