PILIPI 2:8 - BALA LUK DO'

⁸ Ieh nengebeneh niatNeh, idi lutep pad macing inan até — ieh ineh até sinalib.

PILIPI 2:8 Iomraidhean Croise

NANI UBUR 22:16

Lemulun luk dat ngelibut negku. Ideh ngerieng negku mepad kudeng uko'. Ideh ngatep ticu' idi kukudku.

BALE' 15:33

Tot inan Tuhan mangun ku ileh kuanmu. Do' iko mebeneh niat, pad iko ngalap ubur.

MATIUS 17:2

Kareb diteluh nenier Yésus, idi ayuNeh nisu' pa kiung diteluh, idi kiungNeh merasat mepad kudeng mateh aco, idi ayungNeh pana' mebuda' mepad kudeng acang teh.

MATIUS 26:39

Idi Ieh nenalan pa atun sesuut, idi Ieh netekeradung idi sembayang, kesembayangNeh, “O Ama', kudeng miak, do' sangkir ini labén Negku; iamo' baken maya' pianKu, iamo' maya' pianMu.”

MATIUS 26:42

Idi sekua' teh Ieh iné' sembayang, kesembayangNeh, “O Ama', kudeng sangkir ini na miak buro pad Ui ngirup ineh, aganeh pianMu miak mangun.”

LUKAS 9:29

Idi uned Ieh sembayang, idi ayu kiungNeh nisu', idi ayungNeh pana' mangun mebuda' idi merasat.

YAHYA 10:18

Seburur pana' na ngalap ulunKu rat Negku, iamo' Ui maré neneh maya' pianKu sebuleng. Ui melalud maré neneh idi melalud ngalap neneh lemubed teh. Ini lalud luk ilapKu ratnan TamanKu.”

YAHYA 14:31

Ui nganau' teh mepad kudeng luk icuk Taman kuanKu, pad uang tana' ini miak kali' idi Ui mawa inan Taman. “Tumui muyuh, do' tau nalan rat ieni.

YAHYA 15:10

Kudeng muyuh maya' ukum-ukumKu, kali' rungen muyuh miak lutep bang awaKu, mepad kudeng Ui pangeh nemaya' ukum-ukum TamanKu, idi nelutep bang awaNeh.

YAHYA 4:34

Idi kebala Yésus nedeh, “AkanKu, ieh ineh nganau' luk pianNeh luk nengecuk Negku, idi ngeriput kekamenNeh.

KEKAMEN RASUL-RASUL 8:33

Ieh dinatdeh, idi ukum luk matu na inau' kuanNeh. Idéké miak mada' ratnan inulNeh? Ngaceku niatNeh pangeh ilap rat bang tana' ini.”

SURAT LUK BIRE PAULUS KUAN LUN RUM 5:19

Ngaceku mepad kudeng ratnan seburur luk na maya' bala, lemulun luk mula' mangun ku lun mesala', kudeng ineh teh ratnan Seburur Lemulun luk maya' ukum, idi lemulun luk mula' mangun ku lun matu peh.

2 KORINTUS 8:9

Ngaceku muyuh kali' katu Tuhan tau Yésus Keristus; sagan pana' Ieh lun do' Ieh mangun masi' ngaceku muyuh, pad dengan dalan asi'Neh ineh muyuh miak mangun ku lun do'.

GALATIA 3:13

Imao' Keristus pangeh nenguli' netau ratnan kediman Ukum ineh dengan mangun ku aceh kediman kuan tau, ngaceku pangeh inayud, “Kediman kuan anid-anid lemulun luk tekito luun kayuh.”

BADA' RATNAN UKUM 21:23

idi aleg nima' butungneh sedacem luun kayuh ineh,iamo' do' muyuh nanem neneh bang aco sineh teh. Ngaceku lemulun luk tekito ineh kediman kuan Allah. Idi ngaceku ineh aleg muyuh ngelutak tana' luk pangeh biré Tuhan Allah muyuh nemuyuh.

TITUS 2:14

Ieh nemaré bururNeh ngaceku tau, pad Ieh nguli' netau ratnan amung-amung kekamen luk dat, pad Ieh ngeligan kuan bururNeh, aceh pupu mangun ku binawehNeh sebuleng, luk mekél nganau' luk do'.

IBERANI 12:2

Do' tau nier Yésus, luk nenganau' idi luk neriput anu tau. Ieh pana' ngaceku awang luk litep kuanNeh pangeh netuman ratnan dereh salib, dengan na ngerawé igu'Neh, idi Ieh tudo pa tinueh kerusi Allah.

IBERANI 12:4

Muyuh nateh nepebunu' dengan sala' pad macing muyuh maté.

1 PETRUS 2:24

Keristus nemabeh amung-amung sala' tau bang bururNeh luun kayuh tepalang, pad tau pinaté kuan sala', idi mulun kuan luk matu. Idi ratnan uratNeh muyuh pangeh dino'.

1 PETRUS 3:18

Ngaceku Keristus pana' pangeh nengalap dereh maté ngaceku sala' lemulun, ieh ineh Lemulun luk Matu ngaceku lemulun luk na matu, pad Ieh nguit netau amé' matun Allah; sagan pana' bururNeh pinaté, iamo' mulun bang roh;