PILIPI 3:10 - BALA LUK DO'

¹⁰ Luk pianku, ieh ineh ngiti Neneh idi kali' lalud tuiNeh ineh idi rurum bang derehNeh ineh, idi mangun mepad denganNeh bang atéNeh,

PILIPI 3:10 Iomraidhean Croise

YEREMIA 9:23

Kebala Tuhan, “Na petulu lun mileh medita' niat ngaceku ilehneh, idi lun luk metueh ngaceku tuehneh, idi lun luk mula' binaweh ngaceku binawehneh.

MATIUS 20:23

Kebala Yésus nedidueh, “Matu, medueh miak ngirup ratnan sangkirKu. Iamo' ratnan tudo pa tinueh idi pa kabingKu, na Ui melalud maré kuan medueh, iamo' babpat ineh tinina' kuan lemulun luk pinili' TamanKu.”

YAHYA 10:18

Seburur pana' na ngalap ulunKu rat Negku, iamo' Ui maré neneh maya' pianKu sebuleng. Ui melalud maré neneh idi melalud ngalap neneh lemubed teh. Ini lalud luk ilapKu ratnan TamanKu.”

YAHYA 17:3

Ini ulun luk meruked, ieh ineh pad ideh miti Namu, Allah luk Sebuleng idi matu, idi Yésus Keristus luk Iko nengecuk ineh.

SURAT LUK BIRE PAULUS KUAN LUN RUM 8:17

Ngaceku tau ini anak-anakNeh, tau miak ngalap babpat luk litep Allah kuan pupuNeh. Idi teh tau ngalap babpat dengan Keristus, kudeng tau perurum medereh denganNeh, pad tau mepad uen ngerayeh denganNeh.

SURAT LUK BIRE PAULUS KUAN LUN RUM 8:29

Lun luk pinili' Allah atun, pangeh litepNeh mangun mepad kudeng AnakNeh, pad AnakNeh ineh mangun ku anak luk atun rat arang mula' kinanakNeh.

SURAT LUK BIRE PAULUS KUAN LUN RUM 8:36

Maya' kudeng luk pangeh inayud, “Ngaceku Iko kai pinaté tebaco-tebaco; kai pidereh mepad kudeng dumba luk kereten.”

2 KORINTUS 1:10

Ieh nengulun nekai ratnan até luk kudeng ineh rayeh, idi Ieh luk sikal ngulun nekai teh. Kai merapet Neneh miak ngulun nekai teh,

2 KORINTUS 1:5

Mepad kudeng tau ngalap babpat dereh Keristus luk mula' ineh, kudeng ineh teh bang Keristus tau ngalap pedenganNeh luk rayeh.

2 KORINTUS 13:4

Ngaceku sagan pana' Ieh sinalib bang laya'Neh, iamo' Ieh mulun nekini ngaceku ratnan lalud Allah. Kai ini pana' melaya' teh bang Neneh, iamo' kai miak mulun denganNeh kuan muyuh, ngaceku ratnan lalud Allah.

GALATIA 2:20

Ui pangeh sinalib dengan Keristus. Idi ulunku ini baken ui teh, iamo' Keristus luk mulun bang negku. Ulunku luk nekini, ieh ineh ulun ratnan anu inan Anak Allah luk pangeh mawa negku idi luk nemaré bururNeh ngaceku ui.

GALATIA 6:17

Rat kareb ini aleg seburur pana' ngesusa' negku; ngaceku pilat Yésus ineh luk luun bururku ngegala' ratnan ui ini demulun Yésus.

EPESUS 4:13

Kudeng ineh teh amung-amung tau macing inan sebuleng rurum bang anu idi ileh ratnan Anak Allah. Tau mangun ku lun merar luk iuk-iuk amé' meriput petulu dengan rayeh Keristus.

PILIPI 3:8

Idi meluun teh, bang terawéku, luk amung-amung miak mangun ku rugi' kuanku ngaceku luk pelaba raga ini, ieh ineh pad ui miak miti Keristus Yésus Tuhanku. Idi ngaceku Keristus ui pangeh nenala' luk amung-amung. Idi amung-amung ineh ui mala mangun ku arap, pad Keristus mangun ku peruanku,

KOLOSE 1:24

Idi nekini ui kali' mawang niat ratnan amung-amung dereh luk ilapku ngaceku muyuh, pad ui ngabud luk ketecan ratnan dereh Keristus bang bururku, ngaceku bururNeh, ieh ineh sidang.

KOLOSE 2:13

Idi muyuh pana' atun pangeh naté ngaceku sala' idi ulun burur muyuh luk na sinunat. Meluun teh muyuh pangeh inulun Allah pad-pad denganNeh. Idi Ieh pangeh nemaré do' ratnan amung-amung sala' tau.

KOLOSE 3:1

Muyuh pangeh tinui pad-pad dengan Keristus. Ngaceku ineh do' nakap anun-anun luk déi' dita', su apeh luk inan Keristus tudo pa tinueh Allah.

1 PETRUS 1:3

Do' tau ngubur Allah Taman Tuhan tau Yésus Keristus! Ngaceku éi'Neh luk pelaba rayeh, Ieh nemaré ulun luk mebaruh kuan tau, dengan nui Yésus Keristus ratnan até. Ngaceku ineh tau mepanu' ku rapet luk mulun.

2 PETRUS 1:13

Bang terawéku, seruked ui mulun, do' ui ngegio niat muyuh dengan mada' nemuyuh.

1 YAHYA 2:3

Kudeng tau maya' ukum-ukum Allah, tau kali' tau pangeh nengiti Neneh.

1 YAHYA 2:5

Iamo' idé-idé luk maya' balaNeh, idi matu awa Allah uen ngeriput bang neneh. Dengan luk kudeng ineh tau kali' idi tau mulun bang Allah.

BALA LUK LINIO 1:18

Ui ini Luk Mulun. Ui pangeh naté, idi siruh, nekini Ui mulun ruked-ruked, idi inan bang ticu'Ku taka até idi su inan até.