PILIPI 3:13 - BALA LUK DO'

¹³ O kinanak-kinanakku, nateh ui mala bururku pangeh nengimet meraben ratnan ineh, iamo' sebuleng teh luk miak ruenku, ieh ineh ui mekelupan amung-amung luk pa puet, idi ngetaduk bururku kuan luk pa atun.

PILIPI 3:13 Iomraidhean Croise

NANI UBUR 27:4

Sebuleng mo' luk pinutuhku ratnan Tuhan; sebuleng mo' luk pianku: ieh ineh mudeng bang ruma' Tuhan ruked ulunku, pad mawa ku do'Neh, idi mutuh pedengan rat Neneh.

NANI UBUR 45:10

O decur luk awan raca', ninger balaku; aleg ngerawé pupumu idi ruma' tamanmu.

LUKAS 10:42

iamo' sebuleng mo' luk petulu tekapen. Mariam pangeh nemili' babpat luk do' luk na miak lapen rat neneh.”

LUKAS 9:62

Idi keburi' Yésus neneh, “Lemulun luk ngimet etun radu idi lumi pa puet na mayu semuet bang Imet Allah.”

2 KORINTUS 5:16

Ngaceku ineh, rat pad sini na kai ngesala' seburur pana' maya' ayu lemulun. Sagan pana' kai pangeh ngiti Keristus maya' ayu lemulun, iamo' nekini na kai ngiti Neneh mepad kudeng ineh teh.

PILIPI 2:12

Ngaceku ineh, O lun rurumku, mepad kudeng muyuh megéi' maya' balaku kareb ui idi dengan muyuh, do' muyuh maya' balaku nekini kareb ui mado rat nemuyuh. Do' muyuh ngakem dengan matot idi megegker pad ngeriput ulun muyuh bang Keristus.

PILIPI 3:12

Baken ayu-ayuneh ui pangeh nacing, idi pangeh mangun meriput; iamo' ui mekél matun Neneh, pad ui miak ngimet meraben mepad kudeng ui pangeh inimet Keristus Yésus.

PILIPI 3:8

Idi meluun teh, bang terawéku, luk amung-amung miak mangun ku rugi' kuanku ngaceku luk pelaba raga ini, ieh ineh pad ui miak miti Keristus Yésus Tuhanku. Idi ngaceku Keristus ui pangeh nenala' luk amung-amung. Idi amung-amung ineh ui mala mangun ku arap, pad Keristus mangun ku peruanku,

IBERANI 6:1

Ngaceku ineh, do' tau ugka' ratnan ngegala' bada' Keristus luk pun-pun ineh. Do' ngetacu amé' inan luk meriput, idi aleg tau ngerareng diri teh, ieh ineh dengan bada' uren ratnan kekamen luk nguit macing inan até, idi anu inan Allah,

2 PETRUS 3:8

Iamo' aleg muyuh mekelupan sebuleng bala ini, O amung-amung luk inanku mawa! Seaco kuan Tuhan mepad kudeng meribu lak, idi meribu lak mepad kudeng seaco.