PILIPI 2:26 - BALA LUK DO'

²⁶ Ieh pelaba pian papu' nemuyuh, idi ieh mesusa' niat teh ngaceku muyuh pangeh neninger idi ieh mét.

PILIPI 2:26 Iomraidhean Croise

SEMUIL LUK KEDUEH 13:39

Idi Raca' Daud geregan sikal papu' ni Absalom. Ngaceku ieh pangeh inubuk ratnan Amnon luk naté ineh.

SEMUIL LUK KEDUEH 24:17

Kareb Daud nenier melaikat ineh luk ngaté nelun mula' ineh, idi kebalaneh inan Tuhan, “Ui luk mesala'. Idi ui luk nenganau' luk dat. Iamo' anunké luk inau' lun mula' ini? Meluun do' Iko ngukum negku idi uang tetek ruma'ku pana'.”

AYUB 9:27

Kudeng ui merimud pian mekelupan étku, idi amung derehku lemubed amé' negku; ui kali' Allah ngerawé negku mesala'.

NANI UBUR 69:20

Kuyo pangeh nengeberat niatku; idi ui pelaba laya'. Ui merapet nelun mé' idi ngubuk negku, iamo' na luk idi.

BALE' 12:25

Susa' bang niat lemulun matad neneh ratnan awang niat, iamo' bala luk méi' miak ngubuk neneh.

YESAYA 61:3

Idi maré kuan lemulun luk mesusa' niat déi' Sion, awang idi do' ria' ku libal susa' niat, idi nani ubur ku libal tangi'. Tuhan sebuleng miak ngasa' nedeh; ideh do' ulun mepad kudeng kayuh. Amung lemulun nganau' luk matu. Idi Allah miak buren ngaceku luk inau'Neh.

MATIUS 11:28

“Amé' Negku, amung-amung muyuh luk ngakem idi luk mabeh luk meberat, idi Ui ngato erur muyuh.

MATIUS 26:37

Idi Ieh nenguit Pétrus idi dueh anak Sabdi maya' Neneh, idi Ieh petacu meberat niat pad Ieh pelaba susa'.

KEKAMEN RASUL-RASUL 21:13

Iamo' kebala Paulus, “Anunké ulekneh muyuh nangi' idi ngelaso niatku? Ngaceku ui temina' baken betin mo', iamo' pitayen déi' Yerusalim ngaceku ngadan Tuhan Yésus.”

SURAT LUK BIRE PAULUS KUAN LUN RUM 1:11

Ngaceku ui geregan sikal nier nemuyuh, pad ui miak ngacing kuan muyuh peruan Roh luk nganau' nemuyuh lutep.

SURAT LUK BIRE PAULUS KUAN LUN RUM 12:15

Do' mawang niat dengan lemulun luk mawang niat, idi nangi' dengan lemulun luk nangi'.

SURAT LUK BIRE PAULUS KUAN LUN RUM 9:2

Ui pelaba berat niat, idi susa' luk bang niatku na miak ugka'.

1 KORINTUS 12:26

Kudeng sebuleng babpat ineh mét, idi amung-amung babpat ineh pana' mét teh. Idi kudeng sebuleng babpat buren, idi amung-amung babpat ineh pana' mawang niat peh.

2 KORINTUS 9:14

Idi ideh miak sembayang kuan muyuh dengan awa ngaceku katu luk rayeh luk ginala' Allah kuan muyuh.

GALATIA 6:2

Do' muyuh mabeh babeh muyuh seburur dengan seburur, idi kudeng ineh teh muyuh ngeriput ukum Keristus.

EPESUS 3:13

Ngaceku ineh ui mutuh pad muyuh na metalang niat ngerawé derehku kuan muyuh luk mangun ku peruan kuan muyuh.

PILIPI 1:3

Ui ngubur Allahku anid kareb ui ngerawé nemuyuh.

PILIPI 1:8

Allah kali' ratnan ui sikal papu' nemuyuh dengan éi' Yésus Keristus.

PILIPI 2:25

Iamo' bang terawéku do' ui ngecuk Epaproditus, kinanak tau ineh, kuan muyuh, ieh ineh lun denganku bang kekamen idi bunu' Tuhan, idi luk duken muyuh ngasa' negku bang asi'ku.

PILIPI 2:27

Idi sagan pana' ieh mét lélé maté, iamo' Allah méi' neneh, idi baken kuanneh sebuleng mo' iamo' kuanku pana, pad ui na pelaba dat niat.

PILIPI 4:1

Ngaceku ineh, O kinanak-kinanakku luk inanku mawa, idi luk inanku geregan, idi luk mangun ku awangku idi pataku, idi bang luk kudeng ineh do' muyuh lutep bang Tuhan, O luk inanku mawa.

1 PETRUS 1:6

Bang luk kudeng ini muyuh mawang niat, sagan pana' segageh mo', kudeng petulu, muyuh ngalap susa' bang anid-anid tutun,