PILIPI 3:1 - BALA LUK DO'

¹ Abudneh, O kinanak-kinanakku, do' muyuh mawang niat bang Tuhan. Idi na ui melibo ngayud sekua' teh bala luk mepad kudeng ini kuan muyuh, ngaceku ieh ineh mangun ku do' kuan muyuh.

PILIPI 3:1 Iomraidhean Croise

INUL LUK PUN-PUN 15:28

Idi amung lun Israil nenguit Pati' Pejani' Tuhan iné' Yerusalim, dengan ngitang mawang niat, dengan uni serupit, giula', gita, idi karing.

INUL LUK PUN-PUN 16:10

Do' tau mawang niat ngaceku ngadanNeh luk rayeh, idi do' lemulun luk ngakem kuan Tuhan mawang niat!

INUL LUK PUN-PUN 29:22

Idi bang aco sineh teh ideh nekuman idi nengirup pa kiung Tuhan dengan mawang niat. Idi ideh nengikit ni Selimun anak Daud sekedueh kua', idi nengumau neneh mangun ku raca', idi Saduk pana' kinikit ku imam.

NEHEMIA 8:10

Do' muyuh muli' idi nganau' irau. Maré aceh babpat akan idi abpa' anggur muyuh kuan lemulun luk na petap akan. Aco sini meligan kuan Tuhan. Aleg mesusa' niat. Awang luk barén Tuhan nemuyuh ngetueh nemuyuh.”

AYUB 22:26

Pad iko megéi' merapet inan Allah, idi kali' Neneh luk mangun ku lawa awangmu.

NANI UBUR 149:2

O Israil, do' iko mawang niat, ngaceku Lun luk Mudut namu; O lun Sion, do' muyuh mawang niat ngaceku Raca' muyuh!

NANI UBUR 32:11

O amung muyuh luk matu, do' mawang niat idi geriguen, ngaceku ratnan luk inau' Tuhan! O amung muyuh luk maya' balaNeh, do' ngudub dengan mawang niat!

NANI UBUR 33:1

O amung muyuh luk matu, do' mawang niat ngaceku luk inau' Tuhan; ngubur Neneh, O muyuh luk maya' balaNeh.

NANI UBUR 37:4

Nakap awang niatmu dengan Tuhan, idi Ieh miak maré amung luk pianmu.

NANI UBUR 42:4

Ui melaso niat kareb ui ngerawé luk mon; ngaceku ui megéi' pebaya' dengan lun mula' amé' ruma' Allah; idi ui luk megéi' nguyut nedeh, idi kai do' awang niat ngudub idi menani ubur kuan Allah.

NANI UBUR 5:11

Amung-amung lun luk initaMu mawang niat, ideh megéi' menani dengan awang. Iko ngelibung lemulun luk mawa Namu. Bang Namu ideh ngalap awang niat.

NANI UBUR 97:1

Tuhan ineh Raca'! O tana', do' mawang niat! O amung pulau déi' abpa' rayeh, do' mawang niat!

YESAYA 41:16

Iko ngelalu' nedeh arang gawa'; idi ideh mepalid ku bui. Iamo' iko miak mawang niat; ngaceku Ui ini Allahmu. Iko miak ngubur Negku, Allah Israil luk meligan ineh.

YESAYA 61:10

Yerusalim mawang niat ku luk inau' Tuhan. Ieh mepad kudeng decur luk inayung ku ayung paweh. Allah nengayung neneh ku ulun idi tueh!

YESAYA 65:14

Ideh menani' mawang niat, iamo' muyuh nangi' ku susa' niat.

YOEL 2:23

“O lun Sion, do; mawang niat, ngaceku luk inau' Tuhan Allah muyuh kuan muyuh. Ieh pangeh nemaré udan luk petap, do' udan luk atun idi udan luk muci pana'.

SEPANIA 3:14

O lun Israil, do' muyuh menani idi ngitang mawang niat! O Yerusalim, do' iko mepanu' ku awang niat!

SEPANIA 3:17

Tuhan Allahmu idi denganmu, laludNeh ngetueh namu. Tuhan miak mawang niat namu, dengan awaNeh Ieh maré ulun luk mebaruh namu. Ieh miak menani idi mawang niat namu,

SEKARIA 10:7

Kareb ineh lun Israil mepad kudeng lun pebunu' luk mawang niat ku abpa' anggur. Inuldeh miak ngerawé tuehdeh dengan mawang niat ngaceku luk inau' Tuhan.

