PILIPI 2:6 - BALA LUK DO'

⁶ Sagan pana' Ieh dengan ayu Allah, na Ieh mesaad pian ngimet mepad kudeng Allah ineh.

PILIPI 2:6 Iomraidhean Croise

YESAYA 7:14

Tuhan sebuleng miak maré aceh tanu' namu. Inan seburur anak adi' decur luk mali'. Ieh miak nenganak aceh anak deléi idi ieh nganau' ngadanNeh ‘Immanuél.’

YESAYA 8:8

Ideh ngerieng Yahuda mepad kudeng tubu' belen luk ngereb aput bawang pad tudung.” Allah idi dengan tau! IladNeh tebalad, pad Ieh matar bawang tau.

YESAYA 9:6

Anak ineh tinganak kuan tau, Anak deléi pangeh biré kuan tau! Idi amung-amung lalud uen ngerareng luun tudungNeh. Ieh miak tetanen “Luk Nan Mawa,” “Lun luk ngimet,” “Allah luk Melalud,” “Taman luk Meruked,” idi “Raca' Awang.”

YEREMIA 23:6

Kareb Ieh mangun ku raca', pupu Yahuda miak do' udeng idi lun Israil na inan bunu'. Ideh miak neten raca' ineh ‘Tuhan Pangeh Nengulun Netau.’

MIKA 5:2

“O Baitlahim Eprata, iko aceh bawang luk meluun isuut déi' Yahuda. Iamo' Ui nguit aceh Raca' rat namu kuan lun Israil, luk inul tetek ruma'deh rat mon.”

SEKARIA 13:7

Kebala Tuhan luk Melalud, “Tumui, O pelapet, idi ngaté nelun luk matar dumbaKu! Ngaté neneh, idi dumba-dumba ineh miak uen matad. Ui miak munu' pupuKu,

MATIUS 1:23

“Aceh decur luk pun mebaruh, miak mali' pad ieh nenganak aceh anak deléi. Idi Ieh miak tetanen ‘Immanuel’.” (luk ilungneh, “Allah dengan tau”).

YAHYA 1:18

Seburur pana' nateh luk nenier Allah iamo' Anak buleng ineh luk idi dengan Allah, idi luk tudo iring Taman, Ieh luk pangeh nengegala' Neneh.

YAHYA 10:30

Ui idi Taman ineh Sebuleng.”

YAHYA 10:33

Idi lun Yahudi nengor balaNeh, keburi'deh, “Baken ngaceku kekamen luk do' kai mitung Namu, iamo' ngaceku Iko nguyo Allah. Iko lemulun mo' iamo' Iko maad bururMu dengan Allah.”

YAHYA 10:38

Iamo' kudeng Ui nganau' ineh, sagan pana' muyuh na manu Negku, na miak na muyuh manu ku kekamenKu pad muyuh kali' do'-do' ratnan Taman ineh idi bang Negku idi Ui pana' bang Neneh.”

YAHYA 14:28

Muyuh pangeh neninger balaKu nemuyuh, ‘Ui amé' idi Ui sikal lemubed kuan muyuh.’ Kudeng muyuh mawa Negku, kali' rungen muyuh mawang niat ngaceku Ui amé' inan Taman, ngaceku TamanKu meluun rayeh rat Negku.

YAHYA 14:9

Idi kebala Yésus neneh, “O Pilipus, tuda'-tuda' io Ui tudo dengan muyuh, idi nateh iko miti Negku? Lemulun luk pangeh nenier Negku, ieh pangeh nenier Taman teh. Kudeng apehké balamu, ‘Mada' Taman ineh siren kai’?

YAHYA 17:5

Idi nekini, O Ama', ngerayeh Negku pa kiungMu sebuleng dengan rayeh luk Ui nekali' pa kiungMu kareb nateh tana' ini pinudut.

YAHYA 20:28

Idi kebala Tomas Neneh, “O Allah, O Tuhanku!”

YAHYA 5:18

Ngaceku ineh lun Yahudi meluun tueh nakap dalan sikal ngaté Neneh, baken ngaceku ngelaba ukum Aco luk inan Mudeng mo', iamo' ngaceku Ieh nemala Allah ineh TamanNeh, idi maad bururNeh dengan Allah.

YAHYA 5:23

pad amung-amung lemulun miak gedita' Anak ineh mepad kudeng ideh ngedita' Taman ineh mepad kudeng ideh ngedita' Taman ineh teh. Lemulun luk na ngedita' Anak ineh, idi ieh pana' na ngedita' Taman luk nengecuk Neneh.

SURAT LUK BIRE PAULUS KUAN LUN RUM 9:5

Ideh ineh inul tepun-tepun tau, idi rat arangdeh Keristus pangeh nangun maya' ayu lemulun. Do' Allah luk pa luun amung-amung, buren ruked-ruked! Amin.

2 KORINTUS 4:4

Idi raca' tana' ini pangeh nengebuser mateh niat lemulun luk na manu ineh, pad ideh na miak macang ku acang Bala luk Do' ratnan rasat Keristus, ieh ineh ayun Allah.

2 KORINTUS 8:9

Ngaceku muyuh kali' katu Tuhan tau Yésus Keristus; sagan pana' Ieh lun do' Ieh mangun masi' ngaceku muyuh, pad dengan dalan asi'Neh ineh muyuh miak mangun ku lun do'.

1 TIMOTIUS 1:17

Idi amung-amung dita' idi rayeh kuan Raca' luk meruked, luk na miak maté, idi luk na miak siren, ieh ineh Allaah luk Sebuleng, ruked-ruked peh! Amin.

1 TIMOTIUS 3:16

Idi rayehneh luk inalum ineh ratnan baya' tau na miak belén. Ieh pangeh linigan bang burur lemulun, idi inau' matu ratnan Roh, idi ginala' kuan melaikat-melaikat. Ieh bida' arang amung-amung pupu, idi inan merapet bang tana', idi inuit umak dengan rayeh.

TITUS 2:13

kareb tau nganét Aco luk inan tau merapet ineh, ieh ineh kareb ubur Allah luk meluun rayeh idi Lun Nengulun netau Yésus Keristus miak megala' teh.

IBERANI 1:3

Ieh merasat ku rasat rayeh Allah; Ieh mepad ayu dengan ulun Allah. Ieh ngimet luk amung-amung dengan balaNeh luk melalud. Kareb Ieh pangeh nengiu' amung-amung sala', idi Ieh netudo pa tinueh Luk Meluun Rayeh déi' dita'.

IBERANI 1:6

Idi teh kareb Anak buleng ineh inuitNeh iné' bang tana', idi Ieh nepebala, “Do' melaikat-melaikat Allah tekeradung sembayang Neneh.”

IBERANI 1:8

Iamo' ratnan AnakNeh Allah nepebala, “KerusiMu O Allah, inan ruked-ruked, idi rukud luk matu, ieh ineh rukud ImetMu.

IBERANI 13:8

Yésus Keristus ineh na miak misu', do' so nilad, idi aco sini pana', idi ruked-ruked teh.

BALA LUK LINIO 21:6

Idi teh kebalaNeh, “Pangeh neriput! Ui ini Urup luk Pun-pun idi Urup luk Kekiped, ieh ineh Luk Pun-pun idi Luk Kekiped. Kuan lemulun luk meparing Ui miak amré neneh ngirup ratnan bued abpa' luk mulun ineh dengan mo'-mo'.