PILIPI 2:9 - BALA LUK DO'

⁹ Ngaceku ineh Allah nengedita' Neneh macing nan su luk meluun medita', idi nemaré Neneh sebuleng ngadan luk pa luun amung-amung ngadan.

PILIPI 2:9 Iomraidhean Croise

PUDUT 3:15

Idi Ui nganau' aceh bunu' arangmu dengan decur ineh, idi arang inulmu dengan inulneh. Idi Ieh miak ngeradu' uluhmu, idi iko miak nicuk tumidNeh.”

NANI UBUR 110:1

Kebala Tuhan kuan Raca'ku, “Tudo pa tinuehKu, pad Ui nganau' bunu'Mu pa liang kukudMu.

NANI UBUR 110:5

Tuhan ineh pa tinuehMu; idi Ieh miak ngelaya' amung raca' kareb Ieh museh.

NANI UBUR 89:27

Ui nganau' neneh mangun ku anakKu luk atun, idi raca' luk meluun rayeh.

NANI UBUR 91:14

Keburi' Allah, “Ui miak ngulun lemulun luk mawa Negku, idi matar lemulun luk miti Negku.

YESAYA 52:13

Kebala Tuhan, “Kekamen DemulunKu miak inan peruan; Ieh uen ngerayed idi buren.

YESAYA 53:12

Ngaceku ineh Ui ngedita' Neneh, arang lun luk rayeh idi mebala. Ieh nemaré ulunNeh, pad Ieh inukum mepad kudeng lun luk dat. Ieh inukum ku libal mula' lun mesala', idi Ieh nemutuh pad ideh ngalap do' ratnan sala'deh.

YESAYA 9:7

Lalud luk Neneh iuk-iuk temubu' idi imetNeh megéi' do' udeng. Ieh miak ngelibal imet Raca' Daud. Luk matu idi mesiri mangun ku lawa laludNeh, rat kareb ini macing kekipedneh. Tuhan luk Melalud miak ngeletep amung ineh.

DANIEL 7:14

Idi Ieh nengalap lalud, ubur, idi rayeh raca', pad lemulun ratnan anid-anid bawang, pupu, idi luk ratnan manid-manid buri' miak maya' Neneh. LaludNeh meruked, idi imetNeh na kekiped.

MATIUS 11:27

“TamanKu pangeh nemaré Negku luk amung-amung idi seburur pana' na miti Anak, iamo' Taman mo', idi seburur pana' na miti Taman, iamo' Anak mo', idi teh lemulun luk pinili' Anak, ieh luk miak badénNeh ratnan Allah.

MATIUS 28:18

Yésus iné' nedeh, kebalaNeh, “Amung-amung lalud bang surga idi bang tana' pana' pangeh biré Negku.

LUKAS 10:22

“Luk amung-amung pangeh biré Taman kuanKu, idi seburur pana' na miti Anak ineh, iamo' Taman mo', idi seburur pana' na miti Taman ineh, iamo' Anak mo', idi teh lemulun luk pinili' Anak, ieh luk miak badénNeh ratnan Allah.”

YAHYA 13:3

Yésus kali' idi TamanNeh pangeh nemaré luk amung-amung bang paladNeh, idi teh Ieh kali' Ieh nacing ratnan Allah idi muli' amé' inan Allah.

YAHYA 17:11

Idi nekini Ui amé' Namu. Na Ui tudo bang tana' ini teh, iamo' ideh tudo bang tana' ini. O Ama' luk meligan! Ngasa' nedeh ku lalud ngadanMu luk biréMu Negku, pad ideh mangun ku sebuleng mepad kudeng Kiteh.

YAHYA 17:12

Laba' Ui tudo dengandeh, Ui ini nengimet nedeh bang ngadanMu luk biréMu Negku. Ui pangeh nematar nedeh, idi seburur pana' rat arangdeh na metutu', iamo' lemulun luk na miak na metutu', pad ngacing bala bang Surat Allah.

YAHYA 17:5

Idi nekini, O Ama', ngerayeh Negku pa kiungMu sebuleng dengan rayeh luk Ui nekali' pa kiungMu kareb nateh tana' ini pinudut.

