PILIPI 3:12 - BALA LUK DO'

¹² Baken ayu-ayuneh ui pangeh nacing, idi pangeh mangun meriput; iamo' ui mekél matun Neneh, pad ui miak ngimet meraben mepad kudeng ui pangeh inimet Keristus Yésus.

PILIPI 3:12 Iomraidhean Croise

AYUB 17:9

Lemulun luk ngerawé bururdeh do', iuk ngerawé bururdeh matu.

NANI UBUR 119:5

Ui merapet negku miak nginita ukumMu, dengan lutep.

NANI UBUR 138:8

Iko pian nganau' amung-amung luk pijani'Mu negku; O Tuhan, awaMu lutep macing ruked-ruked. Do' mangeh kekamen luk tinimunMu.

NANI UBUR 42:1

Mepad kudeng payo luk nakap abpa' kareb merikan, kudeng ineh teh ui nakap Namu, O Allah.

NANI UBUR 63:8

Ui mepicet maya' Namu; idi ticu'Mu ngimet negku.

NANI UBUR 84:2

Ui pelaba pian tudo déi'! Ui geregan ku natad Ruma' Allah, Ui pelaba tu-tu geregan menani dengan mawang niat kuan Allah luk mulun.

NANI UBUR 94:15

Idi luk mesiri miak kali' bang su luk inan mutut besara', idi amung lemulun luk matu miak maya' ineh.

BALE' 4:18

Dalan lemulun luk matu mepad kudeng asat aco, luk iuk-iuk merasat macing acang aco.

YESAYA 51:1

Kebala Tuhan, “O muyuh luk amé' Negku luk pian mutuh pedengan, pad muyuh uen ngulun, do' ninger balaKu. Do' ngerawé batu su luk inan muyuh kinuer, idi lubang luk inan muyuh ilap.

HOSIA 6:3

Do' tau nutun ngiti Tuhan. Kali' rungen Ieh amé' netau mepad kudeng aco masat. Ieh miak amé' netau mepad kudeng udan luk mubpur tibu-tibu kareb nibu.

MATIUS 5:48

Do' muyuh meligan, mepad kudeng Taman muyuh luk bang surga ineh meligan teh.

KEKAMEN RASUL-RASUL 9:15

Iamo' kebala Tuhan neneh, “Amé iko, ngaceku ieh luk pinili'Ku, ngakem kuanKu, pad ieh ngegala' ngadanKu kuan lun pupu baken idi raca'-raca', idi kuan lun pupu Israil pana'.

SURAT LUK BIRE PAULUS KUAN LUN RUM 8:39

lalud luk pa luun, idi lalud luk pa liang, idi anun-anun luk pinudut pana', na miak matad netau ratnan awa Allah luk bang Keristus Yésus Tuhan tau.

1 KORINTUS 13:10

Iamo' kareb luk meriput ineh macing, idi luk na meriput ineh miak metutu'.

1 KORINTUS 13:12

Ngaceku nekini tau nier bang sayun dengan meseraber, iamo' kareb ineh kiung mepapu' dengan kiung. Idi nekini ilehku nateh meriput, iamo' kareb ineh ilehku mangun meriput mepad kudeng ileh Allah ratnan bururku pangeh meriput.

1 KORINTUS 9:24

Muyuh kali', idi su luk inan peribatun ineh, amung-amungdeh upun, iamo' seburur mo' luk meluun awer? Idi do' muyuh upun mepad kudeng ineh, pad muyuh meluun awer.

2 KORINTUS 13:9

Ngaceku kai mawang niat, kareb kai ini melaya' idi muyuh ini metueh. Ini punneh kai sembayang pad anu muyuh uen ngeriput.

2 KORINTUS 7:1

Amung ini pangeh biré kuan tau, O lun rurumku. Ngaceku ineh do' tau ngeligan burur tau ratnan amung luk ngelutak burur idi niat, idi ngeriput ligan tau dengan matot inan Allah.

GALATIA 5:17

Ngaceku pinian burur sikal metueh ratnan Roh, idi pinian Roh ineh sikal metueh ratnan pinian burur, ngaceku dueh-duehneh ini pebunu' pad muyuh na miak nganau' luk pian muyuh.

