PILIPI 2:5 - BALA LUK DO'

⁵ Do' terawé muyuh mepad kudeng terawé Keristus Yésus:

PILIPI 2:5 Iomraidhean Croise

MATIUS 11:29

Do' muyuh ngalap paga'Ku idi sibada' rat Negku, ngaceku Ui mulai niat idi mebeneh niat, idi erur muyuh miak uen ngato.

LUKAS 22:27

Ngaceku idéké luk meluun rayeh, lemulun luk tudo kumanké, kian luk ngasa' lek? Kali' rungen lemulun luk tudo kuman ineh. Iamo' tudo arang muyuh kudeng lemulun luk ngasa'.

KEKAMEN RASUL-RASUL 10:38

Muyuh pangeh neninger ratnan Yésus lun Nasarét ineh, kudeng apeh Allah pangeh nengumau Neneh ku Roh Meligan idi lalud. Ieh nenalan iné' iapeh-iapeh idi nenganau' kekamen luk do', idi nengedo' amung-amung lemulun luk inimet Iblis; ngaceku Allah nengedengan Neneh.

KEKAMEN RASUL-RASUL 20:35

Bang amung-amung kekamen ini ui pangeh nengegala' kuan muyuh kudeng apeh tau petulu mekél ngedengan lemulun luk masi' idi mesusa'. Ngerawé bala Tuhan Yésus, ‘Meluun rayeh peruan kuan lemulun luk maré ratnan lemulun luk ngalap.’ ”

SURAT LUK BIRE PAULUS KUAN LUN RUM 14:15

Kudeng iko ngesabeng kinanakmu ngaceku luk kenenmu ineh, idi baken iko maya' dalan mawa teh. Aleg ngeraruh neneh ngaceku ratnan luk kenenmu ineh, ngaceku Keristus pangeh naté ku libalneh.

SURAT LUK BIRE PAULUS KUAN LUN RUM 15:3

Ngaceku Keristus pana' na nengerawé bururNeh sebuleng, iamo' kudeng luk pangeh inayud, “Idi amung-amung adu' lemulun luk ngilang Namu, pangeh mebpeh luun bururku.”

SURAT LUK BIRE PAULUS KUAN LUN RUM 15:5

Do' Allah, luk lawa ulai niat idi ubuk teh, maré kuan muyuh sebuleng niat arang muyuh sebuleng, maya' ayu Keristus Yésus,

1 KORINTUS 10:33

Do' maya' ulunku! Bang anun-anun luk ruenku, ui nutun ngawang niat lun mula'! Na ui nakap luk do' kuanku sebuleng, iamo' ui ngerawé lun baken, pad ideh miak uen ngulun.

EPESUS 5:2

Idi mulun bang awa, mepad kudeng Keristus pana' pangeh mawa netau, idi pangeh nemaré bururNeh ngaceku tau, mangun kuk aceh baré luk do' buen idi aceh luk barén luk inan Allah mawang niat.

PILIPI 1:1

Rat ni Paulus idi rat ni Timotius, demulun Keristus Yésus — Kuan amung-amung lun manu bang Keristus Yésus déi' bawang Pilipi, idi kuan amung-amung lun matar sidang idi lun ngasa' sidang teh:

1 PETRUS 2:21

Ngaceku muyuh pangeh tinawar kuan luk kudeng ini, ngaceku Keristus pangeh nemabeh dereh teh ngaceku muyuh, idi Ieh nenecan dalan kuan muyuh pad muyuh miak maya lawéNeh.

1 PETRUS 4:1

Ngaceku Keristus pangeh nengalap dereh bang burur lemulun, do' muyuh pana' ngayung ku niat luk mepad kudeng ineh teh; ngaceku lemulun luk ngalap dereh bang burur ineh, pangeh ugka' ratnan nganau' sala'.

1 YAHYA 2:6

Lemulun luk mala bururneh mulun bang Allah, do' ieh mulun mepad kudeng Keristus.