PILIPI 2:21 - BALA LUK DO'

²¹ Ngaceku amung-amungdeh nakap luk kuan bururdeh sebuleng, baken luk ratnan Yésus Keristus.

PILIPI 2:21 Iomraidhean Croise

RACA'-RACA' LUK KEDUEH 12:6

Iamo' kareb Yuas paneh nengimet dueh ngepulu' teluh lak, idi nateh imam-imam nengedo' Ruma' Allah ineh.

YESAYA 56:11

Ideh mepad kudeng uko' luk manga luk na mileh mebor. Ideh ineh lun nguyut luk na mileh. Anid-anid bururdeh maya' luk piandeh, idi ngerawé bururdeh sebuleng mo'.

MALAKI 1:10

Idi kebala Tuhan luk Melalud, Meluun do' seburur muyuh ngitek tanga' Ruma' Allah, pad muyuh na nganau' apui luk na ulek luun bubpunKu. Na Ui mawang niat nemuyuh! Na Ui pian ngalap luk barén muyuh Negku.

MATIUS 16:24

Idi kebala Yésus kuan anak-anak sekola'Neh, “Idé-idé luk sikal maya' Negku, do' ieh na ngerawé bururneh sebuleng, iamo' maan salibneh idi maya' Negku.

LUKAS 14:26

“Lemulun luk amé' Negku na miak mangun ku anak sekola'Ku kudeng ieh na megateh inan tamanneh, tinanneh, awanneh, anakneh, kinanakneh luk deléi, kinanakneh luk decur, idi bururneh sebuleng pana'.

KEKAMEN RASUL-RASUL 13:13

Idi Paulus idi lun denganneh pana' nenalan maya' kapal rat Papos macing Perga déi' tana' Pampilia. Idi Yahya Markus nepatad rat nedeh idi nelemubed iné' Yerusalim.

KEKAMEN RASUL-RASUL 15:38

Iamo' Paulus nengerawé na do' nguit neneh, ngaceku ieh na nemaya' nedidueh ruked lawé didueh. Iamo' ieh nenecan nedidueh déi' Pampilia.

1 KORINTUS 10:24

Idi aleg seburur lemulun pana' nakap peruanneh sebuleng, iamo' do' ngerawé lun baken.

1 KORINTUS 10:33

Do' maya' ulunku! Bang anun-anun luk ruenku, ui nutun ngawang niat lun mula'! Na ui nakap luk do' kuanku sebuleng, iamo' ui ngerawé lun baken, pad ideh miak uen ngulun.

1 KORINTUS 13:5

Awa ineh na nganau' luk na petulu; na nakap luk kuan bururneh sebuleng; na megateh niat; na ngerawé sala' dulun.

2 KORINTUS 1:5

Mepad kudeng tau ngalap babpat dereh Keristus luk mula' ineh, kudeng ineh teh bang Keristus tau ngalap pedenganNeh luk rayeh.

PILIPI 2:4

Aleg seburur lemulun ngerawé kekamenneh sebuleng mo', iamo' do' ieh ngerawé ratnan kekamen lun baken teh.

2 TIMOTIUS 1:15

Iko kali' amung-amung lemulun luk déi' tana' Asia ineh pangeh neteketed rat negku, idi arangdeh ineh Pigelus idi Hermogenis.

2 TIMOTIUS 3:2

Lemulun miak mawa inan bururdeh sebuleng, melili ku usin, ngerayeh bururdeh, medita' niat, nguyo lemulun, ngelaba bala taman-tinandeh, na maré ubur, idi na meligan.

2 TIMOTIUS 4:10

Dimas pangeh nenecan negku ngaceku mawa kuan tana' ini, idi ieh pangeh iné' Tesalonika; Kreskes iné' Galatia, idi Titus iné' Dalmatia.

2 TIMOTIUS 4:16

Kareb ui pun-pun nengor bala bang besara', na luk idi seburur pana' luk ngeruyung negku; iamo' amung-amungdeh nenecan negku. Ui merapet amung ineh na mangun ku babeh kuandeh.