PILIPI 2:25 - BALA LUK DO'

²⁵ Iamo' bang terawéku do' ui ngecuk Epaproditus, kinanak tau ineh, kuan muyuh, ieh ineh lun denganku bang kekamen idi bunu' Tuhan, idi luk duken muyuh ngasa' negku bang asi'ku.

PILIPI 2:25 Iomraidhean Croise

BALE' 25:13

Lun duken luk inan merapet ngawang niat lemulun luk ngecuk neneh, mepad kudeng abpa' luk meteneb kareb ngeranih.

YAHYA 13:16

Matu, Ui pebala nemuyuh, seburur demulun na meluun rayeh ratnan tuanneh, idi seburur lun duken pana' na meluun rayeh ratnan luk nengecuk neneh.

YAHYA 17:18

Ui nengecuk nedeh amé' bang tana' ini, mepad kudeng Iko nengecuk Negku.

SURAT LUK BIRE PAULUS KUAN LUN RUM 16:3

Do' maré tabi' kuan Priskila idi Akila, lun denganku bang kekamen Keristus Yésus.

SURAT LUK BIRE PAULUS KUAN LUN RUM 16:9

Tabi' kuan Urbanus, luk lun dengan kai bang kekamen Keristus, idi lun rurumku Istakus.

1 KORINTUS 3:9

Ngaceku kai lemulun pad-pad ngakem dengan Allah, idi muyuh ini lati' Allah. Muyuh ini pinginud aceh ruma' Allah.

2 KORINTUS 2:13

Iamo' ui mesusa' niat, ngaceku na nepapu' kinanakku Titus ineh. Ngaceku ineh ui nemutuh do' nedeh idi ine' déi' Makedonia.

PILIPI 2:26

Ieh pelaba pian papu' nemuyuh, idi ieh mesusa' niat teh ngaceku muyuh pangeh neninger idi ieh mét.

PILIPI 4:18

Ui pangeh nengalap amung-amung ineh, idi teh, meluun ratnan luk petap. Idi ui pangeh nengalap mela ngaceku ui nengalap rat ni Epaproditus amung baré muyuh. Baré ineh mangun ku aceh buen luk do' idi baré luk pian idi luk petulu dengan Allah.

PILIPI 4:3

Meluun teh kuanmu pana', O lun denganku luk matu, ui mutuh namu ngedengan nedidueh luk decur ineh, luk pangeh pad-pad nerur denganku bang kekamen mada' Bala luk Do' pad-pad dengan Klemen teh, idi amung-amung lun denganku luk baken-baken teh, luk pangeh inayud ngadandeh bang surat ulun Allah.

KOLOSE 1:7

Muyuh pangeh nesibada' rat ni Epapras lun dengan kai luk inan mawa, luk lutep ngakem bang ngadan kai kuan Keristus.

KOLOSE 4:11

Idi Yosua luk titen Yustus ineh pana' maré tabi'. Idi amungdeh ineh luk ngimet adat sunat, idi ideh mo' luk ngakem pad-pad denganku bang Imet Allah, idi ideh teh luk pangeh mangun ku ubuk kuanku.

1 TESALONIKA 3:2

Idi kai nengecuk Timotius, ieh ineh kinanak tau luk ngakem kuan Allah idi pad-pad mada' Bala luk Do' ratnan Keristus dengan kai. Kai nengecuk neneh ngedengan nemuyuh idi ngepicet anu muyuh,

PILIMON 1:24

idi teh Markus, Aristarkus, Dimas, idi Lukas, ieh ineh lun denganku pad-pad bang kekamen Allah.

IBERANI 3:1

O kinanak-kinanakku luk meligan, luk pad-pad ngalap babpat bang tawar luk rat surga, do' muyuh ngerawé Rasul idi Imam Rayeh luk pangeh imo tau, ieh ineh Yésus.