KEKAMEN RASUL-RASUL 5:31

Ieh kinikit Allah tudo pa tinuehNeh mangun ku Raca' idi Lun Nengulun, pad nguit nelun pupu Israil uren idi ngalap do' ratnan sala'.

EPESUS 1:10

Allah pian ngacing terawéNeh bang kareb luk petulu; ieh ineh Ieh pian ngamung amung-amung luk pinudut, do' luk bang surga idi luk luun tana', mangun ku sebuleng pa liang Keristus luk rayeh.

KOLOSE 1:18

Idi Ieh luk mangun ku uluh burur, ieh ineh sidang; Ieh luk pun-pun, idi mangun ku Anak luk Atun rat arang lun naté, pelé bang luk amung-amung Ieh luk mangun ku luk meluun rayeh.

2 TESALONIKA 1:12

pad ngadan Tuhan tau Yésus uen ngerayeh bang nemuyuh, idi muyuh bang Neneh, maya' katu Allah idi Tuhan Yésus Keristus.

IBERANI 1:4

Anak ineh inau' meluun rayeh ratnan melaikat mepad kudeng ngadan luk biré Allah Neneh meluun rayeh ratnan ngadandeh.

IBERANI 1:9

Iko mawa ku luk matu, idi megateh ku luk dat; ineh punneh Iko panegh inumau Allah TuhanMu, ku umau awang meluun ratnan amung-amung lun denganMu.”

IBERANI 12:2

Do' tau nier Yésus, luk nenganau' idi luk neriput anu tau. Ieh pana' ngaceku awang luk litep kuanNeh pangeh netuman ratnan dereh salib, dengan na ngerawé igu'Neh, idi Ieh tudo pa tinueh kerusi Allah.

IBERANI 2:9

Iamo' tau nier Yésus luk segageh inau' sesuut beneh ratnan melaikat ineh, pad dengan katu Allah Ieh miak maté kuan amung lemulun. Tau nier Neneh nekini dengan pata rayeh idi dita' ngaceku até luk pangeh binabehNeh.

1 PETRUS 3:22

luk pangeh numak iné' surga, idi tudo pa tinueh Allah, idi amung-amung melaikat idi lalud idi luk ngimet pana' inau' mebeneh rat Neneh.

2 PETRUS 1:17

Kai idi kareb Ieh nengalap dita' idi rayeh ratnan Allah Taman kareb Ieh neninger aceh tang rat bang langit ratnan Luk Meluun Rayeh, luk nepebala, “Ini AnakKu luk inanKu mawa, idi Ui mawang niat Neneh.”

3 YAHYA 1:7

Ngaceku ideh nenalan ngakem kuan Keristus dengan na ngalap tabpar rat nelun lukna manu ineh.

BALA LUK LINIO 1:5

idi ratnan Yésus Keristus, Lun Nekali' luk lutep maya' jani' ineh, ieh ineh Anak luk atun luk tinui rat arang lun naté, idi luk mangun ku raca' pa luun amung-amung raca' bang tana' ini. Ieh mawa netau, idi dengan dara'Neh Ieh nemuit netau ratnan amung-amung sala'tau.

BALA LUK LINIO 11:15

Idi melaikat luk ketudu' ineh nengiup serupitneh, idi inan tuda'-tuda' arod déi' surga luk pebala, “Imet tana' ini mangun ku Imet Tuhan tau, idi Imet KeristusNeh, idi Ieh miak ngimet macing ruked-ruked peh.”

BALA LUK LINIO 19:16

Idi luun kuyuh'Neh idi tipanNeh pangeh inayud aceh ngadan, ieh ineh, “Raca' pa luun amung-amung raca' idi Tuhan pa luun amung-amung tuan.”

BALA LUK LINIO 3:21

Ui maré lemulun luk metueh, tudo denganKu luun kerusiKu, mepad kudeng Ui pana' pangeh metueh idi tudo dengan TamanKu luun kerusiNeh.

BALA LUK LINIO 5:12

Ideh menani dengan uni tang luk rayeh, “Anak Dumba ineh luk kirat ineh mayu miak ngalap lalud idi mula' binaweh, ileh, idi tueh, dita', rayeh, idi ubur!”