MATIUS 5:12

Do' muyuh geriguen idi mawang niat, ngaceku rayeh tu tabpar muyuh déi' surga; ngaceku kudeng ineh teh amung-amung nabi luk atun rat nemuyuh pangeh pidereh teh.

LUKAS 1:47

idi rohku do' ria inan Allah Lun Nengulun negku,

SURAT LUK BIRE PAULUS KUAN LUN RUM 5:11

Baken kudeng ineh mo', iamo' tau mawang niat inan Allah ngaceku tau mangun ku lun rurumNeh ngaceku Tuhan tau Yésus Keristus.

2 KORINTUS 13:11

Idi nekini, O kinanak-kinanakku, tabi' kuan muyuh. Do' muyuh mekél pad anu muyuh meriput, idi ninger bada'ku. Do' muyuh sebuleng niat, idi pedo'. Idi Allah luk lawa awa idi pedo' miak tudo dengan muyuh.

EPESUS 6:10

Idi kekipedneh, do' muyuh mangun metueh bang Tuhan idi dengan tueh laludNeh ineh.

BADA' RATNAN UKUM 12:18

Iamo' do' muyuh kuman ineh pa kiung Tuhan Allah muyuh su luk pilinNeh ineh, do' muyuh idi anak muyuh, lun tebarin muyuh, idi lun Liwi luk tudo bang bawang muyuh. Do' muyuh geriguen pa kiung Tuhan Allah muyuh bang amung-amung luk ruen muyuh.

BADA' RATNAN UKUM 16:11

Idi do' iko geriguen pa kiung Tuhan Allahmu dengan anakmu, lun dukenmu, idi lun Liwi, lun sakai, anak maté, idi decur tinula' luk tudo bang bawang muyuh, ieh ineh su luk pilin Tuhan inan sembayang.

PILIPI 3:3

Ngaceku tau ini sunat luk matu, idi tau luk sembayang inan Allah dengan Roh, idi mawang niat dengan ulun tau bang Keristus Yésus, idi na merapet ku anun-anun luk ratnan burur.

PILIPI 4:4

Do' muyuh mulai niat bang Tuhan anid-anid kareb, idi sekua' teh ui pebala kuan muyuh: do' muyuh mawang niat.

PILIPI 4:8

Kekipedneh, O kinanak-kinanakku, anun-anun luk do', luk buren, luk matu, luk rayeh, luk mesiri, luk meligan, luk meluun do', idi luk petulu buren, ineh luk miak teruayen muyuh.

1 TESALONIKA 4:1

Kekipedneh, O kinanak-kinanakku, muyuh pangeh nesibada' rat nekai ratnan kudeng apeh muyuh miak mulun pad ngawang niat Allah: ieh ineh mepad kudeng ulun muyuh nekini. Idi nekini kai mutuh nemuyuh bang ngadan Tuhan Yésus nganau' meluun rantan ineh.

1 TESALONIKA 5:16

Do' muyuh megéi' mawang niat,

YAKUB 1:2

O kinanak-kinanakku, kareb muyuh mebpeh bang anid-anid tutun, do' mala amungneh ineh mangun ku awang mo';

1 PETRUS 3:8

Kekipedneh, do' amung-amung muyuh sebuleng niat, idi méi' seburur dengan luk baken, idi mawa kuan amung-amung kinanak, dengan mulai niat idi mebeneh niat.

1 PETRUS 4:13

Iamo' do' muyuh mawang niat ngaceku muyuh miak ngalap babpat ratnan dereh Keristus, pad muyuh mepanu' ku awang, kareb rayehNeh uen ngelio.

2 PETRUS 3:1

O kinanak-kinanakku luk inanku mawa, ini kedueh surat luk ui maré kuan muyuh, idi bang dueh-duehneh ini ui ngegio terawé muyuh luk meligan ineh dengan dalan mada' kuan muyuh,

SEMUIL LUK PUN-PUN 2:1

Idi Hanna nesembayang, kesembayangneh, “Ui mawang niat inan Tuhan, ngaceku Tuhan pangeh nengetueh negku. Idi ui meriruh nan bunu'ku, idi ui mawang niat ngaceku pedenganMu.