PILIPI 3:14 - BALA LUK DO'

¹⁴ Ui upun-upun amé' inan tanu' luk matun tabpar, ieh ineh tawar Allah luk déi' dita' bang Keristus Yésus.

PILIPI 3:14 Iomraidhean Croise

LUKAS 16:16

“Ukum Musa ineh idi surat nabi-nabi lutep pad macing kareb Yahya; idi rat kareb ineh pana' Imet Allah bida' peh, idi anid-anid lemulun singaro semuet bang ineh.

SURAT LUK BIRE PAULUS KUAN LUN RUM 11:29

Ngaceku Allah na nginuud ratnan luk barénNeh, idi ratnan tawarNeh ineh pana'.

1 KORINTUS 9:24

Muyuh kali', idi su luk inan peribatun ineh, amung-amungdeh upun, iamo' seburur mo' luk meluun awer? Idi do' muyuh upun mepad kudeng ineh, pad muyuh meluun awer.

2 KORINTUS 4:17

Idi susa' kai luk meran idi segageh mo', nguit nekai macing nan ubur luk meluun rayeh idi meruked,

PILIPI 3:3

Ngaceku tau ini sunat luk matu, idi tau luk sembayang inan Allah dengan Roh, idi mawang niat dengan ulun tau bang Keristus Yésus, idi na merapet ku anun-anun luk ratnan burur.

KOLOSE 2:18

Aleg muyuh saluken lemulun luk pian ngebeneh bururneh pa kiung melaikat idi sembayang nedeh. Lemulun luk kudeng ineh megéi' pebala ratnan luk sinierneh, pad ieh ngedita' bururneh ngaceku pian mebala. Iamo' terawéneh maya' ulun tana' ini.

1 TESALONIKA 2:12

Kai nengetueh anu muyuh, kai nengubuk nemuyuh, idi kai nengecuk nemuyuh mulun maya' pian Allah luk nawar nemuyuh semuet bang ImetNeh idi rayehNeh teh.

2 TIMOTIUS 1:9

Allah nengulun netau idi nenawar netau mangun ku pupuNeh, baken maya' kekamen tau, iamo' maya' pianNeh sebuleng idi katu luk biréNeh kuan tau atun bang Keristus Yésus rat kareb luk pun-pun.

IBERANI 3:1

O kinanak-kinanakku luk meligan, luk pad-pad ngalap babpat bang tawar luk rat surga, do' muyuh ngerawé Rasul idi Imam Rayeh luk pangeh imo tau, ieh ineh Yésus.

IBERANI 6:1

Ngaceku ineh, do' tau ugka' ratnan ngegala' bada' Keristus luk pun-pun ineh. Do' ngetacu amé' inan luk meriput, idi aleg tau ngerareng diri teh, ieh ineh dengan bada' uren ratnan kekamen luk nguit macing inan até, idi anu inan Allah,

1 PETRUS 1:13

Ngaceku ineh do' terawé muyuh metadem, idi do' muyuh ngerawé, idi merapet tu-tu inan peruan luk miak macing kuan muyuh kareb Yésus Keristus uen ngegala'.

1 PETRUS 5:10

Idi Allah, lawa amung-amung katu, luk pangeh nenawar nemuyuh semuet bang rayehNeh luk meruked bang Keristus, kareb muyuh pangeh nengalap dereh bang segageh mo', idi Ieh luk miak ngeligan nemuyuh idi ngeraben nemuyuh idi ngetueh nemuyuh pana'.

2 PETRUS 1:3

Amung-amung luk inan ulek kuan ulun luk meligan pangeh biré kuan tau ngaceku lalud Tuhan, ngaceku tau kali' Neneh lu pangeh nenawar netau dengan rayeh idi do'Neh sebuleng.

BALA LUK LINIO 3:21

Ui maré lemulun luk metueh, tudo denganKu luun kerusiKu, mepad kudeng Ui pana' pangeh metueh idi tudo dengan TamanKu luun kerusiNeh.