EPESUS 1:4

Kareb nateh tana' ini pinudut, Allah nemili' netau bang Keristus ineh, pad tau meligan idi na mesala' pa kiung Tuhan. Ngaceku awaNeh,

EPESUS 4:12

Ieh nenganau' ini pad ngeletep lun manu kuan kekamen Tuhan, pad ngetueh burur Keristus.

PILIPI 1:1

Rat ni Paulus idi rat ni Timotius, demulun Keristus Yésus — Kuan amung-amung lun manu bang Keristus Yésus déi' bawang Pilipi, idi kuan amung-amung lun matar sidang idi lun ngasa' sidang teh:

PILIPI 3:16

Do' tau nacu lawé tau maya' bada' luk binaya' tau macing nekini.

PILIPI 3:3

Ngaceku tau ini sunat luk matu, idi tau luk sembayang inan Allah dengan Roh, idi mawang niat dengan ulun tau bang Keristus Yésus, idi na merapet ku anun-anun luk ratnan burur.

PILIPI 3:8

Idi meluun teh, bang terawéku, luk amung-amung miak mangun ku rugi' kuanku ngaceku luk pelaba raga ini, ieh ineh pad ui miak miti Keristus Yésus Tuhanku. Idi ngaceku Keristus ui pangeh nenala' luk amung-amung. Idi amung-amung ineh ui mala mangun ku arap, pad Keristus mangun ku peruanku,

1 TESALONIKA 5:15

Matar do'-do'! Aleg seburur pana' ngua' luk dat dengan luk dat kuan seburur lemulun pana', iamo' megéi' nakap luk do' seburur kuan seburur idi kuan amung-amung lemulun.

2 TESALONIKA 2:13

Iamo' do' kai ini megéi maré ubur kuan Allah ngaceku muyuh, O kinanak-kinanankku luk inan Tuhan mawa. Ngaceku muyuh pangeh pinili' Allah rat pun-pun pad uen ngulun, ngaceku muyuh linigan bang Roh, idi muyuh manu ku luk matu.

1 TIMOTIUS 5:10

Idi do' ieh buren ngaceku kekamen neh luk do', ngaceku ieh pangeh nengasa' anak-anakneh, idi nenganak lun sakai, idi nemaru' kukud lun manu, idi nengedengan lemulun luk mesusa', idi mekél bang amung-amung luk do'.

1 TIMOTIUS 6:19

Dengan luk kudeng ineh ideh ngamung binaweh luk mangun ku tapin muci, pad ideh miak ngalap ulun luk matu ineh.

IBERANI 12:14

Do' muyuh nakap pedo' dengan amung-amung lemulun idi nutun maya' ulun luk mleigan, ngaceku dengan na ligan ineh seburur pana' na miak nier Tuhan.

IBERANI 12:23

Muyuh pangeh nacing kuan tebubpun amung-amung anak Allah luk atun, luk pangeh inayud ngadandeh déi' surga, idi kuan Allah, Lun luk Mutut Besara' kuan amung-amung lemulun, idi kuan amung-amung roh lemulun luk matu luk pangeh linigan.

IBERANI 13:21

Do' Allah luk lawa awang ineh nganau' nemuyuh temina' maya' pianNeh, pad muyuh miak nganau' tuda'-tuda' kekamen luk do'. Idi do' Ieh ngisu' amung tau, pad tau maya' luk petulu pa kiungNeh bang Yésus Keristus. Idi rayeh kuanNeh macing ruked-ruked. Amin.

YAKUB 3:2

Amung-amung tau megéi' mepesala' ku bala tau. Kudeng seburur lemulun na mepesala' ku balaneh, ieh ineh selemulun luk meriput idi luk miak ngimet amung bururneh.

1 PETRUS 5:10

Idi Allah, lawa amung-amung katu, luk pangeh nenawar nemuyuh semuet bang rayehNeh luk meruked bang Keristus, kareb muyuh pangeh nengalap dereh bang segageh mo', idi Ieh luk miak ngeligan nemuyuh idi ngeraben nemuyuh idi ngetueh nemuyuh pana'.

2 PETRUS 3:18

Iamo' do' muyuh temubu' bang katu idi ileh ratnan Tuhan tau Yésus Keristus, Lun Nengulun. Idi rayeh kuanNeh, do' nekini idi ruked-ruked pana'. Amin.