PILIPI 2:7 - BALA LUK DO'

⁷ Imao' Ieh nengasi' bururNeh mangun ku demulun bang ayuNeh mepad kudeng lemulun idi sinier mepad kudeng ayu lemulun teh.

PILIPI 2:7 Iomraidhean Croise

NANI UBUR 22:6

Iamo' na ui lemulun, iamo' bacuk, luk inan lun amung-amung situnga!

YESAYA 42:1

Kebala Tuhan, “Ini DemulunKu luk uenKu ngetueh — Lun luk pinili'Ku luk inanKu mawang niat. Ui nemanu' Neneh ku laludKu; Ieh ngacing luk mesiri kuan amung pupu.

YESAYA 49:3

KebalaNeh Negku, “O Israil, Iko ineh DemulunKu. Ui miak buren lemulun ngaceku Iko.”

YESAYA 53:11

Pangeh derehNeh, Ieh ngalap awang teh pad Ieh kali' derehNeh ineh inan ulek. Ieh ineh DemulunKu luk matu, Ieh kumin kuan lun mula', pad ideh mangun ku pupuKu luk matu.

DANIEL 9:26

Pangeh ineh, luk pinili' Allah ineh miak pitayen dengan na punneh. Bawang ineh idi Ruma' Allah miak sagen baweh luk bang imet aceh raca' luk rayeh. Kekipedneh miak macing mepad kudeng ereb. Idi macing kekipedneh ineh inan bunu' idi susa' luk icuk Allah.

SEKARIA 3:8

O Yosua, Imam Rayeh, do' iko ninger idi lun rurum luk tudo pa atunmu pana'. Muyuh ineh aceh tanu' ratnan luk do' luk miak mangun muci. Ui miak maré demulunKu, luk titen Angat!

SEKARIA 9:9

O lun Sion, do' muyuh mawang niat! O lun Yerusalim, do' ngitang mawang niat! Siruh, raca' muyuh amé' nemuyuh! Ieh luk meluun tueh, iamo' mebeneh niat, idi nalan maya' anak keladai.

MATIUS 12:18

“Ini demulun luk pangeh pinili'Ku, Ieh luk inanKu mawa, idi Ui mawang niat Neneh. Ui sikal maré RohKu tudo luunNeh, idi Ieh sikal mada' ukum kuan amung-amung lun pupu baken.

MATIUS 20:28

mepad kudeng Anak-Lemulun pana' na Ieh nacing pad Ieh miak uen ngasa', iamo' pad Ieh miak ngasa' idi maré ulunNeh mangun ku uli' kuan amung-amung lemulun.”

MARKUS 9:12

Idi kebala Yésus, “Matu Elia macing atun pad nganau' amung-amung temina'. Iamo' kudeng apehké luk inayud ratnan Anak-Lemulun, idi Ieh miak mabeh mula' dereh idi talan lemulun?

LUKAS 22:27

Ngaceku idéké luk meluun rayeh, lemulun luk tudo kumanké, kian luk ngasa' lek? Kali' rungen lemulun luk tudo kuman ineh. Iamo' tudo arang muyuh kudeng lemulun luk ngasa'.

YAHYA 1:14

Bala ineh pangeh mangun ku lemulun idi netudo arang tau. Tau pangeh nenier rayehNeh luk mepanu' ku katu idi luk matu. Ieh ineh rayeh luk ilapNeh ngaceku Ieh Anak sebuleng Allah Taman.

SURAT LUK BIRE PAULUS KUAN LUN RUM 1:3

Bala ineh ratnan AnakNeh, Tuhan Yésus Keristus, luk maya' inul lemulun pangeh mangun ratnan inul Daud;

SURAT LUK BIRE PAULUS KUAN LUN RUM 15:3

Ngaceku Keristus pana' na nengerawé bururNeh sebuleng, iamo' kudeng luk pangeh inayud, “Idi amung-amung adu' lemulun luk ngilang Namu, pangeh mebpeh luun bururku.”

SURAT LUK BIRE PAULUS KUAN LUN RUM 15:8

Ui pebala nemuyuh, idi Keristus pangeh ngasa' nelun Yahudi, pad ngegala' ratnan Allah lutep maya' jani'. Ieh ngeriput pejani'Neh kuan tepun-tepun tau;

SURAT LUK BIRE PAULUS KUAN LUN RUM 8:3

Ukum ineh na miak ngagka' sala', ngaceku pinian burur lemulun luk melaya', iamo' Allah pangeh nengecuk AnakNeh sebuleng dengan ayu lemulun luk mesala' mangun ku baré ngaceku sala' ineh, pad ngukum sala' bang pinian burur.

2 KORINTUS 13:4

Ngaceku sagan pana' Ieh sinalib bang laya'Neh, iamo' Ieh mulun nekini ngaceku ratnan lalud Allah. Kai ini pana' melaya' teh bang Neneh, iamo' kai miak mulun denganNeh kuan muyuh, ngaceku ratnan lalud Allah.

2 KORINTUS 8:9

Ngaceku muyuh kali' katu Tuhan tau Yésus Keristus; sagan pana' Ieh lun do' Ieh mangun masi' ngaceku muyuh, pad dengan dalan asi'Neh ineh muyuh miak mangun ku lun do'.

GALATIA 4:4

Iamo' pangeh karebneh meriput Allah nengecuk AnakNeh luk tinganak ratnan seburur decur idi luk inau' mebeneh pa liang Ukum lun Yahudi,

PILIPI 2:6

Sagan pana' Ieh dengan ayu Allah, na Ieh mesaad pian ngimet mepad kudeng Allah ineh.

IBERANI 12:2

Do' tau nier Yésus, luk nenganau' idi luk neriput anu tau. Ieh pana' ngaceku awang luk litep kuanNeh pangeh netuman ratnan dereh salib, dengan na ngerawé igu'Neh, idi Ieh tudo pa tinueh kerusi Allah.

IBERANI 13:3

Ngerawé ratnan lemulun luk tinutup, mepad kudeng ayu muyuh pangeh tinutup dengan deh, idi ngerawé ratnan lemulun luk medereh mepad kudeng ayu burur muyuh pana' medereh.

IBERANI 4:15

Ngaceku na luk idi Imam Rayeh kuan tau luk na méi' inan amung-amung laya' tau, iamo' luk pangeh nengalap tutun bang luk amung-amung mepad kudeng tau, idi teh Ieh na mesala'.